រាជធានីភ្នំពេញ ៖ ជាថ្មីម្តងទៀត ចំណងស្នេហ៍រវាងតារាសម្តែងរូបសង្ហាលោក អេដវីន និងគូស្នេហ៍មេម៉ាយរូបស្រស់ បានឈានដល់ដំណាក់កាលមួយកាន់តែធ្ងន់ធ្ងរ រហូតឈានដល់ការប្រើហិ.ង្សាវាយដុំយ៉ាងធ្ងន់ធ្ងរ។
គេនៅមិនទាន់ដឹងថា បញ្ហាហិ.ង្សានេះ បានកើតឡើងដោយសារអ្វីនោះឡើយ ប៉ុន្តែគូស្នេហ៍របស់លោក អេដវីន ដែលមានឈ្មោះថា សទ្ធ បញ្ចកា បានបង្ហោះរូបភាពជាច្រើនសន្លឹកបង្ហាញស្នាកស្នាមដែលទទួលការវាយដុំយ៉ាងធ្ងន់ធ្ងរ។ ជាមួយនឹងរូបភាពទាំងអស់នោះ គូស្នេហ៍របស់តារាសម្តែងលោក អេដវីន បានភ្ជាប់សារលើកឡើងថា ខ្ញុំមនុស្សមិនមែនសត្វទេ ហេតុអីវាយខ្ញុំដល់ថ្នាក់នេះ ? អេដវីន ចាំទទួលអីដែរ អ្នកធ្វើដាក់ខ្ញុំថ្ងៃនេះទៅ! ទ្រាំយូរហើយ គួរដល់ពេលដែរឈប់លាក់រឿងពិតហើយ ! ស្រលាញ់ខ្ញុំណាស់ តែពេលខឹង ពេលឈ្លោះ មិនដែលនិយាយហេតុផល ខឹងវាយ ខឹងវាយ …. ហេតុអីដំបូងល្អម្ល៉េះ? តែចុងក្រោយ ធាតុពិតក៏ចេញមក! ចាំ ពេលផ្លូវចិត្តខ្ញុំល្អជាងនេះ ខ្ញុំអោយបង ស្គាល់ បញ្ចកាមួយនេះ ច្បាស់។
នាងថា ខ្ញុំមានតំលៃជាមនុស្ស មិនមែន ខឹងវាយ ខឹងវាយដូចសត្វធាតុចឹងទេ! ពេលស្រលាញ់ខ្ញុំ លះបង់គ្រប់យ៉ាង តែលទ្ធផលទទួលបាន គឺភាពមិនទុកចិត្ត ធ្វើបាបផ្លូវកាយ ផ្លូវចិត្ត! អស់ពេល អោយបកក្រោយហើយ អេដវីន ! U will see the real monster of me។
នាងបញ្ជាក់ថា សើចយំចុះអ្នកអើយ… ហើយខ្ញុំក៏មិនចង់ជួបរឿងបែបនឹងដែរ! អ្នកដែល fri fb ជាមួយខ្ញុំ Acc ចាស់ដឹងហើយថា ពាក្យដែលអ្នកទាំងអស់គ្នាសរសើរញុំថា ខ្ញុំសំណាង តែខ្ញុំក៏បានតបវិញថា « ជឿខ្ញុំទៅ លើលោកនឹងគ្មានអីជារៀងរហូតទេ ហើយសំណាងមិនមែននៅខាងយើងរហូតដែរ ជាពិសេសមនុស្សប្រុស គឺគ្មានទេពាក្យថារៀងរហូត»។ មនុស្សប្រុសម្នាក់នេះពិតជាស្រលាញ់ខ្ញុំខ្លាំងពិតមែន ហើយរូបភាពដែលខ្ញុំ post មក គឺក្តីសុខពិតប្រាកដខ្ញុំពិតមែន តែធម្មជាតិរបស់មនុស្ស តើអាចមានទេ ជីវិតរលូនដែលមិនជួបទុក្ខ ជួបតែសុខរហូត ? ខ្ញុំធ្លាប់សំណាងខ្លាំងពិតមែន តែវាគ្មានសំណាងណាមកនៅជាមួយយើងរហូតទេ ! ខ្ញុំធ្លាប់ជាព្រះនាង ជាស្រីម្នាក់ដែលគេស្រលាញ់បំផុតលះបង់គ្រប់យ៉ាងដើម្បីនៅជិតខ្ញុំ នៅក្បែរខ្ញុំ ! តែមានថ្ងៃមួយ ដែលការស្រលាញ់ជ្រុលរបស់គេ មកបំផ្លាញទំនុកចិត្តរបស់គេមកលើខ្ញុំ ទាំងគេដឹងថា ខ្ញុំស្រលាញ់គេខ្លាំងប៉ុណ្ណា ហើយខ្ញុំត្រូវការគេប៉ុណ្ណា? ។
