ខេត្តតាកែវ ៖ បើយោងតាមលិខិតរបស់រដ្ឋបាលខេត្តតាកែវដែលកោះសន្តិភាពទទួលបាន គឺបានសម្រេចបិទផ្អាកជាបណ្តោះអាសន្នផ្សារអង្គតាសោមដែលជាផ្សារធំជាងគេប្រចាំស្រុកត្រាំកក់បន្ទាប់ពីផ្សារធំតាកែវនោះ ។ មិនតែប៉ុណ្ណោះទាំងអ្នករស់នៅបរិវេណជុំវិញផ្សាអង្គតាសោម នៅវេលាម៉ោង២រសៀល ថ្ងៃទី២៤ ខែកក្កដានេះតទៅនឹងត្រូវបិទមិនអោយធ្វើចរាចរណ៍អ្វីទាំងអស់ ដោយរង់ចាំមានសេចក្តីសម្រេចជាថ្មី…
ខេត្តតាកែវ ៖ បើយោងតាមលិខិតរបស់រដ្ឋបាលខេត្តតាកែវដែលកោះសន្តិភាពទទួលបាន គឺបានសម្រេចបិទផ្អាកជាបណ្តោះអាសន្នផ្សារអង្គតាសោមដែលជាផ្សារធំជាងគេប្រចាំស្រុកត្រាំកក់បន្ទាប់ពីផ្សារធំតាកែវនោះ ។
មិនតែប៉ុណ្ណោះទាំងអ្នករស់នៅបរិវេណជុំវិញផ្សាអង្គតាសោម នៅវេលាម៉ោង២រសៀល ថ្ងៃទី២៤ ខែកក្កដានេះតទៅនឹងត្រូវបិទមិនអោយធ្វើចរាចរណ៍អ្វីទាំងអស់ ដោយរង់ចាំមានសេចក្តីសម្រេចជាថ្មី បន្ទាប់ពីរកឃើញថា មានអ្នកវិជ្ជមានជំងឺកូវីដ១៩ រួមអ្នកពាក់ព័ន្ធដោយផ្ទាល់ និងដោយប្រយោលជាច្រើនអ្នក ជាមួយ និងអ្នកវិជ្ជមានកូវីដ១៩ ក្នុងព្រឹត្តិការណ៍សហគមន៍ ២០ កុម្ភៈ ។
លោកនុត ស៊ីណាត ប្រធានមន្ទីរសុខាភិបាលខេត្តបានអោយកោះសន្តិភាពយើងដឹងថា បងប្អូនអាជីវករដែលលក់ដូរក្នុងផ្សាអង្គតាសោមមានចំនួន១៣នាក់ ហើយត្រូវបានក្រុមគ្រូពេទ្យបានធ្វើតេស្តយកសំណាកឃើញមានជំងឺកូវីដ១៩ នោះ ដោយអ្នកមានវិជ្ជមានជំងឺកូវីដ១៩ទាំង១៣នាក់ ត្រូវអោយសម្រាកព្យាបាលជំងឺនៅមន្ទីរពេទ្យបង្អែកស្រុក ។
លោកប្រធានមន្ទីរបានបន្តទៀតថា ចំពោះអ្នកជាប់ពាក់ព័ន្ធដោយផ្ទាល់ និងដោយប្រយោលរាប់រយនាក់ផ្សេងទៀត ត្រូវអោយធ្វើតេស្តយកសំណាកនៅក្នុងបរិវេណវិទ្យាល័យសម្តេចហ៊ុន សែន អង្គតាសោមរាល់ថ្ងៃ ។
លោកប្រធានមន្ទីរសុខាភិបាលខេត្តក៏បានធ្វើការអំពាវនាវដល់បងប្អូនក្រុមអាជីវករលក់ដូក្នុងផ្សារអង្គតាសោមទាំងអស់ សូមទៅធ្វើតេស្តយកសំណាក ដើម្បីរកវិជ្ជមានជំងឺកូវីដ១៩ អោយបានគ្រប់គ្នាហើយត្រូវអនុវត្តតាមកាណែនាំរបស់ក្រសួងសុខាភិបាល ពិសេសអនុវត្តតាមផែនការការពារ ៣កុំ ៣ការពាររបស់សម្តេចប្រមុខរាជរដ្ឋាភិបាលអោយបានខ្ជាប់ខ្ជួនជានិច្ច ។
គួបញ្ជាក់ផងដែរថា ខេត្តតាកែវបច្ចុប្បន្ននេះ កំពុងតែរីករាលដាលជំងឺកូវីដ១៩គ្រប់ទីកន្លែងស្រុក ក្រុង មិនតែប៉ុណ្ណោះជំងឺកូវីដ១៩នេះ កំពុងតែផ្ទុះឡើងនៅតាមវត្តអារាមចំនួន៤ ធ្វើអោយឆ្លងរីករាលដាលដល់ព្រះសង្ឃគិតមកដល់ថ្ងៃទី២៤ ខែកក្កដានេះក្រុមគ្រូពេទ្យបានធ្វើតេស្តយកសំណាកព្រះសង្ឃបានឆ្លងជំងឺកូវីដ១៩មានចំនួន១២៦អង្គ/ នាក់មកហើយ ក្រុមគ្រូពេទ្យនៅតែបន្តធ្វើតេស្តយកសំណាកនៅលើព្រះសង្ឃដែលមានជាប់ពាក់ព័ន្ធរាល់ថ្ងៃបន្តទៀត ៕
ចែករំលែកព័តមាននេះ