រាជធានីភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី២២ កក្កដា ២០២១នេះ បានចេញសេចក្តីប្រកាសព័ត៌មាន ស្តីពីការដាក់ឲ្យប្រើប្រាស់សេវាកក់សណ្ឋាគារធ្វើចត្តាឡីស័ក សម្រាប់អ្នកដំណើរចូលកម្ពុជា…
រាជធានីភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី២២ កក្កដា ២០២១នេះ បានចេញសេចក្តីប្រកាសព័ត៌មាន ស្តីពីការដាក់ឲ្យប្រើប្រាស់សេវាកក់សណ្ឋាគារធ្វើចត្តាឡីស័ក សម្រាប់អ្នកដំណើរចូលកម្ពុជា តាមព្រលានយន្តហោះអន្តរជាតិភ្នំពេញ ។
ក្រសួងសុខាភិបាលបានបញ្ជាក់ថា ដើម្បីសម្រួលក្នុងការធ្វើចត្តាឡីស័ករបស់អ្នកដំណើរជាតិ និងអន្តរជាតិ ដែលបានចូលមកក្នុងប្រទេសកម្ពុជា តាមច្រកអាកាសយានដ្ឋានអន្តរជាតិភ្នំពេញ គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ សម្រេចដាក់ឱ្យអនុវត្តសេវាកក់សណ្ឋាគារចំនួន ២ រួមមាន សណ្ឋាគារសុខាភ្នំពេញ និងរ៉េស៊ីដង់ (Sokha Phnom Penh Hotel & Residence) និងសណ្ឋាគារខថយ៉ាដម៉ារីយ័តភ្នំពេញ (Courtyard by Marriott Phnom Penh) ។
អ្នកដំណើរដែលចង់ប្រើប្រាស់សេវានេះ ត្រូវជ្រើសរើសសណ្ឋាគារ និងធ្វើការកក់ដោយផ្ទាល់ តាមរយៈគេហទំព័ររបស់សណ្ឋាគារ ទាំង២ខាងលើ ស្នាក់នៅឱ្យបានមុន២ថ្ងៃ នៃការចេញដំណើរ ។
អ្នកដំណើរដែលប្រើប្រាស់សេវាកក់សណ្ឋាគារទាំងពីរនេះ នឹងត្រូវអនុវត្តន៍នីតិវិធី ដែលមានស្រាប់ជាធរមាន ដែលត្រូវតម្កល់ប្រាក់ចំនួន ២ពាន់ដុល្លារ សម្រាប់ធានាចំណាយក្នុងការធ្វើដំណើរ ការធ្វើចត្តាឡីស័ក និងត្រូវធ្វើតាមទីតាំងដែលកំណត់ដោយអាជ្ញាធរមានសមត្ថកិច្ច ។
សេចក្តីប្រកាសព័ត៌មានរបស់ក្រសួងសុខាភិបាល មានដូចខាងក្រោម ៖
ចែករំលែកព័តមាននេះ