អាមៀ ខាន់ កំពូលអ្នកប្រដាល់អង់គ្លេសបានផ្ដួលកីឡាករអាមេរិកលោកប៉ូលី ម៉ាលី ណាក់គី ឱ្យចុះចាញ់នៅក្នុងទឹកទី១១ ការពារបាននូវខ្សែក្រវាត់ពិភពលោកស្ថាប័ន WBA របស់ខ្លួននៅសង្វៀន Madison Square Garden ដែលស្ថិតនៅក្នុងទីក្រុងញូវយ៉ក សហរដ្ឋអាមេរិក កាលពីរាត្រីថ្ងៃសៅរ៍ ទី១៥ ឧសភា ត្រូវនឹងថ្ងៃអាទិត្យ ទី១៦ ឧសភា នៅកម្ពុជា ។
អាមៀ ខាន់ កំពូលអ្នកប្រដាល់អង់គ្លេសបានផ្ដួលកីឡាករអាមេរិកលោកប៉ូលី ម៉ាលី ណាក់គី ឱ្យចុះចាញ់នៅក្នុងទឹកទី១១ ការពារបាននូវខ្សែក្រវាត់ពិភពលោកស្ថាប័ន WBA របស់ខ្លួននៅសង្វៀន Madison Square Garden ដែលស្ថិតនៅក្នុងទីក្រុងញូវយ៉ក សហរដ្ឋអាមេរិក កាលពីរាត្រីថ្ងៃសៅរ៍ ទី១៥ ឧសភា ត្រូវនឹងថ្ងៃអាទិត្យ ទី១៦ ឧសភា នៅកម្ពុជា ។
ពិតជាដូចពាក្យសន្យារបស់ខ្លួនមែន អាមៀ ខាន់ មានទំនុកចិត្ដថាការប្រកួតនេះ រឹតតែបានធ្វើឱ្យរូបគេបោះជំហានខិតកាន់តែជិតជាស្ដេចប្រដាល់ដែលគ្មានគូប្រៀបក្នុងប្រភេទទំងន់សព្វថ្ងៃនេះ ។
នៅក្នុងពេលប្រកួតកីឡាករវ័យ២៣ឆ្នាំ រូបនេះបានប្រើកណ្ដាប់ដៃស្ដាំដែលប្រកបទៅដោយល្បឿនលឿនដូចព្យុះវាយសន្ធាប់ទៅលើគូប្រកួត រហូតធ្វើឱ្យម៉ាលីណាក់គី យកខ្សែរេញធ្វើជាបង្អែក។ ក្នុងពេលនោះម៉ាលីណាក់គីហាក់គ្មានអ្វីតបតជាមួយអាមៀ ខាន់ ឡើយក្រៅតែពីយកដៃឃុំការពារមុខ ។ ដោយពិនិត្យឃើញថា ម៉ាលីណាក់គី គ្មានអ្វីតបតជាមួយគូប្រកួតនោះលោកអាជ្ញាកណ្ដាល Steve Smoger ក៏បានសំរេចចិត្ដ បញ្ឈប់ការប្រកួតនៅនាទី១:២៥ ក្នុងទឹកទី ១១តែម្ដងទៅ ។ ចំណែកលោកម៉ាលីណាក់គី ដែលមុខរបស់គេបានហើមប៉ោងជាំនោះមិនបានធ្វើការជំទាស់តវ៉ាជាមួយការសំរេចចិត្ដរបស់លោកអាជ្ញាកណ្ដាលនោះឡើយ។ បញ្ចប់ការប្រកួតរូបគេបាននិយាយថា “ដៃគូប្រកួតរបស់ខ្ញុំយល់យ៉ាងច្បាស់ថារូបគេ នឹងឈ្នះក្នុងទឹកនេះ។ រូបគេមានកំលាំងខ្លាំងក្លាណាស់” ។
