ចៅក្រមបន្តការសាកសួរតារាសម្តែង អេដ វីន ករណីប្រើហិ.ង្សាលើស្រីស្នេហ៍
- ភ្នំពេញ
រាជធានីភ្នំពេញ ៖ នាព្រឹកថ្ងៃទី២៣ មិថុនា នេះ កម្លាំងប៉េអឹមបាននាំខ្លួនតារាសម្តែង អេដ វីន ឱ្យលោកចៅក្រមបន្តការសាកសួរពាក់ព័ន្ធករណីប្រើអំពើហិង្សាលើស្រីស្នេហ៍ខ្លួន ។…
រាជធានីភ្នំពេញ ៖ នាព្រឹកថ្ងៃទី២៣ មិថុនា នេះ កម្លាំងប៉េអឹមបាននាំខ្លួនតារាសម្តែង អេដ វីន ឱ្យលោកចៅក្រមបន្តការសាកសួរពាក់ព័ន្ធករណីប្រើអំពើហិង្សាលើស្រីស្នេហ៍ខ្លួន ។ គួរបញ្ជាក់ថា៖ប៉េអឹមនាំខ្លួនតារាសម្តែងលោក អេដវីន ទៅតុលាការ ក្រោយផ្ទុះរឿងហិ.ង្សាលើគូស្នេហ៍
សូមរំលឹកថា តំណាងអយ្យការបានបើកការសាកសួរលើសំណុំរឿងនេះ ដល់ម៉ោង១១និង៣០ព្រឹកថ្ងៃទី២២ ខែមិថុនា នៅមិនទាន់ចប់ទេ រួចបានផ្ញើជនសង្ស័យទៅសមត្ថកិច្ចអាវុធហត្ថវិញ និងតម្រូវឲ្យថ្ងៃរសៀលនាំមកសួរបន្តទៀត ដើម្បីសម្រេចចោទ ឬមិនចោទប្រកាន់ តាមឆន្ទានុសិទ្ធិរបស់អយ្យការ ។
សូមបញ្ជាក់ទៀតថា តំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី២១ និងព្រឹកថ្ងៃទី២២ ខែមិថុនា ឆ្នាំ២០២១ បានបើកការស៊ើបសួរលើសំណុំរឿងលោក អេន វីន ជាតារាសម្តែងពាក់ព័ន្ធករណីប្រើអំពើហិង្សាលើស្រីស្នេហ៍ ។ លោក អេន វីន ត្រូវបានកម្លាំងសមត្ថកិច្ចកងរាជអាវុធហត្ថរាជធានីភ្នំពេញ ឃាត់ខ្លួននិងបញ្ជូនទៅតុលាការ ។ ការឃាត់ខ្លួនតារាសម្តែងរូបនេះ បន្ទាប់ពីគណនីហ្វេសប៊ុកមួយ ដែលគេស្គាល់ថា ជាអាខោនរបស់នាង សុទ្ធ កញ្ចកា ជាស្រីស្នេហ៍ ហើយអ្នកទាំង២ក៏បង្ហាញពីការចាប់ដៃគ្នានាអនាគតដែរ ។
នាង កញ្ចកា បានបង្ហោះរូប ភាពអំពើហិង្សាមួយដែលវាយតប់នាង បណ្តាលឲ្យរបួសស្នាមជាំសុះសាច់ និងបានរៀបរាប់នៅថ្ងៃទី១៧ ខែមិថុនា ឆ្នាំ២០២១ថា ឈឺអត់ទេ អត់ឈឺទេប៉ុណ្ណឹង តែអ្វីដែលឈឺបំផុតគឺឈឺចិត្ត ឈឺបេះដូង ឈឺចាប់ស្ទើរស្លាប់ មនុស្សដែលខ្ញុំស្រឡាញ់បំផុតលើសជីវិត ។ អ្វីក៏ហ៊ានលះបង់ដើម្បីបាននៅជិតគ្នា បែរជាហ៊ានលើកដៃវាយខ្ញុំដូចសត្វធាតុ ។ ប៉ុន្មានថ្ងៃក្រោយកើតហេតុភ្លាម ខ្ញុំពិតជាមិនចង់យករូបបែបនេះមកផុសទេ ព្រោះពេលខ្ញុំចង់សរសេរ តែសរសេរទៅមុខអត់រួចទេ ព្រោះបេះដូងខ្ញុំឈឺខ្លាំង ទឹកភ្នែកខ្ញុំហូរខ្លាំងទប់មិនជាប់ ។
