គ្រាន់តែរឿងជំពាក់លុយរាប់សងមិនទាន់ថ្ងៃកំណត់ ធ្វើអោយជនសង្ស័យចិត្តស្ទើរភ្លើងម្នាក់ទាញកាំបិតបុ័ងតោកា.ប់ប្រហារគ្មានត្រាប្រណីដៃទៅលើកូនបំណុល២នាក់ប្តីប្រពន្ធ បណ្តាលឱ្យរងរបួសក្បាលយ៉ាងធ្ងន់ធ្ងរហូរឈា.មស្រោចខ្លួន រួចជិះម៉ូតូរត់គេចខ្លួននោះ ទើបតែបាន១យប់១ថ្ងៃ ក៏ត្រូវកម្លាំងសមត្ថកិច្ច
ខេត្តកណ្តាល ៖ គ្រាន់តែរឿងជំពាក់លុយរាប់សងមិនទាន់ថ្ងៃកំណត់ ធ្វើអោយជនសង្ស័យចិត្តស្ទើរភ្លើងម្នាក់ទាញកាំបិតបុ័ងតោកា.ប់ប្រហារគ្មានត្រាប្រណីដៃទៅលើកូនបំណុល២នាក់ប្តីប្រពន្ធ បណ្តាលឱ្យរងរបួសក្បាលយ៉ាងធ្ងន់ធ្ងរហូរឈា.មស្រោចខ្លួន រួចជិះម៉ូតូរត់គេចខ្លួននោះ ទើបតែបាន១យប់១ថ្ងៃ ក៏ត្រូវកម្លាំងសមត្ថកិច្ចប៉ុស្តិ៍នគរបាលរដ្ឋបាលគគីរធំ សហការជាមួយនគរបាលជំនាញស្រុក ដឹកនាំដោយលោក វ៉េង កុសល អធិការរងទទួលផ្នែកយុត្តិធម៌ តាមធ្វើការស្រាវជ្រាវរហូតឃាត់ខ្លួនបានកាលពីវេលាម៉ោងប្រហែលជាង៣រសៀល ថ្ងៃទី១៤ ខែមិថុនា ឆ្នាំ២០២១ ខណៈពេលដែលជនសង្ស័យរូបនេះជិះម៉ូតូគេចខ្លួនបាត់១យប់ ហើយក៏ត្រឡប់មកវិញសម្ងំលាក់ខ្លួននៅក្នុងផ្ទះប្រពន្ធ ស្ថិតក្នុងភូមិគគីរធំ១ ឃុំគគីរធំ ស្រុកកៀនស្វាយ ខេត្តកណ្តាល។
ជនសង្ស័យដែលសមត្ថកិច្ចឃាត់ខ្លួនខាងលើមានឈ្មោះ ប៊ិន ធីតា ភេទប្រុស អាយុ២៧ឆ្នាំ បច្ចុប្បន្នស្នាក់នៅជាមួយប្រពន្ធឈ្មោះ នូ ចាន់ថន អាយុ៤៨ឆ្នាំ ស្ថិតក្នុងភូមិ-ឃុំខាងលើ។ ចំណែកជនរងគ្រោះទាំង២នាក់វិញ ប្តីឈ្មោះ ចយ ឆៃលីម (ហៅឆៃ) អាយុ៣៨ឆ្នាំ និងប្រពន្ធឈ្មោះ សំរិទ្ធ ចាន់ អាយុ៣៦ឆ្នាំ មានទីលំនៅភូមិគគីរធំ២ ឃុំគគីរធំ ស្រុកកៀនស្វាយ។
បើតាមអ្នកឃើញហេតុការណ៍ផ្ទាល់មានទាំងលោក អ៊ឹម ធី ដែលជាមេភូមិគគីរធំ២ បូករួមជាមួយជនរងគ្រោះផងនោះ បានរៀបរាប់ប្រាប់កាលពីព្រឹកថ្ងៃទី១៤ ខែមិថុនា ប្រហាក់ប្រហែលគ្នាថា ករណីនេះផ្តើមចេញពីរឿងជំពាក់លុយ ដោយជនសង្ស័យឈ្មោះ ប៊ិន ធីតា និងប្រពន្ធឈ្មោះ នូ ចាន់ថន ជាអ្នកមាន ដើរដាក់លុយរាប់រយអោយប្រជាពលរដ្ឋគ្រប់ទីកន្លែង។ ដោយឡែកសម្រាប់ជនរងគ្រោះទាំង២នាក់ប្តីប្រពន្ធវិញ ក៏បានយកលុយពីគ្រួសារជនសង្ស័យនេះចំនួន៨លានរៀល តាំងពីឆ្នាំ២០១៦ផងដែរ។
