ប្រទេសអ៊ីរ៉ង់ ៖ សាក្សីទាំងឡាយរៀបរាប់ថា នាយប់ថ្ងៃទី៨ មករា ពលរដ្ឋអ៊ីរ៉ង់ច្រើនពាន់នាក់បានលើកគ្នាធ្វើបាតុកម្មតាមដងវិថីនានានៃរដ្ឋធានីតេហេរ៉ង់ ក្រោយការអំពាវនាវរបស់ព្រះអង្គម្ចាស់រជ្ជទាយាទរស់នៅនិរទេសឱ្យលើកគ្នាធ្វើបាតុកម្មមហាជនមក ។ បណ្ដាញអ៊ីនធឺណេត និងទូរស័ព្ទបានត្រូវកាត់ផ្ដាច់នៅអ៊ីរ៉ង់…
ប្រទេសអ៊ីរ៉ង់ ៖ សាក្សីទាំងឡាយរៀបរាប់ថា នាយប់ថ្ងៃទី៨ មករា ពលរដ្ឋអ៊ីរ៉ង់ច្រើនពាន់នាក់បានលើកគ្នាធ្វើបាតុកម្មតាមដងវិថីនានានៃរដ្ឋធានីតេហេរ៉ង់ ក្រោយការអំពាវនាវរបស់ព្រះអង្គម្ចាស់រជ្ជទាយាទរស់នៅនិរទេសឱ្យលើកគ្នាធ្វើបាតុកម្មមហាជនមក ។
បណ្ដាញអ៊ីនធឺណេត និងទូរស័ព្ទបានត្រូវកាត់ផ្ដាច់នៅអ៊ីរ៉ង់ ក្រោយចាប់ផ្ដើមបាតុកម្ម ។ រាល់ការប៉ុនប៉ងទាក់ទងតាមទូរស័ព្ទពីក្រុងឌូបៃមកមិនអាចធ្វើបាន ។ កន្លងមក ការផ្ដាច់ការទាក់ទងបែបនេះ តែងកើតមានការបង្ក្រាបចាស់ដៃរបស់រដ្ឋាភិបាល ។ នេះជាការកើនឡើងថ្មីនៃចលនាតវ៉ាដែលដំបូងកើតឡើងមកពីសភាពការណ៍សេដ្ឋកិច្ចលំបាកនៅអ៊ីរ៉ង់ ហើយរាលដាលដល់ការតវ៉ាប្រឆាំងរដ្ឋាភិបាល ។
បាតុកម្មមានលក្ខណៈប្រឆាំងរដ្ឋអំណាចអ៊ីរ៉ង់បែបនេះ ជាការសាកល្បងលើកដំបូងមើលឥទ្ធិពលរបស់ព្រះអង្គម្ចាស់រីហ្សាប៉ាហ៍ឡាវី វ័យ៦៥ឆ្នាំ ចំពោះមតិសាធារណៈអ៊ីរ៉ង់ ។ បិតាទ្រង់មានជំងឹធ្ងន់ធ្ងរបានរត់ភៀសខ្លួនចេញពីអ៊ីរ៉ង់មុនបដិវត្តន៍អ៊ិស្លាមឆ្នាំ១៩៧៩បន្តិច ។ ព្រះអង្គម្ចាស់រជ្ជទាយាទបានអំពាវនាវឲ្យធ្វើបាតុកម្មនាថ្ងៃទី៨ និងទី៩ មករា នាវេលាម៉ោង២០ម៉ោងក្នុងស្រុក ។ នាវេលាម៉ោងនោះ ក្នុងបណ្ដាសង្កាត់ក្រុងតេហេរ៉ង់ ពួកបាតុករបានលើកគ្នាដើរហែក្បួនដោយស្រែកច្រៀង និងស្រែកពាក្យថា ស្លាប់ទៅជនផ្ដាច់ការ និងស្លាប់ទៅសាធារណរដ្ឋអ៊ិស្លាម ។
បាតុករដទៃៗទៀត បានស្រែកគាំទ្រព្រះអង្គម្ចាស់រីហ្សាប៉ាហ៍ឡាវីដោយស្រែកថា ប៉ាហ៍ឡាវីនឹងវិលត្រឡប់មកវិញ ។តាមបណ្ដាញសង្គមXរជ្ជទាយាទអង្គនោះសរសេរថា មហាប្រជាជាតិអ៊ីរ៉ង់ ភ្នែកពិភពលោកទាំងមូលកំពុងតែសម្លឹងមើលយើង ។ ចូរលោកអ្នកលើកគ្នាធ្វើបាតុកម្ម និងរួបរួមគ្នា ចូរយើងនាំគ្នាធ្វើឲ្យគេស្ដាប់ការទាមទាររបស់យើង ។
ទ្រង់បន្តថា ខ្ញុំសុំព្រមានដល់ាធារណរដ្ឋអ៊ិស្លាមនិងមេដឹកនាំអ្នកនិងកងឆ្មាំបដិវត្តន៍ថា ពិភពលោកនិងលោកប្រធានាធិបតីដូណាល់ត្រាំ តាមដានមើលពីក្រោយជាប់ ។ ការបង្ក្រាបប្រជាជននឹងមិនអាចគង់នៅដោយគ្មានការឆ្លើយតបវិញ។ បាតុកម្មដែលស្រែកគាំទ្រព្រះអង្គម្ចាស់រជ្ចទាយាទបែបនេះ ជាអំពើមួយកាលពីមុនអាចមានទោសប្រហារជីវិត តែពេលនេះបង្ហាញពីកំហឹង ។
នាថ្ងៃទី៨ មករា បាតុកម្មដែលផ្ទុះពីថៃ្ងទី៧ មករា មក ក្នុងបណ្ដាទីក្រុង និងភូមិទាំងឡាយរបស់អ៊ីរ៉ង់នៅបន្ត ។ ផ្សារជាច្រើន និងហាងទំនិញនានានៅតែបិទទ្វារ ជាសញ្ញាគាំទ្រដល់បាតុករ ។ មកទល់ពេលនេះ អំពើហិង្សាទាក់ទិននឹងបាតុកម្ម បណ្ដាលឲ្យមនុស្សស្លាប់យ៉ាងតិចជាង៤០នាក់ ហើយរួចមនុស្សជាង២២៦០នាក់ ត្រូវចាប់ខ្លួន។ ចំណែកអង្គការសិទ្ធិមនុស្សមួយរបសអ៊ីរ៉ង់មានទីតាំងនៅន័រវែសអះអាងពីបាតុករស្លាប់៤៥នាក់ ក្នុងនោះ មានកុមារ៨នាក់តាំងពីចាប់ផ្ដើមបាតុកម្មពីដំណាច់ខែធ្នូ មក ៕
ចែករំលែកព័តមាននេះ