ខេត្តបន្ទាយមានជ័យ ៖ កម្លាំងយោធាម្នាក់ គឺជាមេបញ្ជាការរងកងអនុសេនាធំទី២ បានដេកស្លា.ប់នៅកន្លែងប្រចាំគោលដៅនៅព្រំប្រទល់រវាងខេត្តបន្ទាយមានជ័យ និងខេត្តឧត្តរមានជ័យ បង្កឱ្យមានការភ្ញាក់ផ្អើលកាលពីព្រឹកថ្ងៃទី២១ ខែកក្កដា ឆ្នាំ២០២១ ។
បើតាមមន្ត្រីជំនាញអធិការដ្ឋាននគរបាលស្រុកថ្មពួក បានប្រាប់ថា កម្លាំងយោធាដែលដេកស្លា.ប់នេះ មានឈ្មោះ ជិន ឈុត ភេទប្រុស មានឋានន្តរស័ក្តិអនុសេនីយ៍ឯក ដែលមានតួនាទីជាមេបញ្ជាការរង កងអនុសេនាធំទី២ តំបន់ប្រតិបត្តិការសឹករងខេត្តបន្ទាយមានជ័យ។
មន្ត្រីនគរបាលដដែលបានបញ្ជាក់ថា នៅពេលដែលទទួលព័ត៌មានបានដឹងថា មានកម្លាំងយោធាម្នាក់បានដេកស្លា.ប់នៅប៉ុស្តិ៍គោលដៅព្រំប្រទល់ខេត្តបន្ទាយមានជ័យ និងខេត្តឧត្តរមានជ័យនោះភ្លាម សមត្ថកិច្ចក៏បានចុះទៅពិនិត្យ និងបានយកសំណាក់ដោយក្រុមគ្រូពេទ្យស្រុកថ្មពួកដើម្បីធ្វើតេស្តរហ័ស ហើយជាលទ្ធផលរកឃើញថា អវិជ្ជមានកូវីដ១៩។
តែតាមសំដីគ្រួសារកម្លាំងយោធាដែលស្លា.ប់ខាងលើនេះ បានអោយដឹងថា មុនស្លា.ប់ជនរងគ្រោះបានសុំច្បាប់កន្លែងប៉ុស្តិ៍ត្រួតពិនិត្យ ដើម្បីទៅផ្ទះដោយសារមានអាការៈមិនសូវស្រួលខ្លួនឈឺក្បាល លុះពេលដល់ផ្ទះប្រពន្ធជនរងគ្រោះក៏បានកោសខ្យល់ឱ្យ ។ ក្រោយមកជនរងគ្រោះដូចជាបានស្រួលខ្លួនបន្តិច គាត់ក៏ត្រឡប់មកកន្លែងប៉ុស្តិ៍ត្រួតពិនិត្យវិញ ដើម្បីបំពេញភារកិច្ចការងារបន្ត។
ប្រភពដដែលបន្តថា លុះព្រឹកឡើង ក្រុមការងារបាននាំគ្នាងើបឡើងមិនឃើញជនរងគ្រោះ ក៏បានទៅដាស់ជនរងគ្រោះ ក៏ស្រាប់តែឃើញជនរងគ្រោះបានស្លា.ប់ទៅហើយ ។ ក្រោយពេលពិនិត្យលើសាកស.ពរួចហើយ អង្គភាពក៏បានចាត់ចែងយកទៅធ្វើបុណ្យតាមប្រពៃណីផងដែរ៕
ចែករំលែកព័តមាននេះ