រាជធានីភ្នំពេញ៖ ខណៈផ្សាររដ្ឋនៅរាជធានីភ្នំពេញត្រូវបានបើកដំណើរការឡើងវិញ ស្រាប់តែបណ្តាខេត្តមួយចំនួនធំត្រូវបិទផ្សារជាបន្តបន្ទាប់ ដោយសារតែការផ្ទុះឡើងនៃកូវីដ ១៩។តោះ! ខាងក្រោមនេះជាទិន្នន័យដែលសរុបផ្សារនៅតាមបណ្តាខេត្ត ដែលត្រូវបានផ្អាកបណ្តោះអាសន្ន៖ ទី១) រដ្ឋបាលខេត្តសៀមរាប៖ សម្រេចបិទផ្សារលើធំថ្មី…
រាជធានីភ្នំពេញ៖ ខណៈផ្សាររដ្ឋនៅរាជធានីភ្នំពេញត្រូវបានបើកដំណើរការឡើងវិញ ស្រាប់តែបណ្តាខេត្តមួយចំនួនធំត្រូវបិទផ្សារជាបន្តបន្ទាប់ ដោយសារតែការផ្ទុះឡើងនៃកូវីដ ១៩។
តោះ! ខាងក្រោមនេះជាទិន្នន័យដែលសរុបផ្សារនៅតាមបណ្តាខេត្ត ដែលត្រូវបានផ្អាកបណ្តោះអាសន្ន៖
ទី១) រដ្ឋបាលខេត្តសៀមរាប៖ សម្រេចបិទផ្សារលើធំថ្មី ដែលស្ថិតនៅភូមិដកពោធិ៍ សង្កាត់ស្លក្រាម ក្រោយរកឃើញមានពាក់ព័ន្ធការឆ្លងរាលដាលជំងឺកូវីដ-១៩ និងមានអ្នកស្លាប់ម្នាក់ កាលពីថ្ងៃទី២៤ ខែមិថុនា ឆ្នាំ២០២១នេះ។
ទី២) រដ្ឋបាលខេត្តប៉ៃលិន៖ បន្ទាប់ពីរដ្ឋបាលខេត្តបានបិទផ្សារសាមគ្គី ហៅប៉ាហ៊ី ស្ថិតក្នុងសង្កាត់ប៉ៃលិន ក្រុងប៉ៃលិន អស់រយ:ពេល១អាទិត្យ ក្រោយធ្វើតេស្តរហ័សរកឃើញអាជីវករឆ្លងជំងឺកូវីដ-១៩ រហូតមកដល់ព្រឹកថ្ងៃទី២៥ ខែមិថុនា ឆ្នាំ២០២១ មានអាជីវករលក់ដូរនៅក្នុងផ្សារមួយចំនួនបាននាំគ្នារើឥវ៉ាន់របស់ខ្លួនចេញមកលក់ដូរ នៅខាងក្រៅផ្សារ ដើម្បីបានថវិកាខ្លះសម្រាប់យកទៅផ្គត់ផ្គង់ជីវភាពប្រចាំថ្ងៃ និងសងជំពាក់បំណុលគេផងដែរ ។
ទី៣) រដ្ឋបាលខេត្តស្ទឹងត្រែង៖ បានសម្រេចផ្អាកសកម្មភាពលក់ដូររបស់អាជីវករ ក្រោយពីលទ្ធផលវិជ្ជមានលើអាជីវករផ្សារសាមគ្គីស្ទឹងត្រែង ដែលមានមូលដ្ឋាននៅផ្សារសាមគ្គីស្ទឹងត្រែង ស្ថិននៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ដែលជាទីតាំងរកឃើញករណីវិជ្ជមានកូវីដ.១៩ ការផ្អាកនឹងចាប់ពីថ្ងៃទី២៦ ខែមិថុនា រហូតដល់មានការជណដំណឹងជាថ្មីផងដែរ។
ទី៤) ខេត្តត្បូងឃ្មុំ ៖ អភិបាលក្រុងសួង លោក ជា ណារ៉ុន បានឱ្យដឹងថា ក្រុងសួងបានបន្តរកឃើញអ្នកវិជ្ជមានកូវីដ-១៩ ចំនួន ២នាក់បន្ថែមទៀតកាលពីថ្ងៃទី ២៦ ខែមិថុនា ឆ្នាំ២០២១ ពាក់ព័ន្ធនឹងអាជីវករលក់ដូរក្នុងផ្សារសួង ដែលមានវិជ្ជមានកូវីដ-១៩ សរុបព្រឹត្តិការណ៍ផ្សារសួងបណ្តោះអាសន្នមានចំនួន ៩នាក់ ក្នុងនោះស្លា.ប់ ២នាក់។
និងទី៥) អាជ្ញាធរស្រុកពាមរ៖ នៅព្រឹកថ្ងៃទី២៧ ខែមិថុនា ឆ្នាំ២០២១នេះ អាជ្ញាធរស្រុកពាមរក៍ បានសម្រេចបិទផ្សារអ្នកលឿងជាបណ្ដោះអាសន្ន ក្រោយពីរកឃើញអាជីវករ២នាក់ប្ដីប្រពន្ធនៅក្នុងផ្សារអ្នកលឿងនេះ បានឆ្លងជំងឺកូវីដ១៩ ។
គួរបញ្ជាក់ផងដែរថា មិនមែនមានតែផ្សារនៅតាមបណ្តាខេត្តនោះទេដែលត្រូវបានផ្អាក ផ្សារធំៗរបស់រដ្ឋ នៅភ្នំពេញ បានផ្អាកដែរប៉ុន្តែបានអនុញ្ញាតឱ្យអាជីវករ បើកតូប ដំណើរការលក់ដូរឡើងវិញ លើទំនិញ គ្រប់ប្រភេទ ដែលឈានទៅរកភាពប្រក្រតីឡើងវិញ ជាបណ្តើរៗហើយ៕
ចែករំលែកព័តមាននេះ