ចាប់ពីថ្ងៃនេះទៅ! បារាំងនឹងបញ្ឈប់ការពាក់ម៉ាស់សម្រាប់ការដើរហើរខាងក្រៅ
ប្រទេសបារាំង ៖ ប្រទេសបារាំងចាប់ពីព្រហស្បត្តិ៍នេះតទៅ និងបញ្ចប់នូវការពាក់ម៉ាស់សម្រាប់ពលរដ្ឋក្នុងការដើរហើរនៅខាងក្រៅ
ប្រទេសបារាំង ៖ ប្រទេសបារាំងចាប់ពីព្រហស្បត្តិ៍នេះតទៅ និងបញ្ចប់នូវការពាក់ម៉ាស់សម្រាប់ពលរដ្ឋក្នុងការដើរហើរនៅខាងក្រៅ
ប្រទេសបារាំង ៖ ប្រទេសបារាំងចាប់ពីព្រហស្បត្តិ៍នេះតទៅ និងបញ្ចប់នូវការពាក់ម៉ាស់សម្រាប់ពលរដ្ឋក្នុងការដើរហើរនៅខាងក្រៅហើយ ចំណែកបម្រាមគោចរដែលបានអនុវត្តរយៈពេល ៨ ខែកន្លងមកនេះក៏នឹងត្រូវបិទបញ្ឈប់ផងដែរ ។
នាយករដ្ឋមន្ត្រីបារាំងលោក Jean Castex បានស្វាគមន៍ចំពោះ «ដំណឹងដ៏ល្អ» នេះ ហើយបាននិយាយថា តំរូវការអោយប្រជាជនពាក់ម៉ាស់មុខនៅខាងក្រៅផ្ទះភាគច្រើននៃប្រទេសនឹងត្រូវដកចេញពីថ្ងៃព្រហស្បតិ៍ តែមានលក្ខខណ្ឌមួយចំនួន ខណៈបំរាមគោចរនឹងត្រូវបានដកចេញនៅថ្ងៃអាទិត្យទី ២០ ខែមិថុនា នេះ គឺមុន១០ ថ្ងៃមុនការរំពឹងទុក។ នេះបើតាមការចុះផ្សាយរបស់សារព័ត៌មានបារាំង france24។
លោកនាយករដ្ឋមន្ត្រី យ៉ាងណាមិញ បានមានប្រសាសន៍បញ្ជាក់ថា កន្លែងមួយចំនួននៅតែទាមទារឱ្យមានការពាក់ម៉ាស់មុខ ដូចជា សម្រាប់ការដឹកជញ្ជូនសាធារណៈ នៅក្នុងពហុកីឡដ្ឋាន និងកន្លែងដែលមានមនុស្សច្រើន។
ការប្រកាសអនុញ្ញាតឱ្យការដើរហើរនៅខាងក្រៅមិនបាច់ពាក់ម៉ាស់តទៅទៀតនេះ ធ្វើឡើងនៅពេលដែលការឆ្លងមេរោគប្រចាំថ្ងៃថ្មីនៅក្នុងប្រទេសបារាំងបានធ្លាក់ចុះដល់ ៣២០០ ដែលជាតួលេខនៃការឆ្លងកម្រិតទាបបំផុតចាប់តាំងពីខែសីហាឆ្នាំ ២០២០ និងទាបជាងចំនួនកំណត់ ៥០០០ ករណី ដែលលោកប្រធានាធិបតី Emmanuel Macron បានកំណត់ជាគោលដៅរបស់លោកកាលពីចុងឆ្នាំមុន។
ការពាក់ម៉ាស់មុខនៅខាងក្រៅផ្ទះ និងបម្រាមគោចរ ដែលត្រូវបានធ្វើឡើងនៅថ្ងៃទី ៣០ ខែតុលា ពិសេសការដាក់បម្រាមគោចរអនុវត្តចាប់ពីម៉ោង ៦ ល្ងាច បានធ្វើឱ្យមានការប្រឈមមុខគ្នា និងការប្រឆាំងកាន់តែខ្លាំងឡើងៗ ក្នុងចំណោមសាធារណជនបារាំងនៅក្នុងអាកាសធាតុក្តៅនៅរដូវក្តៅនេះ។
បម្រាមគោចរ ដែលមានអ្នកគាំទ្របាល់ទាត់ច្រណែនប្រមូលផ្តុំនៅពេលយប់ដើម្បីទស្សនាការប្រកួតយូរ៉ូ ២០២០ នៅក្នុងបារ នឹងត្រូវបានលើកមុនមួយថ្ងៃ មុនមហោស្រពតន្ត្រីតាមដងផ្លូវដែលប្រារព្ធធ្វើឡើងជារៀងរាល់ឆ្នាំនៅប្រទេសបារាំង ។
ប្រមាណជាង ៥៨ ភាគរយនៃចំនួនប្រជាជនពេញវ័យរបស់បារាំងបានទទួលកម្រិតវ៉ាក់សាំងការពារយ៉ាងហោចណាស់ បានដូសទី ១ នៃវ៉ាក់សាំងកូវីដ- ១៩ ។ កាលពីថ្ងៃអង្គារប្រទេសសហភាពអ៊ឺរ៉ុប បានបើកកម្មវិធីចាក់វ៉ាក់សាំងរបស់ខ្លួនដល់ក្មេងអាយុពី ១២ ទៅ ១៨ ឆ្នាំដែលជាផ្នែកមួយនៃការជំរុញការពារប្រទេសជាតិ ខណៈការរឹតត្បិតនានាត្រូវបានលើកលែងជាបណ្តើរ ៗ ។
នាយករដ្ឋមន្ត្រីបារាំង បាននិយាយថារដ្ឋាភិបាលមានគោលបំណងឱ្យប្រជាជនប្រមាណ ៣៥ លាននាក់ចាក់វ៉ាក់សាំងបានទាំងស្រុងនៅចុងរដូវក្តៅដែលតំណាងឱ្យប្រជាជនជាងពាក់កណ្តាលនៃចំនួនប្រជាជនសរុប៕
ចែករំលែកព័តមាននេះ