សម្រស់គឺជារឿងសំខាន់។ នរណាក៏មិនចង់ចាស់ជាងវ័យដែរ ដោយហេតុនេះហើយទើបយើងឃើញមានផលិតផលជាច្រើន ដាក់លក់ដើម្បីពន្យារភាពចាស់។ ទោះបីជាអ្នកខំប្រើប្រាស់យ៉ាងណាក៏ដោយ ក៏វាមិនសូវឱ្យផលដែរ ប្រសិនបើអ្នកមិនគិតពីរបបអាហារ ដែលអ្នកទទួលទាន។ គ្រឿងផ្សំមិនល្អនៅក្នុងអាហារខ្លះ ដូចជាជាតិស្ករ សូដ្យូម និង ស៊ុលហ្វាត ច្រើនដែលអាចជះឥទ្ធិពលអវិជ្ជមានដល់រាងកាយរបស់យើង ដោយការខះជាតិទឹកឬធ្វើឱ្យស្បែកខូឡាជេនចុះខ្សោយ។ ខាងក្រោមនេះ គឺជាអាហារបីប្រភេទ ដែលអ្នកគួរចៀសឆ្ងាយ ប្រសិនបើអ្នកមិនចង់ចាស់មុនអាយុ។
១. អាហារបំពង
វាមិនត្រឹមតែអាក្រក់សម្រាប់សុខភាពរបស់យើងប៉ុណ្ណោះទេ ប៉ុន្តែវាថែមទាំងធ្វើអោយយើងឆាប់ចាស់ផងដែរ។ នេះដោយសារតែអាហារដែលត្រូវបានបំពង បង្កើនសមាសធាតុរលាកនៅក្នុងខ្លួនរបស់យើង។ នេះមានន័យថា ពួកគេធ្វើឱ្យរាងកាយរបស់យើងមានអារម្មណ៍មិនស្រួល និង ធ្វើឱ្យស្បែករបស់យើងងាយនឹងរលាកឡើងក្រហម ដែលធ្វើឱ្យវាងាយរងគ្រោះពីការខូចខាតខាងក្រៅពីព្រះអាទិត្យ ដែលអាចបន្សល់ជាស្នាមជ្រីវជ្រួញ។
២. ភេសជ្ជៈប៉ូវកម្លាំង
ថ្វីត្បិតតែភេសជ្ជៈទាំងនេះអាចមានអត្ថប្រយោជន៍ខ្លាំងណាស់ សម្រាប់អ្នកដែលត្រូវការការជម្រុញថាមពលបន្ថែម ប៉ុន្តែវាពិតជាអាចបំផ្លាញស្បែករបស់អ្នក។ នេះដោយសារតែវាពោរពេញទៅដោយជាតិស្ករ និង ជាតិកាហ្វេអ៊ីន ដែលវាទាំងពីរនេះមិនល្អសម្រាប់ស្បែករបស់អ្នក។ បរិមាណស្ករច្រើនអាចប៉ះពាល់ដល់សុខភាពកូឡាជែនរបស់អ្នក ខណៈដែលជាតិកាហ្វេអ៊ីននឹងធ្វើឱ្យអ្នកនិងស្បែកខូច។ នេះធ្វើឱ្យស្បែករបស់អ្នកងាយរងការបំផ្លាញនិងស្នាមជ្រួញ។
៣. ប្រេងបន្លែ
កាត់បន្ថយបរិមាណប្រេងបន្លែដែលយើងប្រើ អាចជួយស្បែករបស់យើង។ ដោយសារតែប្រេងពោរពេញទៅដោយជាតិខ្លាញ់មិនល្អ (Trans Fat)។ វាពិតជាបណ្តាលឱ្យរលាក មានន័យថាស្បែករបស់យើងងាយនឹងរងការបំផ្លាញកាំរស្មីយូវី។ នេះអាចធ្វើឱ្យយើងមានស្នាមជ្រីវជ្រួញនិងងាយចាស់ ប្រសិនជាយើងមិនបានចាប់អារម្មណ៍៕
ចែករំលែកព័តមាននេះ