វត្តជិត៦០០នៅថៃប្រកាសបូជាស.ពអ្នកស្លា.ប់ដោយកូវីដ មិនគិតថ្លៃ
ថៃ ៖ លោក Anucha Nakasai រដ្ឋមន្ត្រីការិយាល័យនាយករដ្ឋមន្ត្រីថៃបានប្រកាសកាលពីថ្ងៃទី២៥ ខែកក្កដា ថា វត្តជិត៦០០កន្លែង
ថៃ ៖ លោក Anucha Nakasai រដ្ឋមន្ត្រីការិយាល័យនាយករដ្ឋមន្ត្រីថៃបានប្រកាសកាលពីថ្ងៃទី២៥ ខែកក្កដា ថា វត្តជិត៦០០កន្លែងនៅទូទាំងប្រទេសថៃ កំពុងផ្តល់សេវាបូជាស.ពដោយឥតគិតថ្លៃ សម្រាប់អ្នកស្លា.ប់ដោយសារជំងឺកូវីដ១៩។ អំឡុងពេលប្រទេសនេះ កំពុងកើនឡើងករណីអ្នកស្លា.ប់គួរឱ្យព្រួយបារម្ភពីមួយថ្ងៃទៅមួយថ្ងៃ។ នេះបើតាមការចេញពីផ្សាយពីសារព័ត៌មាន Thai PBS World។
តាមការបញ្ជាក់ពីលោករដ្ឋមន្ត្រីបានឱ្យដឹងថា វត្តអារាមទាំងនោះរួមមាននៅក្នុងទីក្រុងបាងកកចំនួន៦២កន្លែង និងនៅជុំវិញទីក្រុងចំនួន១២៤កន្លែង។ ហើយចំនួន៤០៧កន្លែងផ្សេងទៀត គឺនៅទូទាំងប្រទេសថៃតែម្តង។
វត្តជាច្រើននៅក្នុង និងជុំវិញទីក្រុងបាងកកបច្ចុប្បន្ន កំពុងមមាញឹកយ៉ាងខ្លាំងបំផុត ដោយសាកស.ពអ្នកកូវីដ១៩ រាប់រយត្រូវរង់ចាំដើម្បីបូជា ដែលបណ្តាលឱ្យឈាបនដ្ឋានមួយកន្លែងបានបាក់រលំ ដោយសារមិនអាចទ្រាំទ្រនឹងការបូជាស.ពយ៉ាងច្រើនបែបនេះ។
លោក Anucha Nakasai បានមានប្រសាសន៍ថា វត្តមួយចំនួនក៏បានចូលរួមយ៉ាងសំខាន់ជាមួយរដ្ឋាភិបាល ដោយផ្តល់ទីធ្លាសម្រាប់ធ្វើជាមន្ទីរពេទ្យសម្រាប់អ្នកជំងឺកម្រិតស្រាលនៅតាមមូលដ្ឋាន ឬជាកន្លែងសម្រាប់ធ្វើតេស្តសំណាករកកូវីដ១៩ផងដែរ។
លោកបានបន្តថា ការិយាល័យជាតិព្រះពុទ្ធសាសនា ត្រូវបានណែនាំឱ្យផ្គត់ផ្គង់គ្រឿងបរិក្ខាពេទ្យទៅដល់វត្តទាំងនោះ ជាមួយឈុតការពារ PPE និងរៀបចំការចាក់វ៉ាក់សាំងជូនព្រះសង្ឃ, និងក្រុមការងារដែលស្ថិតនៅក្នុងនៅវត្តទាំងអស់ផងដែរ៕
ចែករំលែកព័តមាននេះ