ប្រទេសមីយ៉ាន់ម៉ា ៖ អាជ្ញាធររូបិយវត្ថុបានប្រកាសថា ធនាគារកណ្តាលមីយ៉ាន់ម៉ា គ្រោងនឹងបញ្ចូលសមាជិកថ្មីនៅជុំទី២ ក្នុងការផ្តល់អាជ្ញាប័ណ្ណធនាគារបរទេសនៅដើមឆ្នាំ២០១៦ ខាងមុខនេះ ។
ប្រទេសមីយ៉ាន់ម៉ា ៖ អាជ្ញាធររូបិយវត្ថុបានប្រកាសថា ធនាគារកណ្តាលមីយ៉ាន់ម៉ា គ្រោងនឹងបញ្ចូលសមាជិកថ្មីនៅជុំទី២ ក្នុងការផ្តល់អាជ្ញាប័ណ្ណធនាគារបរទេសនៅដើមឆ្នាំ២០១៦ ខាងមុខនេះ ។
ធនាគារកណ្តាលឲ្យដឹងថា តាមទិសដៅ គឺនឹងផ្តល់អាជ្ញាប័ណ្ណដល់ធនាគារដែលមកពីបណ្តាប្រទេសជិតខាង និងដៃគូសេដ្ឋកិច្ចពាណិជ្ជកម្មដ៏សំខាន់ ។ កម្មវត្ថុដ៏សំខាន់នៃការផ្តល់អាជ្ញាប័ណ្ណជុំទី២នេះ គឺដើម្បីបង្កើនការផ្សព្វផ្សាយបន្ថែមក្នុងកិច្ចសហប្រតិបត្តិការសេដ្ឋកិច្ចដែលមានស្រាប់ ។
ជាការកត់សម្គាល់ ការិយាល័យកណ្តាលរបស់ធនាគារបរទេសក្នុងបណ្តាប្រទេសជាច្រើនដែលទទួលបានអាជ្ញាប័ណ្ណមួយដោយជោគជ័យនៅជុំទី២ រួមមាន អូស្ត្រាលី ចិន ជប៉ុន ម៉ាឡេស៊ី សិង្ហបុរី និងថៃ នឹងមិនត្រូវបានអនុញ្ញាតឲ្យចូលរួមនៅក្នុងជុំទី២ ឡើយ ។ ធនាគារបរទេសដែលមានការិយាល័យតំណាងនៅមីយ៉ាន់ម៉ា នឹងត្រូវបានអនុញ្ញាតឲ្យចូលរួម ។
ធនាគារកណ្តាលមីយ៉ាន់ម៉ាថ្លែងថា អាជ្ញាប័ណ្ណនេះសម្រាប់ផ្តល់ឲ្យធនាគារលក់ដុំនៅឯនាយសមុទ្រតាមរយៈសាខាមួយ ថែមទាំងជាការអំពាវនាវសម្រាប់ការចាប់អារម្មណ៍ដែលត្រូវបានបង្កើតឡើងនៅដើមឆ្នាំក្រោយនេះផងដែរ ។
កាលពីអតីតកាល ក្នុងជុំនៃការប្រកួតប្រជែងដេញថ្លៃក្តៅៗមានធនាគារចំនួន៩ ដែលទទួលបានជ័យជម្នះហើយដណ្តើមបានអាជ្ញាប័ណ្ណទាំងនោះនៅថ្ងៃទី១ តុលាឆ្នាំទៅ ហើយអ្នកដែលឈ្នះត្រូវបានផ្តល់ឱកាសឲ្យមួយឆ្នាំសម្រាប់ត្រៀមខ្លួនប្រតិបត្តិការឱ្យសម្រេចបាននូវការអនុម័តរបស់ធនាគារកណ្តាល ។
គ្រប់ធនាគារទាំងអស់ រួមមាន ANZ របស់អូស្ត្រាលី, Bangkok Bank របស់ថៃ, The Bank of Tokyo-Mitsubishi UFJ, Mizuho Bank និង Sumitomo Mitsui Banking Corporation របស់ជប៉ុន, Industrial and Commercial Bank of China (ICBC) របស់ចិន, Maybank របស់ម៉ាឡេស៊ី និង Oversea-Chinese Banking Corportion (OCBC) របស់សិង្ហបុរី និង United Overseas Bank (UOB) បច្ចុប្បន្នបានបើកសាខារួចមកហើយ ។
អាជ្ញាប័ណ្ណទាំងនោះទទួលបានមកជាមួយការដាក់កម្រិត ឬលក្ខខណ្ឌនានា ពោលគឺធនាគារទាំងឡាយបានត្រឹមតែអនុញ្ញាតឲ្យផ្តល់កម្ចីដល់សហគ្រាសក្នុងស្រុក និងធនាគារក្នុងស្រុក។ ពួកគេអាចចាប់ដៃគូជាមួយបណ្តាអ្នកផ្តល់កម្ចីក្នុងស្រុកដើម្បីផ្តល់នូវសេវាកម្មបន្ថែម ប៉ុន្តែត្រូវបានហាមប្រាមពីការជាប់ទាក់ទងនឹងប្រតិបត្តិការលក់រាយ។
នេះជាការកត់សម្គាល់លើកដំបូងថា ធនាគារបរទេសបានប្រតិបត្តិការនៅប្រទេសនេះអស់រយៈពេលជាង៥០ឆ្នាំមកហើយ ។ មីយ៉ាន់ម៉ាមិនបានអនុញ្ញាតឲ្យមានធនាគារនៅក្រៅប្រទេសក្រោមរូបភាពជាគ្រឹះសា្ថនបរទេសឡើយចាប់តាំងពីឆ្នាំ១៩៦៣ នៅពេលដែលធនាគារបរទេស១៤ ត្រូវបានធ្វើជាតូបនីយកម្ម ៕
ចែករំលែកព័តមាននេះ