ADផ្ទាំងផ្សព្វផ្សាយពាណិជ្ជកម្ម

Picture

ថៃប្រើ​ទូកុងតឺ​ន័រ​ដាក់​ស.ព​កូ​វី​ដ ខណៈគ្រែ​អ្នកជំងឺ​​ និង​​​​​សាល​ផ្ទុក​ស.ព​​ពេញទាំងអស់​

1 ខែ មុន

ថៃ ៖ ស្ថានភាព​កូ​វី​ដ​១៩ នៅ​ក្នុង​ប្រទេស​ថៃ​កាន់តែ​ធ្ងន់ធ្ងរ​គួរ​ឱ្យ​ព្រួយបារម្ភ ខណៈ​ប្រភព​ពី​សារព័ត៌មាន Reuters បានឱ្យ​ដឹង​ថា

ថៃ ៖ ស្ថានភាព​កូ​វី​ដ​១៩ នៅ​ក្នុង​ប្រទេស​ថៃ​កាន់តែ​ធ្ងន់ធ្ងរ​គួរ​ឱ្យ​ព្រួយបារម្ភ ខណៈ​ប្រភព​ពី​សារព័ត៌មាន Reuters បានឱ្យ​ដឹង​ថា មន្ទីរពេទ្យ​បាន​ប្រើប្រាស់​ទូ​កុងតឺន័រ​សម្រាប់​ដាក់​សាកស.ពអ្នកស្លា.ប់ដោយ​​កូ​វី​ដ​១៩ បន្ទាប់​ពី​សាល​ផ្ទុក​សាកសព​ត្រូវ​ពេញ​។

ក្រសួងសុខាភិបាល​ថៃ បាន​រាយការណ៍​នៅ​ព្រឹក​ថ្ងៃ​ច័ន្ទ​នេះ​ថា មនុស្ស​១៧៨​នាក់​បាន​ស្លា​.​ប់​ដោយ​កូ​វី​ដ​១៩ កាលពី​ថ្ងៃអាទិត្យ​។ ខណៈ​ដែល​ករណី​ឆ្លង​មាន​ចំនួន ១៧,៩៧០​នាក់ នៅ​រយៈពេល​២៤​ម៉ោង​ចុង​ក្រោយ​។

មន្ទីរពេទ្យ Thammasat University នៅ​ជិត​រដ្ឋធានី​បាងកក មាន​សាល​ផ្ទុក​សាកស.ព​ដែល​មាន​ទូទឹកកក​ចំនួន​១០ ដោយ​ជា​ធម្មតា​អាច​ធ្វើ​កោសល្យវិច័យ​បាន​រហូត​ដល់​៧​ដង​ក្នុង​មួយ​ថ្ងៃ​។ ប៉ុន្តែ​ដោយសារ​ការ​រាតត្បាត​ដ៏​សាហាវ​នៃ​វីរុស​នេះ បាន​ធ្វើ​ឱ្យ​គ្រែ​អ្នកជំងឺ​ក៏​ត្រូវ​ខ្វះខាត ហើយ​សាល​ផ្ទុក​សាកស.ព​ក៏​មិន​អាច​ឆ្លើយ​តប​តាម​តម្រូវការ​ផង​ដែរ ។

លោក​វេជ្ជបណ្ឌិត Pharuhat Tor-udom នាយក​មន្ទីរពេទ្យ​ខាងលើ​បាន​ប្រាប់ Reuters ឱ្យ​ដឹង​ថា មិន​មាន​កន្លែង​ទំនេរ​ទៀត​ឡើយ ដូច្នេះ​យើង​បាន​បញ្ជា​ទិញ​កុងតឺន័រ​ចំនួន​២ សម្រាប់​ផ្ទុក​សាកស.ព ដោយ​ទូ​នីមួយ​ៗ​មាន​តម្លៃ ៧,៦០0​ដុល្លារ​។

លោក​អះអាង​ថា ស្ទើរតែ ២០% នៃ​សាកសព សុទ្ធតែ​គ្មាន​ការ​បញ្ជាក់​មូលហេតុ​នៃ​ការ​ស្លា​.​ប់​។ ប៉ុន្តែ​ក្រោយមក​បាន​ធ្វើតេស្ត​វិជ្ជមាន​កូ​វី​ដ​១៩​។ ហើយ​អំឡុង​ពេល​នេះ យើង​បាន​ប្រើ​កុងតឺន័រ​ដើម្បី​ផ្ទុក​សាកស.ព​ទាំងនោះ រង់ចាំ​ការ​ធ្វើ​កោសល្យវិច័យ​។ ខណៈ​សាកស.ព​ជា​ច្រើន​ផ្សេង​ទៀត ត្រូវ​បាន​រក្សា​ទុក​ក្នុង​កុងតឺន័រ​មួយ​កាលពី​ថ្ងៃ​សៅរ៍ ដើម្បី​រង់ចាំ​សាច់ញាតិ​មក​ទទួល​។

គិត​ចាប់តាំងពី​ការ​ផ្ទុះ​កូ​វី​ដ​ដំបូង​រហូត​មក​ដល់​ពេល​នេះ ប្រទេស​ថៃ​មាន​អ្នក​ឆ្លង​សរុប​ចំនួន​៦៣៣,២៨៤​នាក់ និង​ស្លា​.​ប់​សរុប ៥,១៦៨​នាក់​។ នៅ​ក្នុង​ចំណោម​នោះ ៤១៩,២៤១​នាក់ បានជា​សះស្បើយ​៕

Picture
Picture
Picture
Picture
Picture
Picture
Picture