ខេត្តព្រះវិហារ ៖ រដ្ឋបាលខេត្តព្រះវិហារ ថ្ងៃទី១១ ខែមិថុនា ឆ្នាំ២០២១ បានប្រកាសរកឃើញអ្នកវិជ្ជមានកូវីដ-១៩ លើស្ត្រីម្នាក់ និងកុមារាម្នាក់ ដែលកំពុងធ្វើចត្តាឡីស័ក…
ខេត្តព្រះវិហារ ៖ រដ្ឋបាលខេត្តព្រះវិហារ ថ្ងៃទី១១ ខែមិថុនា ឆ្នាំ២០២១ បានប្រកាសរកឃើញអ្នកវិជ្ជមានកូវីដ-១៩ លើស្ត្រីម្នាក់ និងកុមារាម្នាក់ ដែលកំពុងធ្វើចត្តាឡីស័ក នៅមណ្ឌលចត្តាឡីស័ករវៀង ស្រុករវៀង ។
ក្រុមគ្រូពេទ្យប្រចាំការ នៅមណ្ឌលចត្តាឡីស័ករវៀង បានយកសំណាកលើស្ត្រី០១ម្នាក់ និងកុមារាម្នាក់ ដែលចូលមណ្ឌលចត្តាឡីស័ក ស្រុករវៀង កាលពីថ្ងៃទី០៦ ខែមិថុនាឆ្នាំ២០២១ ជាលទ្ធផលរកឃើញ វិជ្ជមានកូវីដ-១៩ ។
អ្នកវិជ្ជមានកូវីដ-១៩ រួមមាន ៖ ទី១. ឈ្មោះ ស្វាយ កនិការ ភេទស្រី អាយុ១៩ឆ្នាំ ធ្វើដំណើរតាមរថយន្តតាក់ស៊ី ពីរាជធានីភ្នំពេញ មកខេត្តព្រះវិហារ ហើយបានចូលមណ្ឌលស្រុករវៀង ដើម្បីធ្វើចត្តាឡីស័ក កាលពីថ្ងៃទី០៦ ខែមិថុនាឆ្នាំ២០២១ និងទី២ គឺកុមារា អាយុ០៥ឆ្នាំម្នាក់ ត្រូវជាប្អូនរបស់ឈ្មោះអ្នកជំងឺកូវីដ-១៩ ដែលរកឃើញវិជ្ជមាន កាលពីថ្ងៃទី០៧ ខែមិថុនា ឆ្នាំ២០២១ ៕
ចែករំលែកព័តមាននេះ