ខេត្តតាកែវ ៖ ជនសង្ស័យជួញដូគ្រឿងញៀនចំនួន៤នាក់ ត្រូវបាននគរបាលស្រុកបាទី ធ្វើការឃាត់ខ្លួន រួចបញ្ជូនមកកាន់ការិយាល័យប្រឆាំងការជួញដូរគ្រឿងញៀន ដើម្បីចាត់កាបន្ត ។
ហេតុការណ៍នេះបានកើតឡើង នៅថ្ងៃទី១០ ខែមិថុនា ឆ្នាំ២០២១ ភូមិរកាខ្ពស់ ឃុំត្រពាំសាប ស្រុកបាទី ខេត្តតាកែវ ។
លោកអភិបាលស្រុកបាទី បានអោយដឹងថា ករណីនេះមានការសម្របសម្រួលនីតិវិធីពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ បានធ្វើការឃាត់ខ្លួនជនសង្ស័យបានចំនួន០៤នាក់ ។
ក្នុងនោះមានទី១ មានឈ្មោះ ផាង សម្បត្តិ ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ (ជួញដូរ) ។ ទី២-ឈ្មោះ ទុន ពៅ ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិតាស៊ូ ឃុំត្រពាំងសាប ស្រុកបាទី ខេត្តតាកែវ (ប្រើប្រាស់) ។
ទី៣-ឈ្មោះ ម៉ឹង ឡយ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិត្រគៀត ឃុំត្រពាំងសាប ស្រុកបាទី ខេត្តតាកែវ (ប្រើប្រាស់) ។ និងទី៤-ឈ្មោះ ខៃ ណុប ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិរកាខ្ពស់ ឃុំត្រពាំងសាប ស្រុកបាទី ខេត្តតាកែវ (ប្រើប្រាស់) ។
ដោយសមត្ថកិច្ចបានធ្វើការដកហូតវត្ថុតាងបានមួយចំនួនរួមមាន ៖ គ្រឿងញៀនប្រភេទមេតំហ្វេតាមីន(ICE) ចំនួន២៥កញ្ចប់ធំ ទម្ងន់៩,១៨ក្រាម ទូរស័ព្ទចំនួន០២គ្រឿង ។ នៅចំពោះមុខនគរបាលជំនាញខេត្ត ជនសង្ស័យបាននិយាយសារភាពថា ពួកគេពិតជាបានរកស៊ីជួញដូរគ្រឿងញៀនពិតប្រាកដមែន ។
លោក មឿង សារុន នាយការិយាល័យប្រឆាំងការជួញដូរគ្រឿងញៀនខេត្តបានអោយដឹងថា ក្រុមជនជនសង្ស័យ រួម និងវត្ថុតាងត្រូវបានកសាងសំណុំរឿងបញ្ជូនខ្លួនទៅកាន់សាលាដំបូងខេត្តតាកែវ ដើម្បីចាត់ការទៅតាមច្បាប់ ៕
ចែករំលែកព័តមាននេះ