ពាក្យមួយឃ្លាពោលថា «ឃើញក្តារមឈូសបានស្រក់ទឹកភ្នែក» ពេលនេះ ក្រសួងបរិស្ថានបានចាប់ផ្តើមឱ្យមន្ទីរបរិស្ថានគ្រប់ខេត្តទាំងអស់ យកឈើដែលចាប់បានធ្វើក្តារមឈូសដើម្បីត្រៀមដាក់ស.ពអ្នកដែលស្លា.ប់ដោយសារជំងឺកូវីដ១៩
រាជធានីភ្នំពេញ ៖ ពាក្យមួយឃ្លាពោលថា «ឃើញក្តារមឈូសបានស្រក់ទឹកភ្នែក» ពេលនេះ ក្រសួងបរិស្ថានបានចាប់ផ្តើមឱ្យមន្ទីរបរិស្ថានគ្រប់ខេត្តទាំងអស់ យកឈើដែលចាប់បានធ្វើក្តារមឈូសដើម្បីត្រៀមដាក់ស.ពអ្នកដែលស្លា.ប់ដោយសារជំងឺកូវីដ១៩។
អ្នកនាំពាក្យក្រសួងបរិស្ថានបានសរសើលើបណ្តាញសង្គមយ៉ាងដូច្នេះថា «ទាល់ឃើញក្តារមឈូសបានស្រក់ទឹកភ្នែក! សូមកុំភ្លេចខ្លួនបងប្អូន យើងអាចភ្លេចកូវីដ១៩ តែជំងឺកាចសា.ហាវនេះមិនភ្លេចយើងទេ! »។
លោកថា មិនមែនបន្លាច មិនមែនប្រមាថ ហើយក៏មិនមែនជាក្តីសុបិន្តដែរ តែវាជាការពិត! ដោយអនុវត្តតាមអនុសាសន៍សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ថា «ទោះបីជាប្រទេសយើងក្រ តែមិនត្រូវឱ្យពលរដ្ឋខ្មែរយើងស្លា.ប់ដោយអណោចអធមឡើយ» ក្រសួងបរិស្ថានបានយកឈើដែលរឹបអូសបានពីការទប់ស្កាត់ និងបង្ក្រាបបទល្មើសធនធានធម្មជាតិដើម្បីផលិតក្តារមឈូសផ្តល់ជូនអាជ្ញាធរពាក់ព័ន្ធប្រើប្រាស់សម្រាប់តម្កល់ស.ពអ្នកជំងឺកូវីដ១៩ ដែលបានស្លា.ប់បាត់បង់ជីវិត។
លោកបានលើកឡើងថា រហូតមកដល់ថ្ងៃទី១០ ខែកក្កដា ឆ្នាំ២០២១ អ្នកជំងឺកូវីដ១៩ ចំនួន ៨៨១ នាក់ហើយបានស្លា.ប់បាត់បង់ជីវិតចាប់តាំងពីព្រឹត្តិការណ៍សហគមន៍ថ្ងៃទី២០ ខែកុម្ភៈ បានផ្ទុះឡើងនៅកម្ពុជា។ ឥឡូវនេះ អត្រានៃការស្លា.ប់ប្រចាំថ្ងៃចន្លោះពី ២០ ទៅ៣០នាក់។
លោកបញ្ជាក់ថា «សូមចូលរួមបញ្ឈប់ការចម្លង និងកាត់បន្ថយអត្រានៃការស្លា.ប់ តាមរយៈអនុវត្តវិធានការ «៣កុំ ៣ការពារ» ឱ្យបានខ្ជាប់ខ្ជួនបំផុត និងគោរពតាមបទបញ្ជារបស់រាជរដ្ឋាភិបាល និងការណែនាំរបស់ក្រសួងសុខាភិបាល»។
លោកគូសបញ្ជាក់ពីការធ្វើក្តារមឈូសថា «រូបភាពនេះ ខ្ញុំបានចុះពិនិត្យការផលិតក្តារមឈូសដោយក្រុមមន្ត្រីមន្ទីរបរិស្ថាខេត្តកំពត កាលពីថ្ងៃទី៨ ខែកក្កដា ឆ្នាំ២០២១ និងរូបភាពក្តារមឈូសដែលបានផលិតនៅតាមបណ្តាមន្ទីរបរិស្ថានខេត្តផ្សេងទៀត ដែលមានឈើចាប់បានពីបទល្មើសធនធានធម្មជាតិ និងបានការអនុញ្ញាតឱ្យប្រើប្រាស់។ បើខ្លាចកូវីដ១៩ សូមការពារខ្លួនអ្នក គ្រួសារអ្នក និងសហគមន៍ពីការឆ្លងជំងឺកូវីដ១៩ ដោយអនុវត្តឱ្យបានខ្ជាប់ខ្ជួនវិធានការ «៣កុំ ៣ការពារ» និងគោរពតាមបទបញ្ជាទាំងឡាយរបស់រដ្ឋាភិបាល និងក្រសួងសុខាភិបាល»៕
ចែករំលែកព័តមាននេះ