CCTV របស់ចិនកាលពីពេល ថ្មីៗកន្លងមកផ្សាយថា ក្រុមចោររាតត្បាតនៅកន្លែងបញ្ចុះសពក្នុងខេត្តហុឺណាន ភាគកណ្តាលប្រទេសចិន ដោយគាស់ផ្នូរសពលួចយកធាតុនិងប្រើធាតុរបស់អ្នកស្លា.ប់គំរាមយកប្រាក់ពីសាច់ញាតិ ។
CCTV របស់ចិនកាលពីពេល ថ្មីៗកន្លងមកផ្សាយថា ក្រុមចោររាតត្បាតនៅកន្លែងបញ្ចុះសពក្នុងខេត្តហុឺណាន ភាគកណ្តាលប្រទេសចិន ដោយគាស់ផ្នូរសពលួចយកធាតុនិងប្រើធាតុរបស់អ្នកស្លាប់គំរាមយកប្រាក់ពីសាច់ញាតិ ។ ជនរងគ្រោះពីការគំរាមឈ្មោះលីវ ឱ្យដឹងថា គាត់បានទទួលបណ្តឹងពីក្រុមអ្នកថែទាំផ្នូរនៅក្រុងស៊ីនយ៉ាងថា រណ្តៅសពប្តីរបស់គាត់ត្រូវរើកកាយ និងធាតុត្រូវគេលួចបាត់នៅសល់តែលេខទូរស័ព្ទសរសេរនៅលើស្លាកផ្នូរសព រីឯផ្នូរសពផ្សេងទៀតនៅបរិវេណក្បែរនោះខូចខាតដូចគ្នា។
អ្នកស្រីលីវបានទូរស័ព្ទទៅលេខដែលបន្សល់ទុកលើផ្នូរ ហើយត្រូវអ្នកទទួលគំរាមថា ប្រសិនបើចង់បានធាតុត្រឡប់វិញ អ្នកស្រីត្រូវបង់ប្រាក់ចំនួន២០.០០០យាន់ ឬប្រហែល៣.០០០ដុល្លារ ។
អ្នកស្រីលីវ ធ្វើតាមបញ្ជារបស់ជនលើ្មស ប៉ុន្តែដោយសារគេទាមទារប្រាក់សង្ខើញពេក អ្នកស្រីក៏ប្តឹងប៉ូលិស ។ តាមការសន្និដ្ឋានថាជនល្មើសអាចស្ថិតនៅក្រុងជើងជាំង ខេត្តជាំងស៊ូ ។
បុគ្គលិកប្រចាំកន្លែងបញ្ចុះសពនិយាយថា ការជីកផ្នូរដែលមានលក្ខណៈបែបនេះ អាចប្រតិបត្តិដោយអ្នកជំនាញ ព្រោះស្លាកស្នាមកន្លែងជីកស្អាតល្អ និងបន្សល់ទុកតឹងតាងនៅកន្លែងកើតហេតុតិចតួចបំផុត ។
បច្ចុប្បន្នអាជ្ញាធរក្នុងខេត្តហ៊ឺណាន កំពុងស៊ើបអង្កេតដោយពួកគេមានជំនឿថាក្រុមចោរប្រភេទនេះមានច្រើននៅទូទាំងប្រទេស ៕
ចែករំលែកព័តមាននេះ