សារ Lucky supermarket នៅរង្វង់មូលតាព្រហ្ម គល់ស្ពានជ្រោយចង្វារ ស្ថិតក្នុងភូមិ៣ សង្កាត់ជ្រោយចង្វារ ត្រូវបានកម្លាំងអាជ្ញាធរ និងសមត្ថកិច្ចខណ្ឌជ្រោយចង្វារ ចុះបិទខ្ទប់ និងរង់ចាំ
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ផ្សារ Lucky supermarket នៅរង្វង់មូលតាព្រហ្ម គល់ស្ពានជ្រោយចង្វារ ស្ថិតក្នុងភូមិ៣ សង្កាត់ជ្រោយចង្វារ ត្រូវបានកម្លាំងអាជ្ញាធរ និងសមត្ថកិច្ចខណ្ឌជ្រោយចង្វារ ចុះបិទខ្ទប់ និងរង់ចាំក្រុមគ្រូពេទ្យចុះយកសំណាក បន្ទាប់រកឃើញអ្នកវិជ្ជមានវីរុសកូវីដ១៩ បំប្លែងថ្មី ប្រភេទ ដែលតា នៅលើភ្ញៀវម្នាក់ ដែលបានចូលទិញទំនិញក្នុងផ្សារនេះកន្លងមក។
សេចក្តីរាយការណ៍បន្តថា ការចុះបិទខ្ទប់ ផ្សារ Lucky supermarket ខាងលើនេះ បានធ្វើឡើងកាលពីវេលាថ្ងៃត្រង់នៅថ្ងៃទី០២ ខែសីហា ឆ្នាំ២០២១នេះ។
តាមព័ត៌មានអោយដឹងថា មនុស្សប្រុសស្រីដែលជាបុគ្គលិកក្នុងផ្សារ និងសន្តិសុខសរុបចំនួន៣៤នាក់ នៅក្នុង ផ្សារ Lucky supermarket ខាងលើនេះ នឹងត្រូវក្រុមគ្រូពេទ្យចុះទៅយកសំណាកនៅវេលារសៀលថ្ងៃនេះ បន្ទាប់ពីបិទខ្ទប់ហើយ។
គួរបញ្ជាក់ថា កាលពីរសៀលថ្ងៃទី២៧ ខែកក្កដា ឆ្នាំ២០២១ មានបុរសម្នាក់បានចូលផ្សារខាងលើនេះ ហើយនៅថ្ងៃទី០២ ខែសីហានេះ ក៏ត្រូវបានរកឃើញថា មានផ្ទុកមេរោគកូវីដ១៩ បំប្លែងថ្មីប្រភេទ ដែលតា ក្រោយក៏បានរាយការណ៍ទៅអាជ្ញាធរ និងសមត្ថកិច្ចចុះបិទខ្ទប់តែម្តង ដើម្បីយកសំណាកអ្នកពាក់ព័ន្ធ និងណែនាំអោយធ្វើចត្តាឡីស័កសិន ។
ទោះបីណាយ៉ាងណា ពេលនេះគេនៅពុំទាន់ដឹងថា តើមានអ្នកឆ្លងឬយ៉ាងណានោះទេ? គឺរង់ចាំលទ្ធផលនៃការយកសំណាករបស់ក្រុមពេទ្យសិន។
ព័ត៌មានបន្ថែមនឹងមានផ្សាយជូននៅពេលក្រោយ ។
ចែករំលែកព័តមាននេះ