Copa America 2021៖ សមាជិកវេណេហ្ស៊ុយអេឡា១២នាក់ឆ្លងកូវីដ មុនប៉ះម្ចាស់ផ្ទះប្រេស៊ីលនៅយប់នេះ
ប្រេស៊ីល ៖ បើយោងតាមមន្ត្រីសុខភាពប្រទេសប្រេស៊ីល បានឱ្យដឹងកាលពីថ្ងៃសៅរ៍ម្សិលមិញថា សមាជិក១២នាក់ នៃគណៈប្រតិភូ
ប្រេស៊ីល ៖ បើយោងតាមមន្ត្រីសុខភាពប្រទេសប្រេស៊ីល បានឱ្យដឹងកាលពីថ្ងៃសៅរ៍ម្សិលមិញថា សមាជិក១២នាក់ នៃគណៈប្រតិភូ
ប្រេស៊ីល ៖ បើយោងតាមមន្ត្រីសុខភាពប្រទេសប្រេស៊ីល បានឱ្យដឹងកាលពីថ្ងៃសៅរ៍ម្សិលមិញថា សមាជិក១២នាក់ នៃគណៈប្រតិភូបាល់ទាត់វេណេហ្ស៊ុយអេឡា ដែលចូលរួមក្នុងព្រឹត្តិការណ៍ Copa America 2021 នៅប្រេស៊ីល បានធ្វើតេស្តចេញលទ្ធផលវិជ្ជមានកូវីដ១៩ ។ គួររំលឹកថា Copa America រកប្រទេសធ្វើម្ចាស់ផ្ទះមិនទាន់ឃើញ ក្រោយអាហ្សង់ទីនដកខ្លួនចេញ
នៅក្នុងសេចក្តីថ្លែងការណ៍របស់លេខាធិការដ្ឋានសុខាភិបាលប្រេស៊ីល បានឱ្យដឹងថា ប្រតិភូបាល់ទាត់វេណេហ្ស៊ុយអេឡាទាំង១២នាក់ ដែលបានធ្វើតេស្តវិជ្ជមានកូវីដ១៩ រួមមាន កីឡាករ និងបុគ្គលិកផ្នែកខាងក្រោយ។
សូមរំលឹកថា សហព័ន្ធកីឡាបាល់ទាត់អាមេរិកខាងត្បូង (CONMEBOL) បានធ្វើតេស្តសំណាកកាលយប់ថ្ងៃសុក្រភ្លាមៗ ពោលបន្ទាប់ពីក្រុមវេណេស៊ុយអេឡា បានមកដល់ប្រទេសប្រេស៊ីល និងបានជូនដំណឹងទៅកាន់អាជ្ញាធរសុខភាពក្នុងតំបន់ផងដែរ។
សេចក្តីថ្លែងការណ៍បានបន្ថែមថា សមាជិកទាំងអស់ ត្រូវបានដាក់ឱ្យនៅដាច់ដោយឡែកក្នុងបន្ទប់ផ្សេងពីគ្នា។ ហើយត្រូវទទួលការត្រួតពិនិត្យដោយក្រុមមន្ត្រីសហព័ន្ធ និងមន្ត្រីសុខាភិបាលក្នុងតំបន់នៃប្រទេសប្រេស៊ីល។ ក្នុងនោះសហព័ន្ធមិនបានបញ្ជាក់ថា មានកីឡាករប៉ុន្មាននាក់ ដែលបានធ្វើតេស្តវិជ្ជមាននោះទេ។
សូមបញ្ជាក់ជូនថា វេណេស៊ុយអេឡា ត្រូវប្រកួតតទល់ជាមួយក្រុមម្ចាស់ផ្ទះប្រេស៊ីល សម្រាប់ជំនួបបើកឆាកព្រឹត្តិការណ៍ Copa America 2021 នៅវេលាម៉ោង៤:០០ទៀបភ្លឺ (ម៉ោងនៅកម្ពុជា) នៅក្នុងកីឡដ្ឋាន Mane Garrincha។
ដោយអាស្រ័យបញ្ហាកើតឡើងបន្ទាន់បែបនេះ សហព័ន្ធកីឡាបាល់ទាត់អាមេរិកខាងត្បូង កាលពីថ្ងៃសុក្រ បានសម្រេចអនុញ្ញាតឱ្យវេណេហ្ស៊ុយអេឡា កោះហៅក្រុមកីឡាករជំនួសបន្ទាន់ភា្លមៗ ដោយគ្មានកំណត់។ ដែលជាក្រុមកីឡាករ មិនបានទាក់ទងជាមួយមិត្តរួមក្រុមដែលវិជ្ជមានកូវីដ១៩។ ដើម្បីមកចូលរួមជំរំហ្វឹកហាត់នៅប្រេស៊ីល ក្នុងការត្រៀមខ្លួនសម្រាប់ការប្រកួតនៅយប់នេះ៕ (ដកស្រង់ចេញពី Aljazeera)
ចែករំលែកព័តមាននេះ