រាជធានីភ្នំពេញ ៖ តារាសម្តែងកញ្ញា រ៉ូស បានចេញមុខការពារខ្លួនភ្លាមៗ ក្រោយរងការចោទថា មានទំនាក់ទំនងក្រៅឆាកជាមួយ អេដវីន ពីគូសំណាក់គូស្នេហ៍របស់តារាប្រុសរូបនេះ។ ការចេញការពារខ្លួនពីសំណាក់តារាសម្តែង រ៉ូស នាពេលនេះបានធ្វើឡើង បន្ទាប់ពីគូស្នេហ៍របស់លោក អេដវីន បានទម្លាយនូវសារឆ្លើយឆ្លងគ្នាយ៉ាងស៊ីជម្រៅតាមប្រព័ន្ធហ្វេសប៊ុករវាង រ៉ូស និងលោក អេដវីន។
ការទម្លាយរឿងរ៉ាវពីគូស្នេហ៍របស់លោក អេវីន នេះឡើង គឺក្រោយពេលដែលនាងត្រូវបានតារាប្រុសខាងលើនេះ បានវាយដុំមកលើរូបនាង បណ្តាលអោយមានរបួសយ៉ាងដំណំ។ យ៉ាងណា ការចោទប្រកាន់ពីគូស្នេហ៍លោក អេដវីន ខាងលើនេះ ត្រូវបានតារាសម្តែងដែលល្បីដោយសារឈុតឱបថើប រ៉ូស បានចេញមុខការពារខ្លួនភ្លាម ដោយបានបដិសេធច្រានចោលទាំងស្រុង។
រ៉ូស បានបញ្ជាក់តាមរយៈសារដែលបានបង្ហោះតាមគណនេយ្យហ្វេសប៊ុករបស់ខ្លួនថា ក្នុងនាមនាងខ្ញុំឈ្មោះ annarose នាងខ្ញុំមិនទទួលខុសត្រូវជាដាច់ខាចនូវ Account fake ព្រោះមិនមែនជា Account ពិតរបស់ខ្ញុំ ហើយក៏មិនមែនជាសំលេងរបស់ខ្ញុំ គ្រាន់តែជាអក្សរឆាត។
នាងបន្ថែមថា ហើយខ្ញុំក៏មិនដែលស្គាល់ ឬមានទំនាក់ទំនងជាមួយមនុស្សប្រុសម្នាក់នឹងទេ ចឹងសូមអ្នកដែលបង្ខូចកិត្តិយសនាងខ្ញុំ សូមទទួលខុសត្រូវចំពោះមុខច្បាប់។ នាងថា បើនៅតែចោទខ្ញុំដោយគ្មានភស្តុតាងទៀត ខ្ញុំនឹងលោតទឹកកុំមកញ៉េញៃក្នុងជីវិតខ្ញុំ អ្នកអែងឈ្លោះគ្នាតែ២នាក់អ្នកអែងទៅកុំមកពាក់ព័ន្ធក្នុងជីវិតខ្ញុំ ព្រោះខ្ញុំក៏មានគូររបស់ខ្ញុំដែរ ធុញណាស់។
ជាការកត់សម្គាល់ គូស្នេហ៍របស់តារាសម្តែងលោក អេដវីន ដែលមានឈ្មោះនៅក្នុងគណនេយ្យហ្វេសប៊ុកថា សុទ្ធ បញ្ចកា បានទម្លាយរឿងរ៉ាវទំនាក់ទំនងស្នេហាស៊ីជម្រៅរវាង រ៉ូស និង អេដវីន តាមហ្វេសប៊ុកថា អ្នកទាំងពីរបានបង្ហើបទំនាក់ទំនងស្នេហ៍ជាមួយគ្នាជាយូរមកហើយ ហើយនាងទើបតែបញ្ចេញនាពេលនេះប៉ុណ្ណោះ។
ក្រោយពី រ៉ូស បានបង្ហោះសារថា គ្មានពាក់ព័ន្ធនឹងលោក អេវីន នោះ ស្រាប់តែគូស្នេហ៍របស់តារាសម្តែងលោក អេដវីន ដែលមានឈ្មោះក្នុងហ្វេសប៊ុកថា សុទ្ធ បញ្ចកា បានតបសារវិញថា អ្នកនាងនឹងបង្ហាញរឿងរ៉ាវលំអិតបន្ថែមទៀតពាក់ព័ន្ធទំនាក់ទំនងរវាង រ៉ូស និង អេវីន រួមទាំងការបញ្ចេញសារសំឡេងផ្សេងៗទៀតនៅវគ្គក្រោយដោយទុកដេកស្រួល១អាទិត្យសិន តែលើកនេះអ្នកនាងសូមយកពេលវេលាចាត់ចែងវិធានការជាមួយនឹងខាងប្រុសសិន! ហើយនឹងចាត់វិធានការណ៍ជាមួយ រ៉ូស បន្ថែមទៀតនៅពេលក្រោយ ។
គួរបញ្ជាក់ថា ៖ កាន់តែធ្ងន់ធ្ងរ! អេដវីន និងគូស្នេហ៍ ទាស់ទែងគ្នារហូតឈានដល់ប្រើអំពើហិ.ង្សា ៕
ចែករំលែកព័តមាននេះ