ADផ្ទាំងផ្សព្វផ្សាយពាណិជ្ជកម្ម

Picture

ដើមចម​នៅ​ពីក្រោយ​ការ​ចាប់​នាយទាហាន​រឿង​ប្រាក់​​៩២​ម៉ឺន​ដុល្លារ គឺ​ពាក់ព័ន្ធ​ឧកញ៉ា​ម្នាក់

2 ឆ្នាំ មុន
  • ភ្នំពេញ

បន្ទាប់​ពី​មានការ​ភ្ញាក់ផ្អើល​រឿង​ចាប់ខ្លួន​នាយទាហាន និង​ជា​ប្រធាន​ក្រុមហ៊ុន​អភិវឌ្ឍន៍ ភ្នំ​ថ្កូវ ហើយ​ត្រូវ​កម្លាំង​នគរបាល​ព្រហ្មទណ្ឌ​កម្រិត​ស្រាល​នៃ​ស្នងការដ្ឋាន​នគរបាល​រាជធានី​ភ្នំពេញ ឃាត់ខ្លួន​ពាក់ព័ន្ធ​បទល្មើស ឆបោក និង​រំ​លោ​.​ភលើ​ទំនុកចិត្ត លើ​ទឹកប្រាក់​ចំនួន​៩២​ម៉ឺន​ដុល្លារ បង្ក​ឱ្យ​មានការ​ភ្ញាក់ផ្អើល​

រាជធានី​ភ្នំពេញ ៖ បន្ទាប់​ពី​មានការ​ភ្ញាក់ផ្អើល​រឿង​ចាប់ខ្លួន​នាយទាហាន និង​ជា​ប្រធាន​ក្រុមហ៊ុន​អភិវឌ្ឍន៍ ភ្នំ​ថ្កូវ ហើយ​ត្រូវ​កម្លាំង​នគរបាល​ព្រហ្មទណ្ឌ​កម្រិត​ស្រាល​នៃ​ស្នងការដ្ឋាន​នគរបាល​រាជធានី​ភ្នំពេញ ឃាត់ខ្លួន​ពាក់ព័ន្ធ​បទល្មើស ឆបោក និង​រំ​លោ​.​ភលើ​ទំនុកចិត្ត លើ​ទឹកប្រាក់​ចំនួន​៩២​ម៉ឺន​ដុល្លារ បង្ក​ឱ្យ​មានការ​ភ្ញាក់ផ្អើល​កាលពី​វេលា​ថ្ងៃត្រង់​ទី​២៦ ខែកក្កដា ឆ្នាំ​២០២១ ខណៈ​ពេល​នាយទាហាន​រូប​នេះ​ដើរ​ចេញពី​ក្នុង​បរិវេណ​សាលាដំបូង​រាជធានី​ភ្នំពេញ ដោយ​ឆ្លងកាត់​មហាវិថី​មុនី​រ៉េ​តទៅ​កាន់​ផ្សារ​ទំនើប​ស៊ី​ធី​មល ស្ថិត​ក្នុង​សង្កាត់​វាលវង់ ខណ្ឌ​៧​មក​រា បង្ក​ឲ្យ​មានការ​ភ្ញាក់ផ្អើល​ដល់​អ្នកដំណើរ​ចោមរោម​មើល បន្ទាប់​ពី​ត្រូវ​នគរបាល​ដាក់​ដោះដៃ រួច​នាំ​ឡើង​រថយន្ត​មួយ​គ្រឿង​ដឹក​ទៅ​ស្នងការដ្ឋាន​នគរបាល​រាជធានី​ភ្នំពេញ​បាត់​នោះ ដើមចម​ពីក្រោយ​គឺ​ពាក់ព័ន្ធ​នឹង​បណ្តឹង​លោក​ឧកញ៉ា ប្រាក់ ប្រាកដ ដែល​រង​អយុត្តិធម៌​ពី​នាយទាហាន​រូប​នេះ​។

