កងទ័ពចិនកាលពីថ្ងៃទី២០ ខែកក្កដា ឆ្នាំ២០២១ បានព្រមានពីគ្រោះថ្នាក់ ក្នុងពេលភ្លាមៗនៃការបាក់ទំនប់មួយ នៅភាគកណ្ដាលប្រទេស ដោយសារមានភ្លៀងធ្លាក់ខ្លាំងបំផុត បណ្ដាលឲ្យមនុស្សស្លា.ប់យ៉ាងតិច
ប្រទេសចិន ៖ កងទ័ពចិនកាលពីថ្ងៃទី២០ ខែកក្កដា ឆ្នាំ២០២១ បានព្រមានពីគ្រោះថ្នាក់ ក្នុងពេលភ្លាមៗនៃការបាក់ទំនប់មួយ នៅភាគកណ្ដាលប្រទេស ដោយសារមានភ្លៀងធ្លាក់ខ្លាំងបំផុត បណ្ដាលឲ្យមនុស្សស្លា.ប់យ៉ាងតិច៣នាក់។
ទីបញ្ជាការដ្ឋានយោធភូមិភាគនៃកងទ័ពប្រជាជនចិន ក្នុងសេចក្ដីប្រកាសមួយ បាននិយាយថា កម្ពស់ទឹកមានដល់ទៅ២០ម៉ែត្រនាថ្ងៃទី២០ ខែកក្កដា ក្នុងទំនប់ YIHETAN ក្រុងឡយយ៉ាង ជាទីក្រុងមួយ មានប្រជាជនប្រមាណជា៧លាននាក់ក្នុងតំបន់ហ៊ឺណាន់។ កងទ័ពព្រមានថា ទំនប់់នេះអាចបាក់ក្នុងពេលណាមួយ។ កងទ័ពប្រកាសថា បានបញ្ជូនកងទាហាន ដើម្បីត្រៀមធ្វើសកម្មភាពបន្ទាន់នានា។
ចំណែកនៅទីក្រុង ZHENGZHOU ជាទីក្រុងធំមួយ ស្ថិតនៅចម្ងាយប្រមាណជា៧០០គីឡូម៉ែត្រភាគនិរតីក្រុងប៉េកាំង កាលពីថ្ងៃទី២០ កក្កដា ក៏ដាក់ឲ្យស្ថិត ក្នុងការប្រកាសអាសន្នពណ៌ក្រហម ជាការប្រកាសអាសន្នឧតុនិយមកម្រិតខ្ពស់បំផុតនៅចិន។ ទូរទស្សន៍ចិនCCTV បង្ហាញបណ្ដាវិថីនៃទីក្រុងនោះត្រូវទឹកជន់លិច ចំណែកប្រជាជនបានដើរលុយទឹក ដល់ត្រឹមជង្គង់ រុញរថយន្តតាមដងវិថីនានា ដែលទឹកជន់លិច។ ផ្នែកឧតុនិយមក្រុង ZHENGZHOU លើកឡើងពីភ្លៀងធ្លាក់ខ្លាំងបំផុត ក្នុងថ្ងៃតែមួយពុំធ្លាប់ជួបប្រទះចាប់តាំងពី៦០ឆ្នាំមកហើយ។ តាមកាសែតប្រជាជនចិនថា ភ្លៀងធ្លាក់ខ្លាំងបណ្ដាលឲ្យបាក់ផ្ទះនានា។ មនុស្សយ៉ាងតិចម្នាក់បានត្រូវស្លា.ប់ និង២នាក់ទៀតបាត់ខ្លួន។
បណ្ដាសារព័ត៌មានក្នុងស្រុករាយការណ៍ម៉្យាងទៀតពីមនុស្សស្លា.ប់២នាក់ ក្រោយការបាក់ជញ្ជាំងមួយ។ ចំណែកព័ត៌មានចុងក្រោយមួយរាយការណនាថ្ងៃទី២១កក្កដា ពីមនុស្សស្លាប់ដល់ទៅ១២នាក់ ក្នុងមេត្រូមួយដែលទឹកជន់លិចនៅទីក្រុងនោះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