ជនរងគ្រោះបន្តថា ពួកគាត់យកលុយរាប់នេះបង់ប្រចាំថ្ងៃ គឺក្នុង១បង់ចំនួន១០០០០រៀល ប៉ុន្តែបង់បានតែរយៈពេលប្រហែល៣ឆ្នាំដំបូង គ្រួសារគាត់ (ជនរងគ្រោះ) គ្មានលទ្ធភាពបង់ ក៏សូមអង្វរម្ចាស់បំណុល (ប្រពន្ធជនសង្ស័យ) ដោយបង់១ខែ១០ម៉ឺនរៀលវិញ។ ក្រោយមកក៏ព្រមព្រៀងគ្នា ដោយកំណត់បង់នៅថ្ងៃទី១០ ជាប្រចាំរៀងរាល់ខែ គឺពួកគាត់ទទួលខុសត្រូវរហូត មិនហ៊ានគេចវេសនោះឡើយ ព្រោះម្ចាស់បំណុលនេះកា.ចណាស់ តែកូនបំណុលណាបង់មិនទៀងទាត់ គាត់(ប្រពន្ធ)នឹងស្រែកជេរប្រមាថ រីឯប្តីវិញអាងអីគំរាមវាយកា.ប់ចា.ក់សម្លា.ប់កូនបំណុលទៀងផង។
ជនរងគ្រោះបន្តទៀតថា គេថាទៀងមិនឈ្នះទាល់ ក្នុងដំណាក់កាលជំងឺកូវីដ១៩ កំពុងតែផ្ទុះរីករាលដាលជាសកលនោះ ធ្វើអោយមុខរបរដំកាំបិតរបស់គាត់ស្ងៀមស្ងាត់គ្មានអតិថិជនមកកម្មង់ធ្វើអោយឡើយ ធ្វើឱ្យសេដ្ឋកិច្ចរបស់គ្រួសាររបស់គាត់ជួបការលំបាកខ្លាំង។ ហើយរកប្រាក់បង់អោយម្ចាស់បំណុលនោះមិនទាន់ ក៏លើសថ្ងៃកំណត់តែម្តង។
ជនរងគ្រោះបន្តថា លុះនៅថ្ងៃទី១២ ខែមិថុនា ឆ្នាំ២០២១ កូនស្រីម្ចាស់បំណុលបានមកឡូឡាទារលុយទាំងយប់កាលពីវេលាម៉ោងប្រហែល៧យប់ តែរូបគាត់ (ជនរងគ្រោះ) សូមអង្វរថា គាត់មិនទាន់មានលុយទេ ចាំដល់ថ្ងៃទី២៥ ខែមិថុនា ប៉ុន្មានថ្ងៃខាងមុខនេះ ទើបគាត់មានលុយបង់ឱ្យ។ ស្រាប់តែនៅល្ងាចថ្ងៃទី១៣ ខែមិថុនា ជនសង្ស័យឈ្មោះ ប៊ិន ធីតា ជិះម៉ូតូឌុបប្រពន្ធឈ្មោះ នូ ចាន់ថន (ម្ចាស់បំណុល) មកឈប់ចម្ងាយពីផ្ទះគាត់ (ជនរងគ្រោះ) ប្រហែលជា៣០ម៉ែត្រ រួចហើយជនសង្ស័យនោះ ក៏ស្រែកហៅកូនបំណុលជាប្តីអោយទៅជួប។
ជនរងគ្រោះបន្តថា ដោយមើលឃើញទឹកមុខម្ចាស់បំណុលមិនស្រួល ខ្លាចមានរឿង ជនរងគ្រោះជាប្រពន្ធមិនអោយប្តីចេញទៅទេ សុខចិត្តដើរទៅនិយាយអង្វរប្រាប់ជនសង្ស័យជាម្ចាស់បំណុលដដែលៗថា ថ្ងៃទី២៥ ខែមិថុនា បានមានលុយបង់ឱ្យ។ ក្រោយពីប្រាប់រួច ជនរងគ្រោះជាប្រពន្ធក៏ដើរត្រឡប់មកផ្ទះវិញបានមួយភ្លេត ស្រាប់តែជនសង្ស័យឈ្មោះ ប៊ិន ធីតា ដើរសំដៅចូលទៅតម្រង់រកជនរងគ្រោះជាប្តីដែលកំពុងអង្គុយផឹកកាហ្វេនៅផ្ទះឪពុកបង្កើតទល់មុខគ្នាជាមួយលោកមេភូមិ ហើយក៏រូតកាបូបដែលជនសង្ស័យស្ពាយជាប់នឹងខ្លួននោះ ទាញយកកាំបិតបុ័ងតោមុខស.ស្ងាចបំរុងកា.ប់ប្រហារទៅលើជនរងគ្រោះជាប្តី តែត្រូវប្រពន្ធជនរងគ្រោះឃើញទាន់ក៏រត់មកទៅឃាត់ជ្រោងដៃជនសង្ស័យឡើងទៅលើ ហើយស្រែកអោយប្តីរត់គេចខ្លួន។
