ឪពុកម្តាយនៅថៃតក់ស្លុតយ៉ាងណាពេលដឹងថា កូនជាទីស្រឡាញ់ជួបគ្រោះស្មានមិនដល់
- បន្ទាយមានជ័យ
ក្មេងស្រីចំនួន០២នាក់បានបាត់បង់ជីវិត ខណៈតាមយាយទៅស្រែ លុះពេលសុំយាយត្រឡប់មកផ្ទះមុន បែរជានាំគ្នាទៅងូតទឹកប្រឡាយលេង ស្រាប់តែ
ខេត្តបន្ទាយមានជ័យ ៖ ក្មេងស្រីចំនួន០២នាក់បានបាត់បង់ជីវិត ខណៈតាមយាយទៅស្រែ លុះពេលសុំយាយត្រឡប់មកផ្ទះមុន បែរជានាំគ្នាទៅងូតទឹកប្រឡាយលេង ស្រាប់តែលង់ទឹកស្លា.ប់ទាំង២នាក់តែម្តង ។ ហេតុការណ៍គួរឲ្យភ្ញាក់ផ្អើលនេះ បានកើតឡើងនៅវេលាម៉ោង២និង៤០នាទីរសៀល ថ្ងៃទី១៩ ខែមិថុនា ឆ្នាំ២០២១ នៅចំណុចប្រឡាយទឹកវាលក្បាលគោ ចម្ងាយ២,៥០០ម៉ែត្រពីភូមិគោកព្រិច ក្នុងឃុំសូភី ស្រុកអូរជ្រៅ ខេត្តបន្ទាយមានជ័យ ។
តាមប្រភពព័ត៌មានពីនគរបាលប៉ុស្តិ៍រដ្ឋបាលឃុំសូភី បានឲ្យដឹងថា កុមារីរងគ្រោះទាំង០២នាក់ខាងលើ ១-ឈ្មោះ វឿត យ៉ុង អាយុ៧ឆ្នាំ រស់នៅភូមិគោកព្រិច ឃុំសូភី ស្រុកអូរជ្រៅ និង២-ឈ្មោះ សៅ លីយ៉ាន អាយុ ៦ឆ្នាំភេទស្រី នៅភូមិគោកព្រិច ឃុំសូភី ស្រុកអូរជ្រៅ ខេត្តបន្ទាយមានជ័យ ក្មេងទាំង២នាក់នេះជាបងប្អូនជីដូនមួយនឹងគ្នា ហើយឪពុកម្តាយពួកគេក៏បានទៅធ្វើការនៅប្រទេសថៃទាំងអស់គ្នា ដោយទុកកូនៗឲ្យនៅជាមួយដីដូនឈ្មោះ អៀន រ៉េត អាយុ៥២ឆ្នាំ រស់នៅភូមិគោកព្រិច ឃុំសូភី ស្រុកអូរជ្រៅ ។
ប្រភពដដែលបានបញ្ជាក់ថា នៅមុនពេលកើតហេតុ មានក្មេងៗចំនួន០៥នាក់បានទៅតាមឈ្មោះ អៀន រ៉េត ដែលត្រូវជាជីដូនក្មេងស្រីរងគ្រោះទៅមើលស្រែ បន្ទាប់មកក្មេងចំនួន០៣នាក់ ក្នុងនោះមានក្មេងរងគ្រោះ២នាក់ផងដែរ បានប្រាប់ជីដូនថា សុំមកផ្ទះមុន ។ ពេលពេលដើរមកឆ្ងាយបន្តិច ក្មេងរងគ្រោះទាំង០២នាក់បានចុះទៅងូតទឹកប្រឡាយលេង ដែលមានជម្រៅប្រហែលជា២ម៉ែត្រ ចំណែកក្មេងម្នាក់ទៀតឈរមើលនៅលើគោក ។
ប្រភពដដែលបន្តថា ខណៈពេលឃើញក្មេងស្រីរងគ្រោះទាំង២នាក់លង់ទឹក ក្មេងម្នាក់ដែលឈរមើលនៅលើគោកនោះបានរត់ទៅហៅជីដូននៅឯស្រែ លុះពេលមកដល់ ក៏ចុះស្រង់យកក្មេងទាំង២នាក់នោះឡើង រួចក៏បាននាំទៅសង្គ្រោះនៅមន្ទីរពេទ្យបង្អែកស្រុកអូរជ្រៅ ប៉ុន្តែពេលទៅដល់គ្រូពេទ្យបានប្រាប់ថា ក្មេងទាំង២នាក់បានស្លា.ប់បាត់បង់ជីវិតទៅហើយ ក៏ដឹកយកមកផ្ទះដើម្បីរៀបចំធ្វើបុណ្យតាមប្រពៃណីតែម្តង ។
ក្រោយពេលកើតហេតុគណ:កម្មការត្រួតពិនិត្យសាកស.ព ដោយមានលោកវរសេនីយ៍ត្រី លន់ វ៉ា នាយប៉ុស្ដិ៍រដ្ឋបាលសូភី, លោក ហម គឹមវិត ជំទប់ទី១ ឃុំសូភី, លោក សន សុផល ប្រធានមណ្ឌលសុខភាពសូភី និងលោក ប៉ក សុផាន មេភូមិគោកព្រិច បានធ្វើការត្រួតពិនិត្យ និងបានសន្និដ្ឋានថា សាកស.ពក្មេងស្រីរងគ្រោះទាំង២នាក់ ពិតជាលង់ទឹកស្លា.ប់នៅក្នុងប្រឡាយជំរៅ២ម៉ែត្រ ដែលមានចំងាយប្រហែល២,៥គីឡូម៉ែត្រ នៅចំណុចវាលក្បាលគោ ខាងលិចភូមិគោកព្រិចពិតប្រាកដមែន បន្ទាប់ពីពិនិត្យរួច ក៏បានប្រគល់ស.ពក្មេងស្រីរងគ្រោះទាំង២នាក់ឲ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី ។
ចែករំលែកព័តមាននេះ