ខេត្តស្ទឹងត្រែង ៖ មនុស្ស២នាក់បានរងរបួសធ្ងន់ដោយសាររថយន្តបុក ខណៈពេលកំពុងជិះម៉ូតូតាមផ្លូវ កាលពីព្រឹកថ្ងៃទី១៧ វិច្ឆិកា នៅចំណុចផ្លូវបំបែកអូរពងមាន់ សង្កាត់ស្ទឹងត្រែង ក្រុងស្ទឹងត្រែង ។
ប្រភពព័ត៌មានឲ្យដឹងថា ខណៈពេលកើតហេតុគេបានឃើញជនរងគ្រោះជិះម៉ូតូមួយគ្រឿងមានគ្នា២នាក់ក្នុងគោលដៅពីអូរពង់មាន់ឡើងទៅទីរួមខេត្ត ពេលដល់ចំណុចផ្លូវបំបែក ស្រាប់តែមានរថយន្តមួយគ្រឿងបើកបរមកពីខេត្តក្នុងទិសដៅបញ្ច្រាសទិសគ្នាបានបុកម៉ូតូពេញទំហឹងបណ្តាលឱ្យជនរងគ្រោះទាំង២នាក់រងរបួសធ្ងន់តែម្តង។ ក្រោយកើតហេតុរថយន្តបានបើករត់គេចបាត់ស្រមោល។
មន្ត្រីចរាចណ៍ជើងគោកឲ្យដឹងថា ជនរងគ្រោះមានគ្នា២នាក់ ម្នាក់ឈ្មោះ ហាន រ៉ៃយ៉ា ភេទប្រុស អាយុ២៨ឆ្នាំ និងម្នាក់ទៀតមានឈ្មោះ មៅ សុខមឿន ភេទស្រី អាយុ២២ឆ្នាំ ត្រូវជាប្រពន្ធ អ្នកទាំង២រស់នៅភូមិអុំខួង ឃុំស្រែក្រសាំង ស្រុកសៀមបូក ៕
ចែករំលែកព័តមាននេះ