រាជធានីភ្នំពេញ ៖ កម្លាំងសមត្ថកិច្ចនគរបាលការិយាល័យព្រហ្មទណ្ឌកំរិតស្រាលរាជធានីភ្នំពេញ នាថ្ងៃទី១១ ខែសីហា ឆ្នាំ២០២១ នេះ បានធ្វើការបញ្ជូនជនសង្ស័យជាមុខសញ្ញាចោរគាស់តូបអ្នកលក់កាហ្វេ ចំនួន៣នាក់ ទៅកាន់សាលាដំបូងរាជធានីភ្នំពេញ…
រាជធានីភ្នំពេញ ៖ កម្លាំងសមត្ថកិច្ចនគរបាលការិយាល័យព្រហ្មទណ្ឌកំរិតស្រាលរាជធានីភ្នំពេញ នាថ្ងៃទី១១ ខែសីហា ឆ្នាំ២០២១ នេះ បានធ្វើការបញ្ជូនជនសង្ស័យជាមុខសញ្ញាចោរគាស់តូបអ្នកលក់កាហ្វេ ចំនួន៣នាក់ ទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។
ជនសង្ស័យទាំង៣នាក់ រួមមាន ៖
១. ឈ្មោះ រ៉ាន់ រ៉ាឌីន ហៅត្រេន ភេទប្រុស អាយុ ២២ឆ្នាំ
២. ឈ្មោះ សែន រតនា ភេទប្រុស អាយុ ២៥ឆ្នាំ
និង៣. ឈ្មោះ ខេង ឡាឌី ភេទប្រុស អាយុ ១៧ឆ្នាំ ពួកគេពុំមានមុខរបរ នឹងស្នាក់នៅមិនពិតប្រាកដ ។
ទាក់ទិនករណីខាងលើនេះ លោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញបានឲ្យដឹងថា នៅវេលាម៉ោង៦ និង៣០នាទីល្ងាចថ្ងៃទី៩ ខែសីហា ឆ្នាំ២០២១ កម្លាំងជំនាញបានធ្វើការស្រាវជ្រាវ និងឃាត់ខ្លួនជនសង្ស័យជាបន្តបន្ទាប់ ចំនួន៣នាក់ នៅចំណុចដីឡូតិ៍គ្មានលេខ ផ្លូវគីមអ៊ីលស៊ុង សង្កាត់បឹងកក់២ ខណ្ឌទួលគោក រាជធានីភ្នំពេញ ពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស ដោយសារការកាប់គាស់ទម្លុះទម្លាយ (គាស់តូបលក់កាហ្វេលួចសម្ភារៈ) ប្រព្រឹត្តនៅចំណុចកែងផ្ទះលេខ៤៣ មុខផ្សារសាមគ្គី ផ្លូវម៉ៅសេទុង ក្រុម១១ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ កាលពីរំលងអាធ្រាត្រ យប់ថ្ងៃទី៩ ខែសីហា នេះ ។
ក្នុងនោះវត្ថុតាងចាប់យករួមមាន ម៉ាស៊ីនឆុងកាហ្វេចំនួន ១គ្រឿង និងម៉ាស៊ីនកិនកាហ្វេ ចំនួន ១គ្រឿង ជារបស់ជនរងគ្រោះឈ្មោះ ទី ឈនបូផា ភេទស្រី អាយុ ៣៤ឆ្នាំ មុខរបរលក់ដូរ មានទីលំនៅផ្ទះលេខ៤៨ ផ្លូវបេតុង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។
លោកនាយការិយាល័យ បន្តថា ជនសង្ស័យទាំង ៣នាក់ បានប្រព្រឹត្តនៅចំណុចដូចខាងលើ ដោយសារពួកគេ បានយកតួលឺវីស ទៅគាស់ទ្វារតូបលក់កាហ្វេរបស់ជនរងគ្រោះ ហើយបានចូលទៅក្នុងតូបលួចយកប្រាក់ចំនួន ២០០,០០០រៀល (ម្ភៃម៉ឺនរៀល) និងកង្ហារបញ្ឈរ១ ។ ពេលលួចបានលុយ និងកង្ហា១គ្រឿងហើយ ពួកគេនាំគ្នាចូលទៅលើកម៉ាស៊ីនឆុងកាហ្វេទៀត ប៉ុន្តែលើកមិនរួច ក៏ជិះកង់ចេញទៅ លុះទៅដល់រង្វង់មូលទួលគោក ក៏បបួលគ្នាត្រឡប់មកវិញ និងចូលទៅលួចយកម៉ាស៊ីនឆុងកាហ្វេ ពីតូបជនរងគ្រោះ លើកដាក់លើកង់ជិះគេចខ្លួនដោយសុវត្តិភាព ។
ទីបំផុតមិនបាន១ថ្ងៃផង ក្រុមទីទុយ មុខសញ្ញាចោរគាស់តូបអ្នកលក់កាហ្វេ ត្រូវបានកម្លាំងសមត្តកិច្ចនគរបាលព្រហ្មទណ្ឌ ក្របួចបាន ទាំង៣នាក់ បញ្ជូនទៅតុលាការ ៕
ចែករំលែកព័តមាននេះ