នាងសរសេរទៀតថា សាកបិទភ្នែកស្រមៃមើល ពេលដែលគេបិទទ្វារ មិនឲ្យអ្នកណាចូលមកជួយ ហើយដកខ្សែក្រវាត់ទំហំប៉ុន៣ម្រាមដៃ វាយក្បាលខ្ញុំប្រហែល១០ដង វាយយកៗ មិនដកដៃ ។ ពេលនោះ ខ្ញុំឈឺពេកក៏យកដៃរងហើយគេមិនឈប់ទេ គេវាយខ្លួនខ្ញុំថែមគ្រប់ កន្លែង រហូតខ្ញុំរត់ទៅកន្លៀតពួនលើកដៃសំពះគេ «បងអើយឈប់វាយទៅ អូនឈឺណាស់ អូនអត់ខុសជាមួយបងទេ ម៉េចបងមិនជឿអូន» តែគេមិនឈប់ដដែល គេវាយយកៗទៀត រហូតខ្ញុំគាំង ស្ទះបេះដូងគេក៏ឈប់មួយភ្លែត ហើយគេមកបោចសក់ខ្ញុំទម្លាក់ពីលើជណ្តើរ ហើយក្បាលខ្ញុំបោកទៅនឹងជញ្ជាំងមួយទំហឹងខាងក្រោយ ហើយគេចាប់បោកខ្ញុំខ្ទប់លើឥដ្ឋ ហើយខ្ញុំនៅតែយំសំពះអង្វរគាត់ «បងអើយឈប់ទៅអូនឈឺណាស់តែគេមិនស្ដាប់នៅតែដដែល» វាយរហូត ខ្ញុំស្រងល់ ក្រោយមកគេក៏ចាប់អូសខ្ញុំឡើងម៉ូតូទៅផ្ទះខ្ញុំមួយទៀត ដែលកូនខ្ញុំនៅទីនោះ ។
សូមនិយាយប៉ុណ្ណឹងចាំអារម្មណ៍ស្ងប់បន្តិច ចាំពន្យល់សាច់រឿង ហេតុអ្វីទៅជាអុីចឹង ហើយពេលនេះខ្ញុំគ្រាំក្នុងក្បាល យប់ឡើងឈឺរហូតយំ គេងមិនលក់២ថ្ងៃហើយ ។ប្រភពព័ត៌មានឲ្យដឹងថា ក្រោយកើតមានអំពើហិង្សានោះនាង សុទ្ធ កញ្ចកា បានទៅដាក់ពាក្យបណ្តឹងនៅសមត្ថកិច្ច បន្ទាប់មកសមត្ថកិច្ចកងរាជអាវុធហត្ថរាជធានីភ្នំពេញបានបើកការស៊ើបអង្កេត និងស្រាវជ្រាវរហូតឈានដល់ការឃាត់ខ្លួនតារាសម្តែងលោក អេន វីន ដែលសាធារណជន មិនស្មានថាឃោរឃៅដល់ថ្នាក់នេះ ។ ពេលឃាត់ខ្លួន សមត្ថកិច្ចកងរាជអាវុធហត្ថបានកសាងសំណុំរឿងបញ្ជូនទៅសាលាដំបូងរាជធានីភ្នំពេញតាមនីតិវិធី ។
ក្រុមអ្នកតាមប្រមាញ់ករណីខាងលើនេះ បានកត់សម្គាល់ឃើញថា នៅពេលសមត្ថកិច្ចកងរាជអាវុធហត្ថនាំខ្លួន លោក អេន វីន មកដល់សាលាដំបូងរាជធានីភ្នំពេញ បែរជានាង សុទ្ធ កញ្ចកា បានទៅតាមសុំដកពាក្យបណ្តឹង ដើម្បីបើកផ្លូវឲ្យស្ថាប័នអយ្យការលើកលែងការចោទប្រកាន់ទៅលើលោក អេន វីន ទៅវិញដោយបានចាត់ទុកជាប្តី ឲ្យមានសេរីភាពបានជួបជុំប្រពន្ធកូនវិញ ។ នាងថា បើទោះបីស្នាមជាំនៅដិតដាមជាប់ពេញខ្លួនយ៉ាងណាក្តី នាងមិនដាច់ចិត្តទេ បានទៅតាមយកបាយទឹកឲ្យហូបចុកថែមទៀតផង ។
មានការកត់សម្គាល់ឃើញទៀតថា នៅពេលកម្លាំងកងរាជអាវុហត្ថរាជធានីភ្នំពេញបញ្ជូនតារាសម្តែងលោក អេន វីន ទៅដល់តុលាការ មានសាច់ញាតិនិងក្រុមគ្រួសាររបស់ អេន វីន ប្រមាណបួនដប់នាក់ ខ្លះកាន់អាវរងារ ខ្លះកាន់ឆ័ត្រទៅបាំង និងបានទៅឈរពាំងមុខកាមេរ៉ារបស់អ្នកសារព័ត៌មាន ដែលតាមប្រមាញ់រូបភាពក្នុងចេតនាបិទបាំង មិនឲ្យឃើញមុខលោក អេន វីនឡើយ ។ ខណៈពេលសមត្ថកិច្ចនាំចុះ និងនាំឡើងរថយន្តនៅមុខបរិវេណសាលាដំបូងម្តងៗគេឈរបិទបាំង ។
ចែករំលែកព័តមាននេះ