នាយទាហាន​ខាងលើ​ត្រូវ​បាន​គេ​ស្គាល់​ថា ឈ្មោះ អេ​ង អូន ពាក់​សក្តិ​៥ (​វរៈសេនីយ៍ឯក​) ឈរជើង​ការពារ​ព្រ​លាន​យន្តហោះ​កងកេង ខេត្ត​ព្រះ​សីហ​នុ និង​ជា​ប្រធាន​ក្រុមហ៊ុន (​ខ្យល់​) អភិវឌ្ឍ​ភ្នំ​ថ្កូវ ខេត្តកំពត មាន​អា​ស័​យ​ដ្ឋា​ន​ស្នាក់​នៅ​ភូមិ​លេខ​២ សង្កាត់​លេខ​៣ ក្រុង​-​ខេត្ត​ព្រះ​សីហ​នុ ។

តាម​ប្រភព​ព័​តិ​មាន​បឋម​ឲ្យ​ដឹង​ថា ការ​ចាប់ខ្លួន​នាយទាហាន​ឈ្មោះ អេ​ង អូន គឺ​សមត្ថកិច្ច​អនុវត្ត​តាម​ដីកា​បញ្ជា​ឲ្យ​ចូលខ្លួន​របស់​លោក ស៊ិ​ត វណ្ណៈ ព្រះរាជអាជ្ញា​រង​តំណាង​អយ្យការ​អម​សាលាដំបូង​រាជធានី​ភ្នំពេញ ដែល​បាន​ចោទប្រកាន់​ឈ្មោះ អេ​ង អូន ពី​បទ​. ឆបោក និង​រំ​លោ​.​ភលើ​ទំនុកចិត្ត ដែល​មាន​ទឹកប្រាក់​ប្រមាណ​៩២​ម៉ឺន​ដុល្លារ​អា​មេ​រិ​ក ។

ប្រភព​ព័ត៌មាន​ឲ្យ​ដឹង​ទៀត​ថា ដើមបណ្តឹង​ក្នុង​ចាប់ខ្លួន​នាយទាហាន​ម្នាក់​នោះ គឺ​លោក​ឧកញ៉ា ប្រាក់ ប្រាកដ ។ ហើយ​លោក​ឧកញ៉ា ប្រាក់ ប្រាកដ កាលពី​ប៉ុន្មាន​ស​ប្តា​ហ៍​មុន​នេះ ក៏​រង​នូវ​បណ្តឹង​ដោយ​អយុត្តិធម៌​បំផុត​ពី​សំណាក់​ប្រពន្ធ​លោក អេ​ង អូន ប្តឹង​ចោទប្រកាន់​ថា លោក​ឧ​ញ៉ា ឆ​.​បោក​ប្រាក់​១០ ម៉ឺន​ដុល្លារ​អា​មេ​រិ​ក​យក​ទៅ​រត់ការ​ឲ្យ​ប្តី (​អេ​ង អូន​) ផ្ទេរ​ចេញពី​ទាហាន​ទៅ​នគរបាល​ជាតិ និង​មាន​តួនាទី​ជា​ស្នងការ​រង​ខេត្ត​ព្រះ​សីហ​នុ ។ បណ្តឹង​ក្នុង​សំណុំរឿង​នេះ ក៏​ត្រូវ​បាន​សមត្ថកិច្ច​ឃាត់ខ្លួន​លោក​ឧ​ញ៉ា ប្រាក់ ប្រាកដ រួច​បញ្ជូន​ទៅ​ស្ថាប័ន​អយ្យការ​សាលាដំបូង​រាជធានី​ភ្នំពេញ​ដែរ ប៉ុន្តែ​នៅ​ពេល​តំណាង​អយ្យកា​របើក​ការ​ស៊ើបសួរ​យ៉ាង​ល្អិតល្អន់​ទៅ រក​មិនឃើញ​លោក​ឧកញ៉ា ប្រាក់ ប្រាកដ ពុំ​មាន​កំហុស​ទើប​ព្រះរាជអាជ្ញា​រង​កាន់​សំណុំរឿង​នោះ សម្រេច​ឲ្យ​ចុងចោទ​មាន​សេរីភាព​បាន​វិល​ទៅ​ផ្ទះ​វិញ ។

