យុវជនជាកម្មករចាំចំការម្នាក់ បើករថយន្ត ស្លាកលេខ រដ្ឋ បុកម៉ូតូពីក្រោយ ហើយព្យាយាម បើករត់!
- ព្រះសីហនុ
ខេត្តព្រះសីហនុ៖ យ៉ាងហោចណាស់ ក៏មានយុវជនម្នាក់ បានបាត់បង់ជីវិតភ្លាមៗ នៅនឹងកន្លែង កាលពីវេលាម៉ោង ១៧ និង ២៥នាទី ល្ងាចថ្ងៃទី២៨…
ខេត្តព្រះសីហនុ៖ យ៉ាងហោចណាស់ ក៏មានយុវជនម្នាក់ បានបាត់បង់ជីវិតភ្លាមៗ នៅនឹងកន្លែង កាលពីវេលាម៉ោង ១៧ និង ២៥នាទី ល្ងាចថ្ងៃទី២៨…
ខេត្តព្រះសីហនុ៖ យ៉ាងហោចណាស់ ក៏មានយុវជនម្នាក់ បានបាត់បង់ជីវិតភ្លាមៗ នៅនឹងកន្លែង កាលពីវេលាម៉ោង ១៧ និង ២៥នាទី ល្ងាចថ្ងៃទី២៨ ខែកក្កដា ឆ្នាំ២០២១ ត្រង់ចំនុចផ្លូវបំបែកអាឡាំងឌឺឡុង ស្ថិតក្នុងភូមិ១ សង្កាត់លេខ១ ក្រុងព្រះសីហនុ បន្ទាប់ពីត្រូវបានរថយន្តស៊េរីទំនើបមួយគ្រឿង បុកពីក្រោយយ៉ាងពេញទំហឹង។ អ្នកបើកបររថយន្តនោះ បានព្យាយាមបើកគេចខ្លួន តែត្រូវបានកំលាំងសមត្ថកិច្ច ក្របួចជាប់ បញ្ជូនមកកាន់ការិយាល័យចរាចរណ៍ផ្លូវគោក ដើម្បីចាត់ការទៅតាមនីតិវិធី។
លោកឧត្តមសេនីយ៍ត្រី អ៊ី សុខា ស្នងការរង ទទួលផែនសណ្តាប់ធ្នាប់នៃស្នងការដ្ឋាននគរបាលខេត្តព្រះសីហនុ បានអោយ ដឹងថា នៅថ្ងៃទី២៨ ខែកក្កដា ឆ្នាំ២០២១ វេលាម៉ោង ១៧:១០នាទីល្ងាច លើផ្លូវជាតិលេខ ៤ ត្រង់ចំណុច មុខសាលាបឋមសិក្សា ចំការកៅស៊ូ ស្ថិតនៅភូមិ១សង្កាត់លេខ ១ក្រុង /ខេត្ត ព្រះសីហនុ មានករណីគ្រោះថ្នាក់ចរាចរណ៍មួយកើតឡើង បង្កដោយរថយន្ត ០១គ្រឿង ម៉ាក MAZDA BT50 ពណ៌ស ពាក់ស្លាកលេខ រដ្ឋ 25 2-0639 អ្នកបើកបរឈ្មោះ មិច ចាន់ធូ ភេទ ប្រុស អាយុ ៣៣ឆ្នាំ មុខរបរ កម្មករចាំចំការ មានទីលំនៅភូមិប្រិយ៍ថ្មី សង្កាត់ទឹកវិលក្រុង/ខេត្តសៀមរាប មានអ្នករួមដំណើរម្នាក់ មានទិសដៅពីភ្នំពេញ ឆ្ពោះមកខេត្តព្រះសីហនុ លុះដល់ចំណុចខាងលើ បានបុកពីខាងក្រោយម៉ូតូ ០១គ្រឿង ម៉ាក HONDA C125 ពណ៌ខ្មៅ ពាក់ផ្លាកលេខ ព្រះសីហនុ 1B-5864 អ្នកបើកបរ ឈ្មោះ ងួន វាសនា ភេទប្រុស អាយុ ១៣ឆ្នាំ ភូមិ១ សង្កាត់លេខ ១ ក្រុង/ខេត្តព្រះសីហនុ មានទិសដៅស្របគ្នា។
ហេតុការណ៍នោះ បណ្តាលឲ្យកុមារនោះស្លាប់នៅនឹងកន្លែងកើតហេតុ។ ក្រោយកើតហេតុ អ្នកបើកបររថយន្ត ព្យាយាមបើករត់ តែត្រូវស្ទាក់ចាប់បាន ហើយត្រូវបាននាំខ្លួនមកសាកសួរ នៅការិយាល័យនគរបាលចរាចរណ៍ផ្លូវគោក។ រីឯវត្ថុតាងរថយន្ត និងម៉ូតូ ត្រូវបានយកមករក្សាទុកនៅ ការិយាល័យនគរបាលចរាចរណ៍ផ្លូវគោក។
សាក្សី ជាអ្នករត់ម៉ូតូឌុប នៅក្បែរកន្លែងកើតហេតុនោះ បានអោយដឹងថា នៅមុនកើតហេតុ គេបានឃើញម៉ូតូមួយគ្រឿងម៉ាក ដ្រីមសង់ ពណ៏ខ្មៅ បើកបរដោយយុវជនម្នាក់ ពាក់អាវក្រហម ជិះម្នាក់ឯង ក្នុងទិសដៅ ពីកើតទៅលិច ស្រាប់តែមកដល់ចំនុចកើតហេតុ ស្រាប់តែមានរថយន្តមួយគ្រឿងពណ៌ស បើកបរក្នុងល្បឿនលឿន បានបុកម៉ូតូ ដែលយុវជនកំពុងជិះពីក្រោយពេញទំហឹង បណ្តាលអោយប៉ើងទាំងមនុស្ស និងម៉ូតូ បោកក្បាលស្លាប់ មួយរំពេច។ ក្រោយបុកភ្លាម រថយន្តបង្ក ពុំបានឈប់នោះទេ គឺព្យាយាមបើកចូលក្រុង តែត្រូវប្រជាពលរដ្ឋ ជិះម៉ូតូដេញតាម និងបានប្តឹងសមត្ថកិច្ច ដែលនៅក្បែរនោះ ទើបស្ទាក់ចាប់បាន នៅចំនុចក្បែរប៉ុស្តិ៍រដ្ឋបាលសង្កាត់លេខ១៕
ចែករំលែកព័តមាននេះ