កម្លាំងសមត្ថកិច្ចជំនាញនៃអធិការដ្ឋាននគរបាលស្រុកត្រាំកក់ ខេត្តតាកែវ បានធ្វើការឃាត់ខ្លូនជនសង្ស័យម្នាក់ជិះម៉ូតូ១គ្រឿងធុន C125 ពណ៌ខ្មៅ ស៊េរីឆ្នាំ2016 ស្លាកលេខសៀមរាប 1AC-6750 ដែលបានតាំងខ្លួនប្រាប់ប្រជាពលរដ្ឋថា
ខេត្តតាកែវ ៖ បើតាមសេចក្តីរាយការណ៍បានឲ្យដឹងថា កាលពីថ្ងៃទី២ ខែសីហា ឆ្នាំ២០២១ កម្លាំងសមត្ថកិច្ចជំនាញនៃអធិការដ្ឋាននគរបាលស្រុកត្រាំកក់ ខេត្តតាកែវ បានធ្វើការឃាត់ខ្លូនជនសង្ស័យម្នាក់ជិះម៉ូតូ១គ្រឿងធុន C125 ពណ៌ខ្មៅ ស៊េរីឆ្នាំ2016 ស្លាកលេខសៀមរាប 1AC-6750 ដែលបានតាំងខ្លួនប្រាប់ប្រជាពលរដ្ឋថា ខ្លួនឈ្មោះ ផល្លី ជាភ្នាក់ងារផ្សព្វផ្សាយកម្ចីប្រាក់ធនាគារវឌ្ឍនៈខេត្តតាកែវ ហើយបានទៅឆបោកប្រាក់ពីប្រជាពលរដ្ឋឈ្មោះ សេង សុភាព ភេទស្រី អាយុ៤១ឆ្នាំ នៅភូមិព្រៃខ្វាវ ឃុំត្រពាំងធំខាងជើង ស្រុកត្រាំកក់ អស់ប្រាក់៨,៨០០,០០០រៀល និងប្រាក់ដុល្លារ៦០០ដុល្លារអាមេរិក ។
ដោយជនសង្ស័យខាងលើនេះបានប្រើល្បិចថា ឲ្យលុយទៅជនរងគ្រោះខ្ចីចំនួន ១០,០០០ ដុល្លារអាមេរិក តែដើម្បីរត់ការផ្ដាច់ពីធនាគារផ្សេងនោះ ក្រោយមករូបគេ(ជនសង្ស័យ)ត្រូវយកប្រាក់មុនខ្លះ ដើម្បីផ្ដាច់ពីធនាគារ ដោយលើកទី១ ជនសង្ស័យបានយកប្រាក់ពីជនរងគ្រោះផ្ទាល់ដៃចំនួន ៦០០ ដុល្លារ ហើយថ្ងៃបន្ទាប់ជនសង្ស័យបានឲ្យជនរងគ្រោះវេរប្រាក់តាមវីងចំនួន៣លើក សរុប ៨,៨០០,រៀល ទៅឲ្យខ្លួន ។
ក្រោយពីបានប្រាក់នោះហើយ ជនសង្ស័យក៏បានបិទទូរស័ព្ទមួយរយៈ លុះដល់ថ្ងៃទី២៨ ខែកក្កដា ជនសង្ស័យក៏បានឱ្យជនរងគ្រោះវេរប្រាក់ចំនួន ១,៨៧០, ០០០ រៀលទៀត ដើម្បីបានទទួលប្រាក់ចំនួន ១០,០០០ដុល្លារអាមេរិកនោះ ។
ដោយមានបទបញ្ជាយ៉ាងម៉ឺងម៉ាត់ពីលោកស្នងការ និងដឹកនាំសម្របសម្រួលដោយឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញអធិការដ្ឋាននគរបាលស្រុកបានធ្វើការឃាត់ខ្លួនជនសង្ស័យ ដែលកំពុងជិះម៉ូតូមានភិនភាគដូចខាងលើ ត្រង់ចំណុចភូម តាលឿ ឃុំឧត្ដមសុរិយា ស្រុកត្រាំកក់ នាំទៅសាកសួរ ។
បន្ទាប់ពីសាកសួរជនសង្ស័យបានឆ្លើយសារភាពថា រូបគេឈ្មោះ ជិ សុខជា ភេទប្រុស អាយុ៣១ឆ្នាំមានទីលំនៅភូមិហង់ហេង ឃុំបឹងត្រាញ់ខាងត្បូង ស្រុកសំរោង ពិតជាបានធ្វើសកម្មភាពឆបោកប្រាក់ពី ឈ្មោះ សេង សុភាព ប្រាកដមែន ។
ក្រោយពីទទួលបានចម្លើយសារភាពជនសង្ស័យ និងយោងតាមពាក្យបណ្តឹងរបស់ជនរងគ្រោះ ខណៈស្រុកទេសកំពុងជួបវិបត្តធ្ងន់ធ្ងរ ដោយជំងឺកូវីដ១៩ រាតត្បាត សមត្ថកិច្ចក៏បានកសាងសំណុំរឿង រួចបញ្ជូនជនអគតិដើរតួធ្វើជាភ្នាក់ងារឥន្ទទានឆបោកប្រាក់ប្រជាពលរដ្ឋរូបនេះ ទៅកាន់សាលាដំនូងខេត្ត ដើម្បីតាមនីតិវិធី ៕
ចែករំលែកព័តមាននេះ