ភ្នំពេញ៖ យុវជនម្នាក់ ជិះម៉ូតូមួយគ្រឿងម៉ាកហុងដាឌ្រីម ស្រាប់តែមានរថយន្តបង្កមួយគ្រឿង បើកលឿន មិនចាំម៉ាក បុកពីក្រោយយ៉ាងពេញទំហឹង បណ្តាលអោយបាត់បង់ជីវិតយ៉ាងអាណោចអាធ័ម។ ហេតុការណ៍នោះ បានកើតឡើង កាលពីវេលាម៉ោង…
ភ្នំពេញ៖ យុវជនម្នាក់ ជិះម៉ូតូមួយគ្រឿងម៉ាកហុងដាឌ្រីម ស្រាប់តែមានរថយន្តបង្កមួយគ្រឿង បើកលឿន មិនចាំម៉ាក បុកពីក្រោយយ៉ាងពេញទំហឹង បណ្តាលអោយបាត់បង់ជីវិតយ៉ាងអាណោចអាធ័ម។ ហេតុការណ៍នោះ បានកើតឡើង កាលពីវេលាម៉ោង ៩ និង ៣០នាទីយប់ថ្ងៃទី៨ ខែកក្កដា ឆ្នាំ២០២១ តាមបណ្តោយផ្លូវជាតិលេខ៦ នៅចំណុចស្ពានទី៩ ទៅស្ពានទី១០ ស្ថិតនៅក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
សាក្សី ដែលឃើញការណ៍ បានអោយដឹងថា មុនពេលកើតហេតុ គេបានឃើញយុវជនម្នាក់ មិនស្គាល់អត្តសញ្ញាណនោះទេ បើកម៉ូតូមួយគ្រឿង ម៉ាកហុងដាឌ្រីម ពណ៌ខ្មៅ ស៊េរី២០០៨ ពាក់ស្លាកលេខ ស្ទឹងត្រែង1A 1605 បើកបរតាមបណ្តោយផ្លូវជាតិលេខ៦ ក្នងទិសដៅពីត្បូង ទៅជើង ដោយសារតែទីតាំងខាងលើ រាងងងឹត ហើយមួយណាទៀត គឺមានម៉ូតូ និងរថយន្ត បើកលឿនៗ ដូចហោះ ទើបខាងម៉ូតូ មិនដឹងថា រថយន្ត ឬម៉ូតូណា បុក ទើបបណ្តាលអោយជនរងគ្រោះ រហូតដល់ស្លាប់យ៉ាងអាណោចអាធ័មដូច្នេះ។
ភ្លាមៗនោះ រថយន្តបង្ក រឺមួយម៉ូតូ ដែលប៉ះនោះ បានព្យាយាមបើករត់គេចខ្លួនបាត់ស្រមោល មិនមានអ្នកណា តាមទាន់នោះទេ។ រីឯជនរងគ្រោះ បានដេកស្លាប់នៅលើម៉ូតូ ចង្ក្រៀងៗ។
ក្រោយពេលកើតហេតុ ម៉ូតូរបស់ជនរងគ្រោះ ត្រូវបានសមត្ថកិច្ច វាស់វែង និងដឹកយកទៅកាន់អធិការដ្ឋាននគរបាលខណ្ឌជ្រោយចង្វារ។ ចំណែកសព ត្រូវបានក្រុមគ្រួសារ ដឹកយកទៅធ្វើបុណ្យ៕
ចែករំលែកព័តមាននេះ