យន្ដកាមរីបាឡែនមួយគ្រឿងកំពុងឈប់រង់ចាំភ្លើងស្តុប ស្រាប់តែមានរថយន្តមួយគ្រឿងទៀតធ្វើដំណើរស្របទិសដៅគ្នាពីក្រោយក្នុងល្បឿនយ៉ាងលឿន មកបុកផ្ទប់រថយន្តបាឡែននោះពីក្រោយពេញទំហឹង បណ្តាលឲ្យរថយន្តទាំងពីរគ្រឿងរងការខូចខាត បន្ទាប់ពីបង្កហេតុររួចថយន្ដបង្កមិនព្រមឈប់ទទួលខុសត្រូវនោះទេ បែរជាបន្ថែមល្បឿន
រាជធានីភ្នំពេញ ៖ រថយន្ដកាមរីបាឡែនមួយគ្រឿងកំពុងឈប់រង់ចាំភ្លើងស្តុប ស្រាប់តែមានរថយន្តមួយគ្រឿងទៀតធ្វើដំណើរស្របទិសដៅគ្នាពីក្រោយក្នុងល្បឿនយ៉ាងលឿន មកបុកផ្ទប់រថយន្តបាឡែននោះពីក្រោយពេញទំហឹង បណ្តាលឲ្យរថយន្តទាំងពីរគ្រឿងរងការខូចខាត បន្ទាប់ពីបង្កហេតុររួចថយន្ដបង្កមិនព្រមឈប់ទទួលខុសត្រូវនោះទេ បែរជាបន្ថែមល្បឿនបើករត់គេចខ្លួនទៅវិញ ស្របពេលកម្លាំងអន្តរាគមន៍ខណ្ឌជ្រោយចង្វារ ប្រទះឃើញក៏ប្រដេញតាមឃាត់រថយន្ដបង្កតាំងពីខណ្ឌជ្រោយចង្វារ រហូតមកដល់ខណ្ឌទួលគោក ទើបឃាត់រថយន្ដបង្កជាប់ ហេតុការណ៍នេះបង្កឱ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង៨និង៥០នាទីយប់ ថ្ងៃទី១៨ ខែមិថុនា ឆ្នាំ២០២១ នៅចំណុចមុខសកលវិទ្យាល័យភូមិន្ទភ្នំពេញ ផ្លូវសហព័ន្ធរុស្ស៊ី សង្កាត់ទឹកល្អក់១ ខណ្ឌទួលគោក រាជធានីភ្នំពេញ ។
រថយន្ដបង្កខាងលើម៉ាក toyota highlander ពណ៌ទឹកប្រាក់ ពាក់ស្លាកលេខភ្នំពេញ 2AG-5385 បើកបរដោយបុរសម្នាក់គឺជាជនបរទេស ។
បើតាមប្រភពពីសមត្ថកិច្ចបានប្រាប់ឲ្យដឹងថា មុនកើតហេតុ គឺរថយន្តបង្កខាងលើ បានបើកបុកគូទរថយន្តកាមរីបាឡែនមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AL -8844 ខណៈកំពុងតែឈប់រង់ចាំភ្លើងស្តុបនៅលើផ្លូវជាតិលេខ៦ កែងផ្លូវបត់មករង្វង់នាងមច្ឆា សង្កាត់ជ្រោយចង្វារ ខណ្ឌជ្រោយចង្វារ បណ្តាលឲ្យរងការខូចខាតអស់មួយកំណាត់ក្រោយ ។
សមត្ថកិច្ចបន្តថា បន្ទាប់ពីបង្កហេតុរួចរថយន្ដបង្កខាងលើ មិនព្រមឈប់ទទួលខុសត្រូវនោះទេ បែរជាបន្ថែមល្បឿនបើករត់គេចខ្លួន ស្របពេលនោះកម្លាំងអន្តរាគមន៍ខណ្ឌជ្រោយចង្វារ ល្បាតក្នុងមូលដ្ឋានប្រទះឃើញក៏ប្រដេញតាមឃាត់រថយន្តបង្កនោះឱ្យឈប់ រហូតមកដល់ខណ្ឌដូនពេញ ក៏ត្រូវបានកម្លាំងអន្តរាគមន៍ខណ្ឌដូនពេញជួយប្រដេញឃាត់ទៀត តែរថយន្តបង្កនោះនៅតែមិនព្រមឈប់ឡើយ នៅតែបន្តទៅមុខយ៉ាងលឿន រហូតដល់ផ្លូវសហព័ន្ធរុស្ស៊ី ចូលទឹកដីខណ្ឌទួលគោក ក៏ត្រូវកម្លាំងល្បាតខណ្ឌទួលគោក ជួយប្រដេញតាមឃាត់ រហូតដល់មុខសកលវិទ្យាល័យភូមិន្ទភ្នំពេញ ទើបឃាត់រថយន្ដបង្កខាងលើជាប់។
គួរបញ្ជាក់ថា ពាក់ព័ន្ធនឹងហេតុការណ៍ខាងលើនេះដែរ ប្រជាពលរដ្ឋមានការខឹងសម្បាយ៉ាងខ្លាំង ចំពោះម្ចាស់រថយន្តដែលគ្មានទំនួសខុសត្រូវ បង្កគ្រោះថ្នាក់ចរាចរណ៍តិចតួចមិនព្រមឈប់ដោះស្រាយ បែរជាបើករត់គេចខ្លួនទៅវិញ ចុះបើបើករត់ទៅបុកអ្នកផ្សេងដែលមិនដឹងអ្វី មិនបង្កទៅជារឿងធំទៅហើយទេ ហើយនៅក្នុងហេតុការណ៍នោះដែរ ប្រជាពលរដ្ឋបម្រុងនឹងកាត់ក្ដីដោយកំហឹងទៅហើយ តែដោយសារមានសមត្ថកិច្ចនៅទីនោះហាមឃាត់ កុំអីម្ចាស់រថយន្តប្រហែលរបួសធ្ងន់ជាក់ជាមិនខានឡើយ ។
ក្រោយពេលកើតហេតុ រថយន្ដបង្ក រួមទាំងម្ចាស់រថយន្ត ត្រូវបានសមត្ថកិច្ចនាំខ្លួនកាន់អធិកាដ្ឋានខណ្ឌជ្រោយចង្វាវិញ ដើម្បីដោះស្រាយគ្នាជាមួយម្ចាស់រថយន្តរងគ្រោះ។
ចែករំលែកព័តមាននេះ