ខេត្តតាកែវ ៖ រថយន្តដឹកស្រូវ និងដឹកទំនិញគ្រប់ប្រភេទរាប់រយគ្រឿងបាននឹងកំពុងកកស្ទះពេញនៅតាមបណ្តោយផ្លូវជាតិលេខ២ ឆ្ពោះទៅច្រកទ្វាអន្តរជាតិភ្នំដិន ស្រុកគីរីវង់ ខេត្តតាកែវ ដោយសារតែភាគីខាងប្រទេសវៀតណាម មានការរឹតបណ្តឹងលើវិធានការសុខាភិបាល ក្រោយមានករណីផ្ទុះឆ្លងនូវជំងឺកូវីដ១៩ជាច្រើននាក់…
ខេត្តតាកែវ ៖ រថយន្តដឹកស្រូវ និងដឹកទំនិញគ្រប់ប្រភេទរាប់រយគ្រឿងបាននឹងកំពុងកកស្ទះពេញនៅតាមបណ្តោយផ្លូវជាតិលេខ២ ឆ្ពោះទៅច្រកទ្វាអន្តរជាតិភ្នំដិន ស្រុកគីរីវង់ ខេត្តតាកែវ ដោយសារតែភាគីខាងប្រទេសវៀតណាម មានការរឹតបណ្តឹងលើវិធានការសុខាភិបាល ក្រោយមានករណីផ្ទុះឆ្លងនូវជំងឺកូវីដ១៩ជាច្រើននាក់ ទើបធ្វើឲ្យមានការយឺយ៉ាវក្នុងការដោះដូរឥវ៉ាន់ ទំនិញ ឬស្រូវ មានការកកស្ទះ២ថ្ងៃមកហើយ ។
នេះបើតាមការបញ្ជាក់ឲ្យដឹងពីមន្ត្រីគយច្រកទ្វាអន្តរជាតិភ្នំដិនបានអោយដឹងនៅព្រឹកថ្ងៃទី២៨ ខែកក្កដា ឆ្នាំ២០២១នេះ ។
មន្ត្រីគយដដែលបានបន្តថា មូលហេតុដែលបណ្តាលឲ្យមានការកកស្ទះខ្លាំង គឺខាងភាគីវៀតណាម មានការរឹតបន្តឹងយ៉ាងតឹងរឹង និងខ្លាំងជាងមុន លើវិធានការណ៍សុខាភិបាល បិទច្រករបៀងទាំងអស់ ហើយកម្ពុជាយើងក៏ដូចគ្នា ដោយសម្រេចអនុញ្ញាតឲ្យមានការចូលដោះដូរទំនិញក្នុងមួយជើង ឬ១សារ បានរថយន្តចំនួន១០គ្រឿង ដោយធ្វើការត្រួតពិនិត្យ និងបាញ់ថ្នាំសម្លាប់មេរោគយ៉ាងយកចិត្តទុកដាក់ ឲ្យឡានដោះដូរទំនិញចុះរួចរាល់ ត្រូវវិលចេញមកវិញទើបឲ្យមានរថយន្តជាបន្តបន្ទាប់ចូល មកជាបន្តសម្រាប់ជើងទី ២ ។
សូមបញ្ជាក់ផងដែរថា ការកកស្ទះរថយន្តដឹកទំនិញជាច្រើនគ្រឿងនេះ គឺមានរយៈពេល ២ថ្ងៃមកហើយ ឥឡូវនេះកម្លាំងសមត្ថកិច្ចបាននឹងកំពុងសម្រួលចរាចរណ៍រៀបចំសណ្តាប់ធ្នាប់ឲមានរបៀបរៀបរយឡើងវិញមិនឲមានការចតឡានមានការកកស្ទះពេញផ្លូវរញ៉េរញ៉ៃបន្តទៀតឡើយ ៕
ចែករំលែកព័តមាននេះ