រាជធានីភ្នំពេញ ៖ ជនសង្ស័យចំនួន២នាក់ បានធ្វើសកម្មភាពលួចកាច់.កម៉ូតូមួយគ្រឿង បានសម្រេចពីខណ្ឌច្បារអំពៅ រួចក៏គេចខ្លួនមកសង្ងំលាក់ខ្លួននៅខណ្ឌចំការមន រួចក៏ត្រូវបានសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ ធ្វើការសហការជាមួយ និងសមត្ថកិច្ចខណ្ឌច្បារអំពៅ ស្រាវជ្រាវតាមចាប់ឃាត់ខ្លួនបានមកវិញ…
រាជធានីភ្នំពេញ ៖ ជនសង្ស័យចំនួន២នាក់ បានធ្វើសកម្មភាពលួចកាច់.កម៉ូតូមួយគ្រឿង បានសម្រេចពីខណ្ឌច្បារអំពៅ រួចក៏គេចខ្លួនមកសង្ងំលាក់ខ្លួននៅខណ្ឌចំការមន រួចក៏ត្រូវបានសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ ធ្វើការសហការជាមួយ និងសមត្ថកិច្ចខណ្ឌច្បារអំពៅ ស្រាវជ្រាវតាមចាប់ឃាត់ខ្លួនបានមកវិញ កាលពីវេលាម៉ោង៨យប់ ថ្ងៃទី១០ ខែមិថុនា ឆ្នាំ២០២១ ត្រង់ចំណុចផ្ទះជួល ផ្លូវសុធារស ភូមិ៩ សង្កាត់ទន្លេបាសាក់ ខណ្ឌចំការមន។
តាមប្រភពព័ត៌មានពីសមត្ថកិច្ចបានឲ្យដឹងថា ជនសង្ស័យទី១ មានឈ្មោះ វង្ស សុភា ភេទប្រុស អាយុ២២ឆ្នាំ ស្នាក់នៅបន្ទប់ជួលកើតហេតុ ។ ទី២ឈ្មោះ ប៉េត ណេត ភេទប្រុស អាយុ២៨ឆ្នាំ ស្នាក់នៅជាមួយគ្នា ។
ប្រភពដដែលបន្តថា មុន និងឈានដល់ការចាប់ឃាត់ខ្លួនជនសង្ស័យទាំងពីរនាក់ខាងលើ គឺកាលពីវេលាម៉ោង១២កណ្ដាលអធ្រាត្រ ថ្ងៃទី៩ ខែមិថុនាឆ្នាំ២០២១ ជនសង្ស័យទាំងពីរនាក់នោះបានធ្វើសកម្មភាពលួចកាច់សោរ.កម៉ូតូមួយគ្រឿងម៉ាក KEEWAY TX ពណ៌ខ្មៅ ពាក់ស្លាកលេខ នគរបាល1-7943 ជារបស់ជនរងគ្រោះឈ្មោះ លាប វិរៈ ភេទប្រុស អាយុ៤៨ឆ្នាំ ជាមន្ត្រីនគរបាលទេសចរណ៍ ស្នាក់នៅផ្ទះលេខ១១៧ ផ្លូវ៣៦៩ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ។
ជនរងគ្រោះបានចតម៉ូតូចាក់សោទុកចោលនៅខាងមុខផ្ទះ ពេលដែលជនរងគ្រោះត្រឡប់មកពីធ្វើការវិញ ។ បន្ទាប់ពីជនសង្ស័យទាំងពីរនាក់នោះបានធ្វើសកម្មភាពលួចបានសម្រេចក៏នាំគ្នាគេចខ្លួនបាត់ស្រមោល ។ លុះដល់វេលា៩និង៣០នាទីព្រឹក ថ្ងៃកើតហេតុ ពេលដែលជនរងគ្រោះចេញពីក្នុងផ្ទះទើបដឹងថា បាត់ម៉ូតូរបស់ខ្លួន ជនរងគ្រោះបានទៅដាក់ពាក្យបន្តឹងនៅប៉ុស្តិ៍នគរបាលរដ្ឋបាលច្បារអំពៅទី២ ។
ប្រភពដដែលបន្តទៀតថា បន្ទាប់ពីទទួលបានពាក្យពីជនរងគ្រោះភ្លាមៗ កម្លាំងសមត្ថកិច្ចក៏បានធ្វើការស្រាវជ្រាវ និងឆែកមើលតាមកាមេរ៉ាសុវត្ថិភាព និងបានធ្វើការសហការជាមួយកម្លាំងសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ និងឈានដល់ការចុះបង្ក្រាបចាប់ឃាត់ខ្លួនជនសង្ស័យទាំងពីនាក់ខាងលើតែម្តង ។ និងដកហូតបានវត្ថុតាំងដូចជា ម៉ូតូមួយគ្រឿងដែលជារបស់ជនរងគ្រោះ ឧបករណ៍សម្រាប់កាច់សោកម៉ូតូ រួមទាំងវត្ថុតាំងមួយចំនួនទៀត ។
បច្ចុប្បន្នជនសង្ស័យទាំងពីនាក់រួមទាំងវត្ថុតាំងត្រូវបានសមត្ថកិច្ចប៉ុស្តិ៍នគរបាលរដ្ឋបាលទន្លេបាសាក់ប្រគល់បន្តទៅឲ្យសមត្ថកិច្ចប៉ុស្តិ៍នគរបាលរដ្ឋបាលច្បារអំពៅទី២ នាំខ្លួនយកទៅសាកសួរបន្ត និងចាត់ការទៅតាមនីតិវិធីជាបន្តទៀត ៕
ចែករំលែកព័តមាននេះ