ឆក់យកជីវិតក្មេ.ង២នាក់បងប្អូន ក្រោយនាំគ្នាចុះរើសត្នោតទុំក្បែរទឹកស្រះ
- សៀមរាប
ខេត្តសៀមរាប ៖ តាមរបាយការណ៍របស់អធិការនគរបាលស្រុកពួក បានប្រាប់ឱ្យដឹងថា កាលពីវេលាម៉ោង២រសៀលថ្ងៃទី១២ ខែ
ខេត្តសៀមរាប ៖ តាមរបាយការណ៍របស់អធិការនគរបាលស្រុកពួក បានប្រាប់ឱ្យដឹងថា កាលពីវេលាម៉ោង២រសៀលថ្ងៃទី១២ ខែមិថុនា ឆ្នាំ២០២១ មានករណីក្មេ.ងប្រុសម្នាក់ និងស្រីម្នាក់ ត្រូវជាបងប្អូនបង្កើតនឹងគ្នាបានល.ង់ទឹកស្រះ បណ្តាលឱ្យបាត់បង់ជីវិតគួរឱ្យអាណោចអាធ័ម ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង២រសៀលថ្ងៃទី១២ ខែមិថុនា ឆ្នាំ២០២១ ស្ថិតនៅភូមិក្បាលក្រពើ ឃុំរើល ស្រុកពួក ខេត្តសៀមរាប។
លោកវរសេនីយ៍ឯក ទេព ពុំសែន អធិការស្រុកពួកបានឱ្យដឹងថា ក្មេ.ងរងគ្រោះទាំង២នាក់បងប្អូនបង្កើត ក្នុងនោះម្នាក់ឈ្មោះ ឌន់ ចន្ថា ភេទស្រី អាយុ១១ឆ្នាំ និងម្នាក់ទៀតឈ្មោះ ឌន់ ចណ្ឌី ភេទប្រុស អាយុ៨ឆ្នាំ ។ អ្នកទាំង២រស់នៅភូមិក្បាលក្រពើ ឃុំរើល ស្រុកពួក ខេត្តសៀមរាប ។
លោកបានបញ្ជាក់ថា មុនពេលកើតហេតុ ក្មេ.ងរងគ្រោះទាំងពីរនាក់បងប្អូនបានសុំម្តាយទៅលេងផ្ទះយាយ ហើយក៏ឃើញត្នោតទុំនៅក្បែទឹកស្រះ រួចក៏នាំគ្នាចុះរើស និងចុះលេងទឹកស្រះទាំងពីរនាក់ត្រង់កន្លែងទឹកជ្រៅ បណ្តាលឱ្យល.ង់ទឹក បាត់បង់ជីវិតទាំង២នាក់តែម្តង។
បច្ចុប្បន្ន ស.ពក្មេ.ងប្រុសស្រីទាំង២នាក់បងប្អូនបង្កើត ត្រូវបានកម្លាំងនគរបាលការិយាល័យជំនាញ ប្រគល់ឱ្យឪពុកម្តាយយកទៅធ្វើបុណ្យតាមប្រពៃណី ៕
ចែករំលែកព័តមាននេះ