ព្រៃវែង រកឃើញកូវីដ ៩១នាក់ ជាសះស្បើយ ១០២នាក់ និងស្លា.ប់ ២នាក់ នៅថ្ងៃទី៥សីហា
- ព្រៃវែង
ខេត្តព្រៃវែង៖ ថ្ងៃទី៥ ខែសីហា ឆ្នាំ២០២១ រដ្ឋបាលខេត្តព្រៃវែង បានរកឃើញករណីអ្នកវិជ្ជមានកូវីដ-១៩ថ្មី ចំនួន ៩១នាក់ ជាសះស្បើយចំនួន ១០២នាក់…
ខេត្តព្រៃវែង៖ ថ្ងៃទី៥ ខែសីហា ឆ្នាំ២០២១ រដ្ឋបាលខេត្តព្រៃវែង បានរកឃើញករណីអ្នកវិជ្ជមានកូវីដ-១៩ថ្មី ចំនួន ៩១នាក់ ជាសះស្បើយចំនួន ១០២នាក់…
ខេត្តព្រៃវែង៖ ថ្ងៃទី៥ ខែសីហា ឆ្នាំ២០២១ រដ្ឋបាលខេត្តព្រៃវែង បានរកឃើញករណីអ្នកវិជ្ជមានកូវីដ-១៩ថ្មី ចំនួន ៩១នាក់ ជាសះស្បើយចំនួន ១០២នាក់ និងស្លាប់ ចំនួន ២នាក់ នៅមូលដ្ឋានក្នុងក្រុង/ស្រុក ចំនួន ១៣ ដូចខាងក្រោម៖ ១- ក្រុងព្រៃវែង ចំនួន ៧នាក់ ២- ស្រុកព្រះសេ្ដច ចំនួន ៤០នាក់ ៣-ស្រុកពាមរក៍ ចំនួន ៩នាក់ ៤- ស្រុកកំពង់ត្របែក ចំនួន ៩នាក់ ៥- ស្រុកស្វាយអន្ទរ ចំនួន ៥នាក់ ៦- ស្រុកពាមជរ ចំនួន ៥នាក់ ៧- ស្រុកស៊ីធរកណ្ដាល ចំនួន ៤នាក់ ៨- ស្រុកពារាំង ចំនួន ៣នាក់ ៩- ស្រុកបាភ្នំ ចំនួន ៣នាក់ ១០-ស្រុកមេសាង ចំនួន ៣នាក់ ១១-ស្រុកកញ្ជ្រៀច ចំនួន ១នាក់ ១២-ស្រុកកំចាយមារ ចំនួន ១នាក់ និង១៣-ស្រុកពោធិ៍រៀង ចំនួន ១នាក់។
រដ្ឋបាលខេត្តព្រៃវែង បានប្រកាសថា បច្ចុប្បន្ន អ្នកវិជ្ជមានជំងឺកូវីដ-១៩ ទាំង ៩១នាក់ ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្ត និងតាមមន្ទីរពេទ្យបង្អែកស្រុកនីមួយៗ។ ជាថ្មីម្តងទៀត ចំពោះអ្នកដែលបានប្រាស្រ័យទាក់ទងប៉ះពាល់ដោយផ្ទាល់ឬប្រយោលជាមួយបុគ្គលវិជ្ជមានកូវីដ-១៩ ខាងលើ សូមដាក់ខ្លួនដាច់ដោយឡែក តាមដានសុខភាពរយៈពេល ១៤ថ្ងៃ និងរាយការណ៍ មកអាជ្ញាធរ ដើម្បីយកសំណាក និងធ្វើចត្តាឡីស័ក។
រដ្ឋបាលខេត្តព្រៃវែង បានប្រកាសអំពាវនាវដល់ប្រជាពលរដ្ឋ ឲ្យប្រកាន់ខ្ជាប់នូវវិធានការ ៣ការពារ ពាក់ម៉ាស់នៅគ្រប់ទីសាធារណៈ លាងដៃជាមួយសាប៊ូ អាល់កុល ឬ ជែល និងរក្សាគម្លាតសុវត្ថិភាព សង្គមចាប់ពី ១ម៉ែត្រកន្លះឡើងទៅ។ វិធានការ ៣កុំ គឺកុំចូលទៅកន្លែងបិទជិតគ្មានខ្យល់ចេញចូល កុំចូលទៅកន្លែងមានមនុស្សច្រើនកុះករ និងកុំប៉ះពាល់គ្នា។
ចំណែកអ្នកស្លាប់ ២នាក់ ដោយសារកូវីដ១៩ ដែលបានប្រកាស នៅថ្ងៃទី៥ ខែសីហានេះ រួមមាន៖ ១. ព្រះតេជព្រះគុណ ឡុង ស៊ុន ព្រះសង្ឃគង់នៅវត្តប្រស្នា ភូមិប្រស្នាតូច ឃុំសេនារាជឧត្តម ស្រុកព្រះសេ្ដច ខេត្តព្រៃវែង បានសុគត នៅថ្ងៃទី៤ ខែសីហា ឆ្នាំ២០២១ ក្នុងជន្មាយុ ៨៤ព្រះវស្សា ដោយសារជំងឺកូវីដ-១៩។ ២. លោក ដូង លាប ប្រជាពលរដ្ឋរស់នៅភូមិចចកទី១ ឃុំមេបុណ្យ ស្រុកស្វាយអន្ទរ ខេត្តព្រៃវែង បានទទួលមរណភាព នៅថ្ងៃទី០៥ ខែសីហា ឆ្នាំ២០២១នេះ ក្នុងជន្មាយុ ៦១ឆ្នាំ ដោយសារជំងឺកូវីដ-១៩៕
ចែករំលែកព័តមាននេះ