ខេត្តកណ្តាល ៖ ខណៈពេលនេះ មន្ត្រីប៉េអឹមខេត្តកណ្តាលបានបញ្ជូនសំណុំរឿង «បាញ់ឡើងលើ១គ្រាប់គំរាមអ្នករាំ ឪពុកកូនថៅកែអកកេះត្រូវគេព្រួតវាយរបួសធ្ងន់ទាំង២នាក់» ដែលបានកើតឡើងកាលពីវេលាម៉ោង១១ និង៤០នាទីយប់ ថ្ងៃទី១៥ វិច្ឆិកា ២០១៥ ស្ថិតក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល មកតុលាការហើយ ។
កាលពីវេលាម៉ោង១១ និង៤០នាទីយប់ ថ្ងៃទី១៥ វិច្ឆិកា ២០១៥ ស្ថិតក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល មានករណីប្រើអំពើហិង្សាមួយបានកើតឡើងបណ្ដាលឲ្យបុរស២នាក់ជាឪពុក-កូនជាថៅកែអកកេះបានរងរបួសធ្ងន់ ដោយសារត្រូវក្រុមក្មេងស្ទាវមិនស្គាល់មុខមួយក្រុមបានលបវ៉ៃបន្ទាប់ពីសំណូមពរសុំឲ្យលេងភ្លេង៤-៥បទទៀតមិនបាន ។
ជនរងគ្រោះទាំង២នាក់ឪពុកនិងកូន មានឈ្មោះ លី ម៉ន ភេទប្រុស អាយុ៥៨ឆ្នាំ ជនជាតិខ្មែរ ជាថៅកែអកកេះ បានរងរបួសធ្ងន់ផ្នែកក្បាល ត្រូវក្រុមគ្រួសារដឹកយកទៅសង្គ្រោះនៅប្រទេសវៀតណាម និងម្នាក់ទៀតជាកូនឈ្មោះ លី ម៉េង ភេទប្រុស អាយុប្រហែលជាង៣០ឆ្នាំ ជនជាតិខ្មែរ មុខងារជាមន្ត្រីប៉េអឹមលើផ្ទៃប្រទេស ប្រើប្រាស់អាវុធខ្លីម៉ាក៥៤ ផលិតនៅប្រទេសចិន គ្មានលេខ នៅសល់ក្នុងបង់៦គ្រាប់ បានរងរបួសធ្ងន់ផ្នែកក្បាល និងដៃ ត្រូវក្រុមគ្រួសារដឹកយកទៅសង្គ្រោះនៅមន្ទីរពេទ្យរាជធានីភ្នំពេញ ។ ជនរងគ្រោះទាំង២នាក់មានស្រុកកំណើតនៅភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល ។
សូមបញ្ជាក់ថា បាញ់ឡើងលើ១គ្រាប់គំរាមអ្នករាំ ឪពុកកូនថៅកែអកកេះត្រូវគេព្រួតវាយរបួសធ្ងន់ទាំង២នាក់
ព័ត៌មានលម្អិតនឹងផ្សាយជូននៅពេលក្រោយ និងនៅលើកាសែតកោះសន្តិភាព
ចែករំលែកព័តមាននេះ