អាមេរិកគ្រោងចែកចាយវ៉ាក់សាំង៥០០លានដូសដល់ពិភពលោក
រដ្ឋបាលប្រធានាធិបតីអាមេរិក លោកចូ បៃដិន គ្រោងធ្វើអំណោយវ៉ាក់សាំង ប្រឆាំងវីរុសកូវីដ-១៩ ផលិតដោយ ក្រុមហ៊ុន PFIZER ដល់ប្រទេសប្រមាណជា១០០នា២ឆ្នាំខាងមុខនេះ
រដ្ឋបាលប្រធានាធិបតីអាមេរិក លោកចូ បៃដិន គ្រោងធ្វើអំណោយវ៉ាក់សាំង ប្រឆាំងវីរុសកូវីដ-១៩ ផលិតដោយ ក្រុមហ៊ុន PFIZER ដល់ប្រទេសប្រមាណជា១០០នា២ឆ្នាំខាងមុខនេះ
សហរដ្ឋអាមេរិក ៖ រដ្ឋបាលប្រធានាធិបតីអាមេរិក លោកចូ បៃដិន គ្រោងធ្វើអំណោយវ៉ាក់សាំង ប្រឆាំងវីរុសកូវីដ-១៩ ផលិតដោយ ក្រុមហ៊ុន PFIZER ដល់ប្រទេសប្រមាណជា១០០នា២ឆ្នាំខាងមុខនេះ ។
មនុស្ស៣នាក់ដែលទាក់ទិននឹងគម្រោងនេះនិយាយកាលពីថ្ងៃទី៩ មិថុនាថា ក្រុងវ៉ាស៊ិនតោន គ្រោងចែកចាយវ៉ាក់សាំង២០០លានដូសនាឆ្នាំនេះ បន្ទាប់មក៣០០លានដូសក្នុងឆមាសទី១ នៃឆ្នាំ២០២២ ។ វ៉ាក់សាំងទាំងនោះនឹងផ្ដល់ដល់បណ្ដាប្រទេសក្រីក្រ និងសហភាពអាហ្វ្រិក ។ វ៉ាក់សាំងទាំងនោះ នឹងចែកចាយតាមរយៈកម្មវិធី COVAX គ្រប់គ្រងដោយអង្គការសុខភាពពិភពលោក WHO ។
លោកចូបៃដិន គ្រោងប្រកាសជាផ្លូវការនូវគម្រោងនេះនាថ្ងៃទី១០ មិថុនា ក្នុងឱកាសនៃកិច្ចប្រជុំកំពូល G7 នៅអង់គ្លេស ។ នៅមិនទាន់មានអត្ថាធិបាយណាមួយរបស់សេតវិមាននិងរបស់ក្រុមហ៊ុន PFIZER ពីរឿងនោះនៅឡើយ ។
ចំណែកសហភាពអឺរ៉ុបនិងសហរដ្ឋអាមេរិកក្នុងកិច្ចប្រជុំលំពូលពួកគេគ្រោងធ្វើនាថ្ងៃទី១៥ មិថុនា ព្រមព្រៀងគ្នាលើគោលការណ៍ដែលនាំទៅដល់ការកាត់បន្ថយការរិតត្បិតនាំចេញវ៉ាក់សាំង និងថ្នាំព្យាបាលប្រឆាំងវីរុសកូវីដ-១៩ ។ នេះបើតាមគម្រោងសេចក្ដីថ្លែងការណ៍រួមមួយដែលរ៉យទ័រទទួលបាន ។
គម្រោងសេចក្ដីថ្លែងការណ៍រួមនោះមិនបាននិយាយពីការលុបចោលអាជ្ញាប័ណ្ណ ស្ដីពីវ៉ាក់សាំងជាគំនិតមួយ ការពារដោយរធានាធិបតីអាមេរិកលោកចូ បៃដិន តែគូសបញ្ជាក់ថា ការបែងចែកដោយស្ម័គ្រចិត្តនូវបច្ចេកវិទ្យា គឺសំខាន់ដើម្បីបង្កើនផលិតកម្មវ៉ាក់សាំង និងសម្រួលដល់ការចែកចាយវ៉ាក់សាំងលើពិភពលោកទាំងមូល ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