តាមទីភ្នាក់ងារព័ត៌មានវៀតណាម VNA ថា រដ្ឋមន្ត្រីសុខាភិបាលវៀតណាម លោក NGUYEN THANH LONG
កាលពីថ្ងៃទី១៥ មិថុនា បានដឹកនាំកិច្ចប្រជុំមួយផ្ដោតលើយុទ្ធនាការជាតិនៃការចាក់វ៉ាក់សាំងប្រឆាំងវីរុសកូវីដ-១៩
ប្រទេសវៀតណាម ៖ តាមទីភ្នាក់ងារព័ត៌មានវៀតណាម VNA ថា រដ្ឋមន្ត្រីសុខាភិបាលវៀតណាម លោក NGUYEN THANH LONG
កាលពីថ្ងៃទី១៥ មិថុនា បានដឹកនាំកិច្ចប្រជុំមួយផ្ដោតលើយុទ្ធនាការជាតិនៃការចាក់វ៉ាក់សាំងប្រឆាំងវីរុសកូវីដ-១៩ ជាមួយការចូលរួមរបស់បណ្ដាអ្នកទទួលខុសត្រូវនៃផ្នែកនានារបស់ក្រសួង ព្រមទាំងរបស់បណ្ដាក្រសួងទាក់ទិន ។
រដ្ឋមន្ត្រីរូបនោះថ្លែងថា យុទ្ធនាការចាក់វ៉ាក់សាំងនេះ គឺជាយុទ្ធនាការប្រភេទនោះធំបំផុតនៃប្រវត្តិសាស្ត្រចាក់វ៉ាក់សាំងរបស់ប្រទេសជាមួយការប្រើវ៉ាក់សាំងដល់ទៅ១៥០លានដូស ។ លោកបន្តថា យុទ្ធនាការចាក់វ៉ាក់សាំងនោះនឹងមានការត្រួតពិនិត្យហ្មត់ចត់បំផុតតាមប្រព័ន្ធព័ត៌មានវិទ្យា លើចំនួនមនុស្សដែលបានចាក់ ព្រមទាំងចំនួនដូសនៃវ៉ាក់សាំងដែលប្រើដោយត្រូវផ្សព្វផ្សាយឲ្យដឹងជាសាធារណៈ ។
ក្រសួងសុខាភិបាលវៀតណាមប្រកាសនាយប់ថ្ងៃទី១៥ មិថុនាថា វៀតណាមរយៈពេល៦ ម៉ោងចុងក្រោយនេះ រកឃើញអ្នកឆ្លងវីរុសកូវីដ-១៩ថ្មី ចំនួន២១៣នាក់ក្នុងនោះ៣នាក់ជាអ្នកនាំចូល ។ អ្នកឆ្លងក្នុងស្រុកត្រូវបានរាយការណ៍ថា មាន១៣៨នាក់នៅបាក់យ៉ាង ៣៨នាក់នៅក្រុងហូជីមិញ ២១នាក់នៅបាក់និញ ១២នាក់នៅបិញឌុងនិងម្នាក់នៅឡាងស៊ីន ។
វៀតណាមមានអ្នកឆ្លងវីរុស ក្នុងស្រុកសរុប៩.៥៦៦នាក់ អ្នកនាំចូល១.៦៤៦នាក់ ក្នុងនោះអ្នកឆ្លង៧.៩៩៦នាក់ រកឃើញចាប់តាំងពីថ្ងៃទី២៧ មេសា ជាថ្ងៃប្រកាសពីរលកទី៤នៃការឆ្លងមក ។ វៀតណាមរាយការណ៍ពីមនុស្ស៦១នាក់ស្លាប់ដោយសារវីរុសនេះ ៕ ដកស្រង់ចេញពីវេបសាយ ៖ lecourrier
ចែករំលែកព័តមាននេះ