ខេត្តតាកែវ ៖ គិតត្រឹមថ្ងៃទី២១ ខែកក្កដានេះមានវត្តចំនួន២ហើយដែលបានផ្ទុះជំងឺកូវីដ១៩ ទៅលើព្រះសង្ឃ គឺវត្តសីហរតនរាម ក្នុងក្រុងដូនកែវ និងវត្តប្រាសាទនាងខ្មៅ ក្នុងស្រុកសំរោង ខេត្តតាកែវ ។
លោក កេត ម៉ៅ អភិបាលស្រុកសំរោង បានអោយកោះសន្តិភាពយើងដឹង នៅថ្ងៃទី២១ខែកក្កដានេះថា ព្រះសង្ឃដែលគង់នៅវត្តប្រាសាទនាងខ្មៅ ក្នុងឃុំរវៀង ត្រូវបានពិនិត្យធ្វើតេស្តយកសំណាកព្រះសង្ឃគង់នៅវត្តប្រាសាទនាងខ្មៅដោយក្រុមគ្រូពេទ្យមន្ទីរពេទ្យបង្អែកស្រុកបាទី សហការជាមួយមណ្ឌលសុខភាពឃុំរវៀង ។
នាឪកាសនោះក៏មានការអញ្ជើញចូលរួមពីលោក មុំ សោភ័ណ អនុប្រធានក្រុមការងាររាជរដ្ឋាភិបាលចុះជួយឃុំរវៀងព្រះគ្រូធម្មវិជ្ជា ជួន កក្កដា ព្រះវិន័យធរគណខេត្តតាកែវ និងព្រះនាយកស្ថានីយ៍វិទ្យពន្លឺត្រៃរតន៍ និងអ្នកពាក់ព័ន្ធផ្សេងៗទៀត ។
លោកអភិបាលស្រុកសំរោងបានបន្តទៀតថា ក្រោយការពិនិត្យយកសំណាកទៅលើព្រះសង្ឃចំនួន២៥០អង្គ ដែលជាសមណៈសិស្សត្រូវបានរកឃើញមានវិជ្ជមានទៅព្រះសង្ឃចំនួន ២៩ អង្គ ដែលមានផ្ទុកជំងឺកូវីដ-១៩ ហើយបានរៀបចំទីកន្លែងសំរាប់ព្យាបាលក្នុងបរិវេណវត្តតែម្តង និងព្រះសង្ឃដែលមានការពាក់ព័ន្ធផ្សេងៗទៀតបានរៀបចំកន្លែងចត្តាឡីស័កបានត្រឹមត្រូវតាមការណែនាំរបស់ក្រសួងសុខាភិបាលក៏ដូចតាមផែនការការពារ ៣កុំ ៣ការពារបស់សម្តេចតេជោ ប្រមុខរាជរដ្ឋាភិបាល លោកកេត ម៉ៅ អភិបាលស្រុកសំរោងបានបញ្ជាក់ថា នៅព្រឹកថ្ងៃទី២២ ខែកក្កដានេះ ។
អាជ្ញាធរស្រុក និងក្រុមគ្រូពេទ្យនឹងទៅពិនិត្យយកធ្វើតេស្តយកសំណាកព្រះសង្ឃនៅវត្តអង្គមេត្រីស្ថិតនៅឃុំលំចង់ស្រុកសំរោងបន្តទៀត ព្រោះតែព្រះសង្ឃដែលជាសមណៈសិស្សមានវត្តសីហរតនរាម វត្តប្រាសាទនាងខ្មៅ ហើយវត្តអង្គត្រីនេះព្រះសង្ឃមានការទំនាក់ទំនងគ្នាល្អក្នុងការរៀនសូត្រក៏ដូចជា ឆាន់ជាមួយគ្នាទៅវិញទៅមក អញ្ចឹងព្រះសង្ឃដែលមានវិជ្ជមានកូវីដ១៩ នៅវត្តសីហរតនរាម ក្នុងក្រុងដូនកែវ មានចំនួន២០អង្គ ហើយ វត្តប្រាសាទនាងខ្មៅក្នុងសំរោងនេះ មានវិជ្ជមានជំងឺកូវីដ១៩ចំនួន២៩អង្គ អញ្ចឹងព្រះសង្ឃឆ្លងជំងឺកូវីដ១៩ នៅខេត្តតាកែវ២វត្តនេះ មានចំនួន៤៩អង្គហើយ ៕
ចែករំលែកព័តមាននេះ