គេបានសំរេចចិត្តថា បែកជាមួយខ្ញុំ ដោយគេត្រឹមឃើញ មនុស្សប្រុសម្នាក់នៅបន្ទប់ជាមួយខ្ញុំ តែគេនោះជាពេទ្យប្រចាំកាយខ្ញុំ (គាត់យកថ្នាំមកអោយ ហើយពេលពេទ្យមកដល់មិនដល់១នាទីផង គេមកដល់ដែរ ហើយសភាពដែលគេឃើញ គឺខ្ញុំ និង កូនស្រីពៅខ្ញុំ នៅជាមួយខ្ញុំ ហើយគាត់ដែលជាពេទ្យនោះ ឈរឆ្ងាយជិត២ម៉ែត្រ និយាយជាមួយខ្ញុំ ខ្ញុំអង្គុយចុងគ្រែ សំខាន់ពេលនោះ ម៉ោង១២ថ្ងៃត្រង់ មនុស្សនៅក្រោមផ្ទះ ( បងប្អូនដែលមករៀនឆុងកាហ្វេ និង បើកសាខាជូន កាហ្វេ ប្រហែល៥នាក់ ) ហើយសំខាន់កូនខ្ញុំ នៅក្នុងបន្ទប់ជាមួយដែរ ទោះខ្ញុំអស់សាច់បែបណា ក៏ខ្ញុំមិនល្មោ.ភសា.ហាវដល់ថ្នាក់ដេកមុខកូនដែរ តែគេបែរជាចោទថា ខ្ញុំទើបផិតគ្នាហើយ! ។
នៅជាមួយខ្ញុំរាល់ថ្ងៃ ដឹងស្រាប់ហើយខ្ញុំឈឺអី តែហេតុអីមិនខ្វល់ និងទង្វើតែមកខ្វល់ពីរូបភាពដែលអ្នកមើលឃើញ មនុស្ស៣នាក់ក្នុងបន្ទប់ជាមួយគ្នា អំបិលនៅច្រឡំជាមួយស្ករ ចុះហេតុអី មិនស្តាប់ហេតុផល បែរជាដើរចេញ ហើយ post ដៀលខ្ញុំ ហែកខ្ញុំកប់ៗមាត់ ចុះពេលខ្ញុំចាប់បានអ្នកទៅសុំស្រីដេក ដល់ condo គេ មិចខ្ញុំខំលាក់បាំង មិនអោយគេដឹង ថែរក្សារកេរ្តិ៍ឈ្មោះអ្នករហូត ក្លាយជាបុរសដែលស្រីៗប្រាថ្នា! ខ្ញុំការពារកិត្តិយសអ្នកណាស់ ថែចិត្តអ្នកណាស់ ហើយអ្នកក៏ផ្តល់អោយខ្ញុំនូវក្តីសុខមួយរយៈពេល តែទោះជាយ៉ាងណា ខ្ញុំមិនស្អប់អ្នកទេ ព្រោះអ្នកនៅតែជាមនុស្សម្នាក់ដែលខ្ញុំធ្លាប់ស្រលាញ់ខ្លាំង ! តែគ្រាន់តែពេលនេះ ខ្ញុំមិនអនុញ្ញាតអោយបង មកវាយខ្ញុំទៀតទេ! យើងអស់និស្ស័យ័កម្មនឹងគ្នាហើយ Bye… ជួបគ្នាតាមផ្លូវច្បាប់ ! ។ ផ្ញើជូនសត្រូវខ្ញុំ និងអ្នកសប្បាយចិត្តនឹងឃើញខ្ញុំបែបនេះ…. តែកុំអរ កុំត្រាវណា ព្រោះពេលនេះមានអ្នកស្ម័គ្រ មកមើលថែញុំ ត.ហើយណា… ហើយគេអាចល្អជាងមុនឆ្ងាយណាស់។
ជាការកត់សម្គាល់ទំនាស់ហិ.ង្សារវាងតារាសម្តែងលោក អេដវីន និងគូស្នេហ៍មិនមែនកើតឡើងនាពេលនេះឡើយ ពោលគឺបានកើតមានជាច្រើនលើកច្រើនសារមកហើយ ប៉ុន្តែកន្លងមក ពួកគេនៅតែព្យាយាមផ្សះផ្សារគ្នាឡើងវិញ។ ហើយទំនាស់រវាងគូស្នេហ៍មួយគូនេះ ស្ទើរតែក្លាយជារឿងធម្មតាទៅហើយសម្រាប់មហាជន ប៉ុន្តែលើកនេះគេនៅមិនទាន់ដឹងថា រឿងរ៉ាវនឹងឈានដល់ដំណាក់កាលបែបណានោះឡើយ ក្រោយពេលគូស្នេហ៍របស់ អេដវីន ប្រកាសប្រើប្រាស់វិធានការច្បាប់ ក្រោយរងអំពើហិ.ង្សាយ៉ាងធ្ងន់ធ្ងរពីតារាសម្តែងរូប៕
ចែករំលែកព័តមាននេះ