ក្រោយ​ពី​លោក​ឧកញ៉ា ប្រាក់ ប្រាកដ រួច​ផុត​ពី​បណ្តឹង​នោះ ក៏​ចាប់ផ្តើម​ប្តឹង​ឈ្មោះ អេ​ង អូន វិញ រួម​ជាមួយ​អតីត​អភិបាលរង​ខេត្តកំពត​ម្នាក់​ទៀត ពាក់ព័ន្ធ​ថា​បាន​យក​រថយន្ត​ឡិច​ស៊ី​៥៧០ មួយ​គ្រឿង ជា​កម្មសិទ្ធិ​របស់​រដ្ឋ​ទៅ​ក្លែង​ស្លាក​លេខ ហើយ​យក​មក​បញ្ចាំ​ឲ្យ​ដើមបណ្ដឹង​យក​ប្រាក់​ទៅ​បាត់ នេះ​បើ​យោង​តាម​លោក​ឧកញ៉ា ប្រាក់ ប្រាកដ បាន​ប្រាប់​តាម​ទូរស័ព្ទ ។

ក្រៅពី​នេះ​ទៀត​ឈ្មោះ អេ​ង អូន បាន​ឆ​.​បោក​រូប​លោក​ឲ្យ​ទិញ​ដី​ជា​ច្រើន​កន្លែង ដូច​ជា​នៅ​ខេត្ត​ព្រះ​សីហ​នុ ខេត្ត​កែប ដោយ​យក​ប្រាក់​ម្ដង​៣០​ម៉ឺន​ដុល្លារ ម្ដង​២០​ម៉ឺន​ដុល្លារ និង​ដី​នៅ​កន្លែង​ផ្សេង​ទៀត សរុប​សាច់ប្រាក់​ទាំងអស់​ប្រមាណ​៩២​ម៉ឺន​ដុល្លារ​អា​មេ​រិ​ក ។ ហើយ​នៅ​ទីបំផុត​ឈ្មោះ អេ​ង អូន អត់​មាន​ដី​មួយ​ដុំ​ណាមួយ​ប្រគល់​ម្ចាស់​ប្រាក់​នោះ​ទេ ហើយ​ថែម​ទាំង​ប្ដឹង​ម្ចាស់​ប្រាក់​ទៀត ទើប​លោក​ឧ​ញ៉ា​ទ្រាំ​លែង​បាន​ក៏​សម្រេចចិត្ត​ប្ដឹង​សមត្ថកិច្ច​ឲ្យ​ចាត់ការ​លើ​បុគ្គល​រូប​នេះ​វិញ ទើប​បានជា​ត្រូវ​ប៉ូលិស​ចាប់ខ្លួន​នាយ​ទា​ហ៊ាន​ម្នាក់​នោះ ផ្អើល​នៅ​មុខ​តុលាការ​ភ្នំពេញ​តែ​ម្តង ។

តែ​ទោះជា​យ៉ាងណា​ក្តី នា​រសៀល​ថ្ងៃ​ដដែល គឺ​ថ្ងៃ​ទី​២៦ ខែកក្កដា​នេះ សមត្ថកិច្ច​នគរបាល​ព្រហ្មទណ្ឌ​កម្រិត​ស្រាល បាន​បញ្ជូន​ជនសង្ស័យ​ឈ្មោះ អេ​ង អូន ទៅ​កាន់​សាលាដំបូង​រាជធានី​ភ្នំពេញ​វិញ ដើម្បី​ឲ្យ​ស្ថាប័ន​អយ្យការ​ធ្វើការ​សាកសួរ​តាម​ពាក្យបណ្តឹង​ខាងលើ​នេះ​ហើយ ។ គួរ​រំលឹកទៀតថា ៖ ចាប់ខ្លួន​មន្ត្រី​យោធា និង​ជា​ប្រធាន​ក្រុមហ៊ុន ពាក់ព័ន្ធ​​​លើទឹកប្រាក់​៩២​ម៉ឺន​ដុល្លារ

អត្ថបទសរសេរ ដោយ

កែសម្រួលដោយ