ដោយឡែក អាមៀ ខាន់ ដែលធ្លាប់ ប្រកួតឈ្នះចំនួន២៣លើក ចាញ់១លើក និង ធ្លាប់ផ្ដួលដៃគូឱ្យសន្លប់១៧លើកនោះបាននិយាយថា “ខ្ញុំគិតថាជាមួយល្បឿនវាយ ចេញរបស់ខ្ញុំ ខ្ញុំជឿថា ខ្ញុំពិតជាអាចយកឈ្នះ បានដោយងាយស្រួល ។ ខ្ញុំបានគិតថាខ្ញុំនឹង គ្របស្កត់គេឱ្យទាល់តែបាន” ។
ហ្វូងទស្សនិកជនប្រហែល៥ពាន់នាក់នៅក្នុងសង្វៀនប្រកួតបានរំជើបរំជួលយ៉ាងខ្លាំង។ ខណៈនោះក៏មានទស្សនិកជនមួយក្រុមបាន ក្រោកឈរនៅចំកណ្ដាលហ្វូងគ្រវីទង់ជាតិ អង់គ្លេសចំនួន២ និងទង់ប្រទេសប៉ាគីស្ថានមួយផងដែរ ។ គួរកត់សំគាល់ថាក្នុងពេល ប្រកួតមានទស្សនិកជន២ ទៅ៣នាក់បាន ឈ្លោះទាស់ទែងគ្នាដោយសារតែការប្រកាន់អ្នកប្រដាល់រៀងៗខ្លួន។ បន្ទាប់ពីមានជំលោះបែបនោះ មានក្រុមអ្នកគាំជ្រាច្រើនត្រូវបាន ប៉ូលិសនាំខ្លួនចេញពីកន្លែងប្រកួត ។សូមរំលឹកថា ក្នុងចំណោម 23ប្រកួត អាមៀ ខាន់ចាញ់តែមួយលើកប៉ុណ្ណោះ។ កាលពីឆ្នាំ២០០៨ ក្នុងខែកញ្ញារូបគេត្រូវបាន អ្នកប្រដាល់មកពីប្រទេសកូឡុំប៊ី លោក ប្រេដឌីស ប្រេស្កុត វាយឱ្យសន្លប់នៅក្នុងទឹកទី១ ។ ប៉ុន្ដែចាប់ពីពេលនោះមករូបគេបានយកឈ្នះការប្រកួត៤លើកជាប់ៗគ្នា ដោយក្នុងនោះរួមទាំងឈ្នះខ្សែក្រវាត់ WBA ផង។ គេបានធ្វើការហ្វឹកហាត់ជាមួយលោក ហ្វ្រេដឌី រ៉ូច ដែលបានធ្វើឱ្យរូបគេក្លាយជាអ្នកប្រដាល់ល្បីឈ្មោះម្នាក់ ។
អាមៀ ខាន់បាននិយាយថា “ខ្ញុំបានហ្វឹកហាត់ជាមួយគាត់នៅឆ្នាំ២០០៥ គឺជាពេលដែលខ្ញុំបានទៅកាន់អាមេរិកជាលើកដំបូង។ ដោយមើលឃើញពីអ្វីដែលបានធ្វើដោយជោគជ័យ ជាពិសេសជាមួយលោកប៉ាក់គីអាវនោះនាំឱ្យខ្ញុំគិតថា គាត់ពិតជាអាចធ្វើ ឱ្យខ្ញុំល្បីឈ្មោះប្រសិនបើខ្ញុំយកចិត្ដទុកដាក់ធ្វើការហ្វឹកហាត់ដោយម៉ត់ចត់” ។ អាមៀ ខាន់ បាននិយាយដោយពោលសរសើរលោកហ្វ្រេដឌី រ៉ូចទៀតថា “គាត់ជាគ្រូបង្ហាត់ដ៏ពូកែដែលប្រកបទៅដោយបទពិសោធន៍ គឺជា គ្រូបង្ហាត់ដ៏មហិមាមួយរូប។ ខ្ញុំគិតថាគ្រប់ៗ គ្នាពិតជាបានមើលឃើញការផ្លាស់ប្ដូរចាប់ តាំងពីខ្ញុំបានចូលហាត់ជាមួយគាត់មក ។ ខ្ញុំឥឡូវនេះ គឺជាអ្នកប្រដាល់ម្នាក់ផ្សេងពី មុន៕
ចែករំលែកព័តមាននេះ