ប្រទេសថៃ ៖ តម្លៃប្រេងធ្លាក់ចុះបានបង្ខំឲ្យក្រុមហ៊ុន PTT Plc ដែលបានចុះបញ្ជីក្នុងផ្សារមូលបត្រថៃ ត្រូវពន្យារពេលលើការសិក្សានូវលទ្ធភាពរបស់ខ្លួន ក្នុងការអភិវឌ្ឍគម្រោងរោងចក្រចម្រាញ់ប្រេងអន្តរជាតិ ។
ប្រទេសថៃ ៖ តម្លៃប្រេងធ្លាក់ចុះបានបង្ខំឲ្យក្រុមហ៊ុន PTT Plc ដែលបានចុះបញ្ជីក្នុងផ្សារមូលបត្រថៃ ត្រូវពន្យារពេលលើការសិក្សានូវលទ្ធភាពរបស់ខ្លួន ក្នុងការអភិវឌ្ឍគម្រោងរោងចក្រចម្រាញ់ប្រេងអន្តរជាតិ ។
អនុប្រធានប្រតិបត្តិជាន់ខ្ពស់ផ្នែកគីមីឥន្ធនៈ និងរោងចក្រចម្រាញ់ប្រេងកាត លោក Chansin Treenuchagron ថ្លែងថា ៖ « គម្រោងជាច្រើននឹងត្រូវពន្យារពេលរួមមាន រោងចក្រចម្រាញ់ប្រេងមួយកន្លែងដែលមានភាពស្មុគស្មាញពាក់ព័ន្ធនឹងសម្បទាងាយស្រួលក្នុងផលិតកម្មរ៉េអាក់ទ័រគីមីនៃកាបូនអុីដ្រូសែននៅមីយ៉ាន់ម៉ា និងគម្រោងរោងចក្រចម្រាញ់ប្រេងកាតក្នុងប្រទេសឥណ្ឌូណេស៊ី និងវៀតណាម ដែលដាក់ឲ្យដំណើរការតាមរយៈក្រុមហ៊ុនសាខា Thai Oil Plc និង PTT Global Chemical Plc ។ គម្រោងនីមួយៗត្រូវបានគេរំពឹងថា នឹងចំណាយជាង៣ប៊ីលានដុល្លារឯណោះ » ។
ការសិក្សាពីលទ្ធភាពដែលអាចធ្វើទៅបាននៃគម្រោងចំនួន៣ ដែលបានចាប់ផ្តើមឡើងនៅដើមឆ្នាំមុន ពេលដែលក្រុមហ៊ុន PTT ឈានចូលកាន់តែជិតតាមរយៈក្រុមហ៊ុនឧស្ម័ន និងប្រេងជាតិរដ្ឋបរទេស ។ ទោះជាយ៉ាងណា ពុំមានសេចក្តីសម្រេចចុងក្រោយណាមួយត្រូវបានធ្វើឡើងឡើយ ។
លោក Chansin Treenuchagron មានប្រសាសន៍ថា ៖ « ស្ថានភាពតម្រូវការ និងការផ្គត់ផ្គង់នៅតាមបណ្តាប្រទេសនីមួយៗមានការប្រែប្រួល ។ ចំណែកការធ្លាក់ចុះនៃតម្លៃប្រេងគឺមានរយៈពេលយូរជាងការរំពឹងទុកទៅទៀត ដែលការចំណាយលើការវិនិយោគកាន់តែអូសបន្លាយពេលយូរអង្វែងក្នុងការវិលទៅរកនិន្នាការតាមការរំពឹងទុក ។ បណ្តារោងចក្រចម្រាញ់ប្រេងថ្មីជាច្រើននឹងមាននៅលើបណ្តាញអនឡាញនៅឆ្នាំក្រោយនេះ ដែលជាការជំរុញនូវការផ្គត់ផ្គង់ប្រេងក្នុងតំបន់ » ។
