១-មេក្រូឈើនៅក្នុងព្រៃ
ក្រុមនិស្សិតផ្នែកស្ថាបត្យកម្ម បានបង្កើតមេក្រូឈើដ៏ធំនៅក្នុងព្រៃក្បែរភូមិផានី ភាគខាងត្បូងប្រទេសអេស្តូនី ។ មីក្រូនោះបង្កើតឡើងដើម្បីបន្លឺសំឡេងឱ្យឮរំពងក្នុងព្រៃភ្នំ ។
១-មេក្រូឈើនៅក្នុងព្រៃ
ក្រុមនិស្សិតផ្នែកស្ថាបត្យកម្ម បានបង្កើតមេក្រូឈើដ៏ធំនៅក្នុងព្រៃក្បែរភូមិផានី ភាគខាងត្បូងប្រទេសអេស្តូនី ។ មីក្រូនោះបង្កើតឡើងដើម្បីបន្លឺសំឡេងឱ្យឮរំពងក្នុងព្រៃភ្នំ ។
២-ឆ្កែតែងខ្លួនជានំប៉័ង «ហតដក»
ឆ្កែជាច្រើនក្បាល តែងខ្លួនដូចនំប៉័ង «ហតដក» នាំគ្នារត់ក្នុងពិធីបុណ្យ «អុកតូបេ៊ីហ្វេស» ក្រុងស៊ីនស៊ីនណេទី រដ្ឋអូហាយយ៉ូ សហរដ្ឋអាមេរិក ជាពិធីបុណ្យស្រាបៀរ យកលំនាំតាមអាល្លឺម៉ង់ ។
៣-មជ្ឈមណ្ឌលផលិតចរន្តអគ្គិសនីពន្លឺព្រះអាទិត្យ
វិស្វករឥណ្ឌា បានដំឡើងផ្ទាំងទទួលពន្លឺព្រះអាទិត្យនៅមជ្ឈមណ្ឌលផលិតចរន្តពីពន្លឺព្រះអាទិត្យនៅក្រុង «ផាតឡា» រដ្ឋរាជដ្ឋាន ភាគខាងលិចប្រទេសឥណ្ឌា និងជាផ្នែកមួយនៃការកាត់បន្ថយជាតិពុលក្នុងអាកាសធាតុ ។
៤-ឆ្កែជិះស្គីលើទឹក
ឆ្កែមួយក្បាលស្ថិតនៅលើស្គីប្រឆាំងទឹករលក ក្នុងការប្រកួត លើកទី៧ នៅឆ្នេរសមុទ្រ «ហានធីងតុន» រដ្ឋកាលីហ្វ៊័រនីញា៉ សហរដ្ឋអាមេរិក ដោយមានឆ្កែជាច្រើនក្បាលចូលរួមប្រកួត ។
៥-ការពារកុំឱ្យឆ្លាមស៊ី
កុមារនាំគ្នាមើលឆ្លាម ហែលក្នុងឧទ្យានទឹក «ស៊ីដនីអាក្វារៀម» ប្រទេសអូស្ត្រាលី ខណៈពេលអ្នកឯកទេសផ្នែកឆ្លាមពីទូទាំងពិភពលោកបានប្រជុំដើម្បីរិះរកវិធីសាស្ត្រការពារអ្នកទេសចរ និងអ្នកជិះស្គីប្រឆាំងទឹករលក ។
៦-ស្វាគមន៍សម្តេចប៉ាប៉ា ហ្វ្រង់ស៊ីស
គ្រឹស្តសាសនិកជន ក្រុងវ៉ាស៊ីនតោន សហរដ្ឋអាមេរិក ពាក់ក្រវិលច្នៃឡើងដើម្បីស្វាគមន៍សម្តេចប៉ាប៉ា ហ្វ្រង់ស៊ីស ឬសម្តេច «ប៉ាប» ដែលយាងទតជុំវិញក្រុងវ៉ាស៊ីនតោន កាលពីពេលថ្មីៗកន្លងទៅ ។
៧-ផ្កាយព្រះអង្គារមានទឹក
រូបថតពីយានអវកាសដែលគោចរនៅជុំវិញភពព្រះអង្គារ ត្រង់បរិវេណទីទួល ចាត់ទុកថា ជាតឹកតាងដំបូងនៃទឹកសមុទ្រ ដែលហូរលិចលង់នៅភពព្រះអង្គារ ។
៨-ថ្នាំព្យាបាលមហារីកស៊េរីថ្មី
ឯកសារផ្នែកវេជ្ជសាស្ត្រ សហរដ្ឋអាមេរិកផ្សាយថា បានពិសោធឱសថប្រភេទថ្មី សម្រាប់ព្យាបាលជំងឺមហារីកសុដន់ ក្នុងដំណាក់កាលដំបូង លទ្ធផលបង្ហាញថា មានផលល្អជាងថ្នាំមុនៗប៉ះពាល់តិចតួចដល់សុខភាព ។
៩-ចន្ទគ្រាស
រូបភាពចន្ទគ្រាស ត្រូវគេថតបាននៅភាគខាងត្បូងប្រទេសបារាំង អាចមើលឃើញនៅអាមេរិក អឺរ៉ុប អាហ្វ្រិក និងអាស៊ីខាងលិច រួមទាំងប៉ាស៊ីហ្វិកខាងកើត ៕
ចែករំលែកព័តមាននេះ