ADផ្ទាំងផ្សព្វផ្សាយពាណិជ្ជកម្ម

Picture

សមរភូមិ​ប្រយុទ្ធ​របស់​យុវវ័យ​ប្រុស​-​ស្រី​២​ក្រុម​នៅ​កន្លែង​ស្រា​ក្រឡុក ផ្អើល​ទាំង​ព្រឹក

6 ខែ មុន
  • ភ្នំពេញ

ង​លក់​ស្រា​ក្រឡុក​មួយ​កន្លែង​បើក​លក់ ទទួលភ្ញៀវ​មួយ​យប់​ទល់​ភ្លឺ ហើយ​ចូល​ផឹកស៊ី​បាន​ដោយ​សេរី ស្រាប់តែ​នៅ​វេលា​ម៉ោង​៤​និង​៣០​នាទី​ព្រឹក​ថ្ងៃ​ទី​១៨ ខែកក្កដា ឆ្នាំ​២០២១ ក៏​មាន​ក្រុម​យុវវ័យ មាន​ទាំងប្រុស មាន​ទាំងស្រី​ចំនួន​២​ក្រុម ដោយ​ម្ខាង​ៗ​ជាង​១០​នាក់ សរុប​ប្រមាណ​ជាង​៣០​នាក់ បាន​នាំ​គ្នា​

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា ហាង​លក់​ស្រា​ក្រឡុក​មួយ​កន្លែង​បើក​លក់ ទទួលភ្ញៀវ​មួយ​យប់​ទល់​ភ្លឺ ហើយ​ចូល​ផឹកស៊ី​បាន​ដោយ​សេរី ស្រាប់តែ​នៅ​វេលា​ម៉ោង​៤​និង​៣០​នាទី​ព្រឹក​ថ្ងៃ​ទី​១៨ ខែកក្កដា ឆ្នាំ​២០២១ ក៏​មាន​ក្រុម​យុវវ័យ មាន​ទាំងប្រុស មាន​ទាំងស្រី​ចំនួន​២​ក្រុម ដោយ​ម្ខាង​ៗ​ជាង​១០​នាក់ សរុប​ប្រមាណ​ជាង​៣០​នាក់ បាន​នាំ​គ្នា​ចូល​ផឹកស៊ី​សប្បាយ​អឺងកង ប៉ុន្តែ​នៅ​ទីបំផុត​ក៏​កើតជា​ទំនាស់​សម្តី រហូត​ឈាន​ដល់​ប្រើ​កៅអី​ជ័រ ស្បែកជើង វាយ​ប្រតាយប្រតប់​គ្នា​យ៉ាង​អាណា​ធិ​ប​តេ​យ្យ បង្ក​ឲ្យ​មានការ​ភ្ញាក់ផ្អើល​ដល់​អ្នកដំណើរ​តាម​ផ្លូវ និង​មហាជន​រឹតតែ​ទ្រូង មិនដឹង​ថា តើ​កូនចៅ​អស់លោក​ណា​នោះ​ទេ? មក​សាក​កណ្តាប់​ដៃ​គ្នា​លើ​សង្វៀន នៅ​ចំណុច​ផ្លូវជាតិ​លេខ​៤ ស្ថិត​ក្នុងភូមិ​ជ​ម្ជូ​វ័ន​១ សង្កាត់​ចោម​ចៅ​៣ ខណ្ឌ​ពោធិ​សែន​ជ័យ រាជធានី​ភ្នំពេញ ។

Picture

តាម​ប្រជាពលរដ្ឋ​បាន​លើក​ឡើង​ថា ទីតាំង​លក់​ស្រា​ក្រឡុក គ្រឿង​ស្រវឹង បន្ត​ឲ្យ​ភ្ញៀវ ជា​ពិសេស​ក្រុម​យុវវ័យ​ចូល​ផឹកស៊ី​ដោយ​សេរី ទោះជា​ជា​សាលា​រាជធានី​ភ្នំពេញ ក្រសួងសុខាភិបាល ចេញ​សេចក្តី​ប្រកាស​ផ្អាក​ជា​បណ្តោះអាសន្ន​នូវ​ការ​លក់ដូរ អាជីវកម្ម ផឹកស៊ី គ្រឿង​ស្រឹង ដើម្បី​ចូលរួម​ទប់ស្កាត់​ជំងឺឆ្លង​កូ​វី​ដ​១៩​ក៏​ដោយ តែ​ផ្អុ​យ​ទៅ​វិញ ទីតាំង​ហាង​លក់​ស្រា​ក្រឡុក​ខាងលើ ដែល​ស្ថិត​នៅ​ចំណុច​ភ្លើងស្តុប​ផ្លូវជាតិ​លេខ​៤ កែង​មហាវិថី​ឈ្នះ ឈ្នះ ក្នុងភូមិ​ជម្ពូ​វ័ន​១ សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ​នេះ នៅ​តែ​ឃើញ​បើក​លក់ រហូត​ដល់​កើត​មាន​បញ្ហា​បង្ក​អសន្តិសុខ ផឹកស៊ី​វាយតប់​គ្នា បណ្តាល​ឲ្យ​មាន​អ្នក​រង​របួស បាត់បង់​សម្ភារៈ លុយកាក់​ជាដើម ។

Picture

ពលរដ្ឋ​បាន​បន្ត​ទៀត​ថា មុន​កើតហេតុ គេ​ឃើញ​យុវវ័យ​២​ក្រុម មាន​ប្រុស មាន​ស្រី ប្រមាណ​ជាង​៣០​នាក់ ចូល​ផឹកស៊ី​នៅ​កន្លែង​លក់​ស្រា​ក្រឡុក​ខាងលើ ស្រាប់តែ​មួយសន្ទុះ​ក្រោយមក ក៏​កើត​ទំនាស់​សម្តី​គ្នា​រវាង​នារី​នឹង​នារី ឈាន​ដល់​ម្ខាង​ជះ​ស្រា​ដាក់​លើ​ក្រុម​ម្ខាង​ទៀត និង​រហូត​ដល់​ប្រើ​កម្លាំងបាយ ប្រដាប់​ដោយ​ស្បែកជើង កៅអី​ជ័រ វាយ​ប្រយុទ្ធ​គ្នា​ទៅ​វិញ​ទៅ​មក ផ្អើល​អស់អ្នក​ដំណើរ មហាជន​រឹតតែ​ទ្រូង មិនដឹង​ថា​ជា​កូនចៅ​អស់លោក​ណា សុទ្ធតែ​យុវវ័យ​មក​វាយតប់​គ្នា​បែប​នេះ ។

បាតុភាព​ទំនាស់​ហិ​.​ង្សា​របស់​ក្រុម​យុវវ័យ​២​ក្រុម​ខាងលើ​នេះ ត្រូវ​បាន​នគរបាល​ចុះ​ទៅ​អន្តរាគមន៍ ហើយ​ក៏​ឃាត់​ហៅ​ក្រុម​នារី​ៗ​ទាំង​២​ក្រុម ទៅ​សាកសួរ​នៅ​ប៉ុស្តិ៍​ចោម​ចៅ​៣ ចំណែក​ក្រុម​យុវជន​វិញ ក៏​បាន​នាំ​គ្នា​រត់គេច​ខ្លួន​បាត់​អស់​ផង​ដែរ ៕

Picture
Picture
Picture