ការពិតមហាសេដ្ឋី ជេក ម៉ា សម្ងំធ្វើរឿងនេះសោះ ក្រោយការបាត់ខ្លួន
ចិន ៖ ការបាត់ខ្លួនយ៉ាងអាថ៌កំបាំងរបស់ម្ចាស់ក្រុមហ៊ុន Alibaba គឺមហាសេដ្ឋី ជេក ម៉ា ក្រោយការថ្លែងសុន្ទរកថា រិះគន់ចំពោះ
ចិន ៖ ការបាត់ខ្លួនយ៉ាងអាថ៌កំបាំងរបស់ម្ចាស់ក្រុមហ៊ុន Alibaba គឺមហាសេដ្ឋី ជេក ម៉ា ក្រោយការថ្លែងសុន្ទរកថា រិះគន់ចំពោះរបបកុម្មុយនីស្តចិន កំពុងតែជាប្រធានដ៏ក្តៅ និងជាចម្ងល់ចាក់ស្រែះនៅក្នុងប្រទេសចិន។ ជាមួយសំនួរដែលបានចោទសួរថា តើលោក ជេក ម៉ា កំពុងស្ថិតនៅទីណា?
ទោះយ៉ាងណា លោក Joe Tsai ដែលជាសហស្ថាបនិក និងជាអនុប្រធានប្រតិបត្តិក្រុមហ៊ុន Alibaba បានអះអាងក្នុងបទសម្ភាសន៍ជាមួយទូរទស្សន៍ CNBC កាលពីថ្ងៃទី១៥ ខែមិថុនា ថា គាត់ និងលោក ជេក ម៉ា បាននិយាយគ្នារៀងរាល់ថ្ងៃ។ ហើយលោក ជេក ម៉ា មានសុខទុក្ខល្អជាធម្មតា។ គ្រាន់តែគាត់នៅមិនទាន់ចង់បង្ហាញខ្លួនជាសាធារណៈ។ ដោយគាត់កំពុងជាប់ចិត្ត និងចំណាយពេលវេលាជាមួយការគូរគំនូរ ដែលជាចំណង់ចំណូលចិត្តរបស់គាត់។
សូមរំលឹកថា កាលពីខែតុលា ឆ្នាំ ២០២០ កន្លងទៅ នៅឯសន្និសីទបច្ចេកវិទ្យាមួយ លោក ជេក ម៉ា បានធ្វើឱ្យអាជ្ញាធរថ្នាំងថ្នាក់ចិត្ត។ ដោយបានរិះគន់ចំពោះវិស័យហិរញ្ញវត្ថុចិន និងបានប្រៀបធៀបធានាគាររដ្ឋធំៗ ទៅនឹងហាងបញ្ចាំ។
ភា្លមៗក្រោយការរិះគន់នោះ អាជ្ញាធរបានកោះហៅលោកសម្រាប់ការប្រជុំបន្ទាន់មួយ។ ក្រោយមកពួកគេបានសម្រេចផ្អាកផែនការចុះបញ្ជីលក់ភាគហ៊ុនក្រុមហ៊ុន Ant Group របស់លោកពីទីផ្សារហិរញ្ញវត្ថុ។ ដែលបាននាំឱ្យភាគហ៊ុនរបស់ក្រុមហ៊ុន Alibaba ធ្លាក់ចុះក្នុងទីផ្សារភាគហ៊ុន។ ហើយចាប់តាំងពីពេលនោះមក គេលែងបានឃើញវត្តមានលោក ជេក ម៉ា នៅទីសាធារណៈ។
បន្ទាប់មកទៀត របបកុំមុយនីស្តចិនក៏បានប្រកាស ការស៊ើបអង្កេតប្រឆាំងនឹងសេចក្តីទុកចិត្តមួយ ចំពោះក្រុមហ៊ុន Alibaba ដែលជាវេទិកាពាណិជ្ជកម្មអេឡិចត្រូនិចដ៏ធំបំផុតរបស់ចិន៕ (ដកស្រង់ចេញពី BBC)
ចែករំលែកព័តមាននេះ