ប្រភពដដែលបន្តថា ភ្លាមៗនោះ ជនសង្ស័យខឹងក៏កាប់ស្ត្រីជនរងគ្រោះចំក្បាលដេកដួលសន្លប់ក្នុងថ្លុកឈា.មតែម្តង រីជនរងគ្រោះជាប្តីរត់បានប្រហែលជាង១០ម៉ែត្រពីហាងកាហ្វេក៏ជំពប់ជើងដួល ស្រាប់តែត្រូវជនសង្ស័យរត់ទៅតាមកា.ប់កញ្ជ្រាំងចំក្បាល បណ្តាលអោយសន្លប់ស្តូកស្តឹងក្នុងថ្លុកឈា.មដូចគ្នា។
អ្នកឃើញហេតុការណ៍និយាយថា ពេលដែលជនសង្ស័យធ្វើសកម្មភាពនោះរួច វាចន្លោះចំពេលគ្មានមនុស្សទេ គឺមានតែលោកមេភូមិ និងចាស់ៗប៉ុន្មាននាក់អង្គុយផឹកកាហ្វេ ទើបមិនហ៊ានចូលជួយឃាត់ទេ ព្រោះមើលមុខជនសង្ស័យសា.ហាវណាស់ដូចអ្នកញៀនថ្នាំអញ្ចឹង។ បន្ទាប់ពីកា.ប់ជនរងគ្រោះហើយ ជនសង្ស័យក៏ដើរកាន់កាំបិតក្រវីសំដៅទៅឡើងជិះម៉ូតូ រួចគេចខ្លួនភ្លាមៗតែម្តង។
បើតាមលោកមេភូមិគគីរធំ២ អ្នកឃើញហេតុការណ៍ផ្ទាល់និយាយថា ភ្លាមៗរូបលោកបានទាក់ទងទៅសមត្ថកិច្ចនគរបាលប៉ុស្តិ៍ និងប្រជាការពារភូមិ អោយមកជួយអន្តរាគមន៍ដេញតាមស្ទាក់ចាប់ជនសង្ស័យដែរ ក៏ប៉ុន្តែកម្លាំងជាប់ចុះតាមមូលដ្ឋានអស់ បានត្រឹមតែនាំគ្នាប្រញាប់ប្រញាល់បញ្ជូនជនរងគ្រោះទាំង២នាក់ទៅព្យាបាលបន្តបន្ទាប់ រហូតដល់មន្ទីរពេទ្យខេត្តព្រៃវែងតែប៉ុណ្ណោះ។ លុះនៅថ្ងៃទី១៤ ខែមិថុនា ទើបកម្លាំងនគរបាលប៉ុស្តិ៍សហការជាមួយកម្លាំងជំនាញស្រុក ចុះស្រាវជ្រាវចាប់ឃាត់បានជនសង្ស័យតែម្តង។
លោក វ៉េង កុសល អធិការរងនគរបាលស្រុកកៀនស្វាយ ក៏បានអោយដឹងដែរថា ជនសង្ស័យជាប្តីនឹងត្រូវកសាងសំណុំរឿង ចាត់ការតាមនីតិវិធី។
ចំណែកក្រុមគ្រួសារជនរងគ្រោះវិញ មានការងឿងឆ្ងល់ថា ប្រពន្ធជនសង្ស័យក៏ពាក់ព័ន្ធនឹងការសហចូលរួមសមគំនិតដែរ ហេតុអ្វីបានជាសមត្ថកិច្ចមិនឃាត់ខ្លួនផងទៅ? ម៉េចឃាត់តែជនដៃដល់ជាប្តីទៅតែម្នាក់?
គួររំលឹកថា ៖ ពុទ្ធោអើយ! ទាំងប្តីទាំងប្រពន្ធជិះម៉ូតូមកកា.ប់កូនបំណុលដល់ផ្ទះ ព្រោះតែទារលុយមិនបាន ៕
ចែករំលែកព័តមាននេះ