លោក គីម ជុងអ៊ុន៖ កូរ៉េខាងជើងចាំបាច់ត្រូវត្រៀមកិច្ចសន្ទនា និងការប្រឈមមុខគ្នាជាមួយអាមេរិក
កូរ៉េខាងជើង ៖ មេដឹកនាំកូរ៉េខាងជើង លោក គីម ជុងអ៊ុន បាននិយាយថា ប្រទេសរបស់លោកចាំបាច់ត្រូវត្រៀមសម្រាប់កិច្ច
កូរ៉េខាងជើង ៖ មេដឹកនាំកូរ៉េខាងជើង លោក គីម ជុងអ៊ុន បាននិយាយថា ប្រទេសរបស់លោកចាំបាច់ត្រូវត្រៀមសម្រាប់កិច្ចសន្ទនា និងជាពិសេសគឺការប្រឈមមុខគ្នា ជាមួយសហរដ្ឋអាមេរិក ក្រោមរដ្ឋបាលដឹកនាំរបស់លោកប្រធានាធិបតី ចូ បៃដិន។
ទីភ្នាក់ងារសារព័ត៌មាន KCNA របស់កូរ៉េខាងជើងបានឱ្យដឹងថា នៅក្នុងកិច្ចប្រជុំពេញអង្គនៃគណៈកម្មាធិការកណ្តាល នៃគណបក្សពលករកំពុងកាន់អំណាចរបស់កូរ៉េ កាលពីថ្ងៃទី១៧ ខែមិថុនា។ លោក គីម បានគូសបញ្ជាក់នូវយុទ្ធសាស្ត្ររបស់លោក សម្រាប់ទំនាក់ទំនងជាមួយទីក្រុងវ៉ាស៊ីនតោន និងនិន្នាការនៃគោលនយោបាយរបស់រដ្ឋបាលអាមេរិក ដែលទើបនឹងរះថ្មី។
មេដឹកនាំរបបកុំមុយនីស្តរូបនេះ បានសង្កត់ធ្ងន់លើភាពចាំបាច់ដើម្បីត្រៀមទាំងកិច្ចសន្ទនា និងការប្រឈមមុខជាពិសេស។
ដោយនៅក្នុងនោះ ការប្រឈមមុខគ្នាគឺស្ថិតក្នុងអាទិភាព ដើម្បីការពារសេចក្តីថ្លៃថ្នូររបស់រដ្ឋកូរ៉េខាងជើង និងធានាបាននូវបរិយាកាសសន្តិភាព។
លោកចង់ប្រើប្រាស់វេទិកានេះ ដើម្បីឆ្លើយតបនឹងស្ថានភាព ដែលមានការផ្លាស់ប្តូរយ៉ាងឆាប់រហ័ស និងផ្តោតអារម្មណ៍លើការកាន់កាប់ស្ថេរភាពនៃស្ថានភាពនៅឧបទ្វីបកូរ៉េ។
សូមរំលឹកថា កន្លងមក ទីក្រុងព្យុងយ៉ាងធ្លាប់បានចោទប្រកាន់លោក បៃដិន រួចទៅហើយ ដោយបានលើកឡើងថា វាគឺជាកំហុសដ៏ធំមួយសម្រាប់អ្នកប្រជាធិបតេយ្យជើងចាស់ ដែលនិយាយថា មេដឹកនាំកូរ៉េខាងជើង នឹងដោះស្រាយបញ្ហាជាមួយការគំរា.មកំហែង ដែលបង្កឡើងដោយកម្មវិធីនុយក្លេអ៊ែរ តាមរយៈការទូតក៏ដូចជាការរារាំងយ៉ាងតឹងរ៉ឹង៕ (ដកស្រង់ចេញពី AFP)
ចែករំលែកព័តមាននេះ