តាមលទ្ធផលនេះ ការសម្រេចចុងក្រោយលើការវិនិយោគសម្រាប់គម្រោងបីត្រូវបានគេរំពឹងថា នឹងត្រូវធ្វើឡើងនៅក្នុងឆ្នាំ២០១៧ ក្នុងនោះបណ្តាប្រទេសចំនួន៣ នៅតែមានសក្តានុពលក្នុងការអភិវឌ្ឍរោងចក្រចម្រាញ់ប្រេងកាតដដែល ខណៈតម្រូវការប្រេងចម្រាញ់រួចរាល់បានកើនឡើងក្នុងមួយឆ្នាំៗ ។
ជាមួយនឹងការធ្លាក់ចុះនៃតម្លៃប្រេង PTT Group បាននិងកំពុងផ្តោតលើប្រសិទ្ធភាពនៃប្រតិបត្តិការខ្ពស់ជាងមុន ក៏ដូចជាការពិនិត្យមើលឡើងវិញនៃចំណាយមូលធនផងដែរ ។
បណ្តាសាខាក្រុមហ៊ុនត្រូវបានគេរំពឹងថា នឹងប្រកាសនូវការកែប្រែថ្មីក្នុងការចំណាយថវិការយៈពេល៥ឆ្នាំរបស់ពួកគេនៅសប្តាហ៍ក្រោយនេះ ។ ក្រុមហ៊ុន Thai Oil បានដឹកនាំការសិក្សាពីលទ្ធភាពអាចធ្វើទៅបានលើការពង្រីកសមត្ថភាពចម្រាញ់ប្រេងកាតឲ្យបាន៤០ម៉ឺនបារ៉ែលក្នុងមួយថ្ងៃ ហើយថែមទាំងកែប្រែថ្មីនូវមធ្យោបាយងាយស្រួលក្នុងផលិតកម្មប្រេងផងដែរ ។
ក្រុមហ៊ុនសាខាផលិតគីមីឥន្ធនៈ (សារធាតុគីមីចេញពីប្រេងឥន្ធនៈ) របស់ PTT នឹងចាប់ផ្តើមសិក្សារកលទ្ធភាពនៃការផ្លាស់ប្តូរវត្ថុធាតុដើមពីធ្វើឲ្យហិនហោចដល់ឧស្ម័នធម្មជាតិក្នុងប្រេងកាតដែលមិនទាន់ចម្រាញ់ ដើម្បីផ្គូផ្គងជាមួយការផ្លាស់ប្តូរទីផ្សារ ។
ឧស្ម័នធម្មជាតិក្នុងឈូងសមុទ្រថៃ ត្រូវបានគេរំពឹងថា នឹងត្រូវធ្វើឲ្យហិនហោចក្នុងរយៈពេល៧ឆ្នាំ ប្រសិនជាពុំមានការរុករកថ្មីទេនោះ ។ ការខួងអណ្តូងរ៉ែថ្មីសម្រាប់ជាប្រភពធនធាន ត្រូវបានពន្យារពេលចាប់តាំងពីឆ្នាំ២០០៧ មក ។
លោក Chansin Treenuchagron ថ្លែងថា ៖ « តម្លៃប្រេងពិភពលោក ត្រូវបានគេរំពឹងថា នឹងស្ថិតនៅកម្រិតទាបបំផុតនៅឆ្នាំក្រោយ ហើយកត្តាសំខាន់នោះ គួរតែជួយដោះស្រាយរឿងតម្លៃនៅពេលក្រោយ » ។
តម្លៃប្រេងបានធ្លាក់ចុះពី១០៥ដុល្លារក្នុងមួយបារ៉ែលកាលពីដើមឆ្នាំ២០១៣ មកនៅ៩០ដុល្លារកាលពីឆ្នាំ២០១៤ និងនៅសប្តាហ៍នេះ ស្មើនឹង៣៥ដុល្លារក្នុងមួយបារ៉ែល ។
កាលពីម្សិលមិញនេះដែរ ផ្សារហ៊ុនរបស់ PTT បានបិទការជួញដូរនៅលើផ្សារមូលបត្រថៃក្នុងអត្រា២៤០បាត កើនឡើង៦បាតក្នុងការជួញដូរខ្នាតធំ ដែលមានតម្លៃទឹកប្រាក់២,៣៤ប៊ីលានបាត ៕
ចែករំលែកព័តមាននេះ