លោក អេង អូន ដែលត្រូវបានគេស្គាល់ថា ជាមន្ត្រីយោធានៅអង្គភាពកងទ័ពជើងអាកាសកងកេងខេត្តព្រះសីហនុ និងជាប្រធានក្រុមហ៊ុនអភិវឌ្ឍន៍ ភ្នំថ្កូវ ត្រូវបានកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ឃាត់ខ្លួន
រាជធានីភ្នំពេញ ៖ លោក អេង អូន ដែលត្រូវបានគេស្គាល់ថា ជាមន្ត្រីយោធានៅអង្គភាពកងទ័ពជើងអាកាសកងកេងខេត្តព្រះសីហនុ និងជាប្រធានក្រុមហ៊ុនអភិវឌ្ឍន៍ ភ្នំថ្កូវ ត្រូវបានកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ឃាត់ខ្លួនពាក់ព័ន្ធបទល្មើស ឆបោក និងរំលោ.ភលើទំនុកចិត្ត លើទឹកប្រាក់ចំនួន៩២ម៉ឺនដុល្លារអាមេរិក ។
ការឃាត់ខ្លួនមន្ត្រីយោធា និងជាប្រធានក្រុមហ៊ុនខាងលើនេះ បានធ្វើឱ្យមានការភ្ញាក់ផ្អើលកើតឡើងកាលពីវេលាថ្ងៃត្រង់ទី២៦ ខែកក្កដា ឆ្នាំ២០២១ នេះ នៅមុខផ្សារស៊ីធីម៉ល ក្នុងខណ្ឌ៧មករា ។
តាមប្រភពព័ត៌មានច្បាស់ការណ៍បានឲ្យដឹងថា លោ អេង អូន ត្រូវបានសមត្ថកិច្ចឃាត់ខ្លួនតាមដីកាបញ្ជាឲ្យចូលខ្លួនរបស់លោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ។ បន្ទាប់ពីឃាត់ខ្លួន លោក អេង អូន ត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការបន្តតាមនីតិវិធី ។
គួរបញ្ជាក់ថា លោក អេង អូន ក៏ត្រូវបានលោក ស៊ុយ សែម រដ្ឋមន្ត្រីក្រសួងរ៉ែ និងថាមពល សម្រេចផាកពិន័យជាទឹកប្រាក់ជាង៨០០លានរៀលផងដែរ ដោយសារតែក្រុមហ៊ុនអភិវឌ្ឍ ភ្នំថ្កូវ របស់លោក បានកាយយកដីក្រហមមុនទទួលបានអាជ្ញាប័ណ្ណ ។ ប៉ុន្តែរហូតមកទល់ពេលនេះ លោក អេង អូន ប្រធានក្រុមហ៊ុនអភិវឌ្ឍន៍ ភ្នំថ្កូវ បានគេចវេសដោយហេតុផលផ្សេងៗពុំព្រមបង់ប្រាក់ផាកពិន័យតាមការសម្រេចរបស់លោករដ្ឋមន្ត្រីក្រសួងរ៉ែ នោះទេ ។ ហើយពេលនេះ គេពុំទាន់ដឹងថា តើជោគវាសនារបស់លោក អេង អូន នោះទេ? ដោយរង់ចាំបញ្ជូនទៅកាន់សាលាដំបូងសាកសួរសិន៕
ចែករំលែកព័តមាននេះ