Owakudani ជាតំបន់ជ្រលងភ្នំមានទឹកពុះដ៏អស្ចារ្យកើតពីបន្ទុះភ្នំភ្លើងយ៉ាងធំតាំងពី៣.០០០ឆ្នាំមុននៅភ្នំ Hakone ។ ការផ្ទុះមានកម្លាំងខ្លាំង ទើបធ្វើឱ្យតំបន់នោះនៅតែសកម្ម ពោលគឺអាងពុំទឹកក្តៅ និងការបញ្ចេញយ៉ាងធំដែលរួមមានចំហាយ និងផ្សែងភ្នំភ្លើងនៃធីអុកស៊ីតស៊ុលផួរ និងស៊ុលផួរអីដ្រូហ្សែន ។ យ៉ាងណាមិញវាគឺជាតំបន់សម្រាប់ភ្ញៀវជាតិ និងអន្តរជាតិទៅទស្សនា ប៉ុន្តែមនុស្សមួយចំនួនធំទៅទស្សនាតំបន់ Owakudani ជារៀងរាល់ឆ្នាំ ព្រោះចង់ឃើញស៊ុតខ្មៅដ៏អាថ៌កំបាំងដែលអ្នកក្នុងតំបន់ហៅវាថា «Kuro-Tamago» ។
ស៊ុតខ្មៅទាំងនោះមើលទៅទំនងជាពិភពម្យ៉ាងផ្សេងទៀត តែធាតុពិតវាគ្រាន់តែជាពងមាន់ធម្មតាប៉ុណ្ណោះ ។ សម្បកពណ៌ខ្មៅរបស់វាបានមកពីការស្ងោរក្នុងទឹកក្តៅដែលមានស៊ុលផួរច្រើនក្នុងអាងទឹកក្តៅនៃជ្រលងភ្នំ Owakudani ក្បែរតំបន់ Hakone ប្រទេសជប៉ុន ។ ស៊ុលផួរក្នុងទឹកបានបញ្ចេញប្រតិកម្មជាមួយនឹងសម្បកស៊ុតធ្វើឱ្យពួកវាប្រែទៅជាពណ៌ខ្មៅ ហើយរសជាតិ និងក្លិនស៊ុលផួរបានទៅលាយឡំដល់ស៊ុតនៅខាងក្នុងសម្បក ។
បើតាមរឿងព្រេងឱ្យដឹងថា ការទទួលទានស៊ុតខ្មៅអាចពន្យារអាយុជីវិតមនុស្សដល់ទៅ៧ឆ្នាំ។ រាល់ស៊ុតខ្មៅទាំងអស់ត្រូវបានគេចម្អិនក្នុងឆ្នាំងធំដែលអាចដាក់បានច្រើនគ្រាប់ក្នុងពេលតែមួយ ។ ពួកវាត្រូវបានគេញាត់ក្នុងកេសដ៏ធំចូលទៅក្នុងទឹកក្តៅ៨០អង្សាសេ ប្រហែលជា ១ ម៉ោង ។ ពួកវានឹងមានចំហាយនៅសីតុណ្ហភាព ១០០សង្សាសេ ក្នុងរយៈពេល១៥នាទី ។ ពេលពួកយកវាចេញពីកេស គឺមានសម្បក ខណៈពេលដែលស៊ុតខាងក្នុងនៅតែរក្សាពណ៌ស និងពណ៌លឿងដដែល ។ ស៊ុតខ្មៅមានការពេញនិយមទទួលទាននៅប្រទេសជប៉ុន។ ពួកវាត្រូវបានចែកចាយទៅកាន់ហាងនានាក្នុងក្រុងដែលមានតម្លៃជាង ៤ ដុល្លារអាមេរិកក្នុង១កេសដែលមាន៥ពង ៕
ចែករំលែកព័តមាននេះ