ចរិយាពាលនិងបណ្ឌិត
ចរិយាពាល គិតខ្លី បណ្តុះបង្អាប់ ហិង្សា ត្រូវតែឯង បំបែកបំបាក់ សង្ស័យ ច្រណែន និន្ទា ឈ្នានីស…
ចរិយាពាល គិតខ្លី បណ្តុះបង្អាប់ ហិង្សា ត្រូវតែឯង បំបែកបំបាក់ សង្ស័យ ច្រណែន និន្ទា ឈ្នានីស បន្ទុចបង្អាក់ ពេបជ្រាយ ក្រអឺតក្រទម បរិហារ ប្រមាថ ក្អេងក្អាង បៀតបៀន ចាក់ដោត ។
រីឯបណ្ឌិតចរិយាតែងគិតវែងឆ្ងាយ អប់រំ លើកតម្កើង លើកទឹកចិត្ត ផ្តល់ការណែនាំ បង្កើតសាមគ្គីភាព ផ្តល់គំនិតបែបស្ថាបនា ចូលរួមដោយមិននឿយណាយ ឱបក្រសោប ពោលពាក្យពីរោះ ។
បុគ្គលដែលជួបប្រសព្វ ឬសេពគប់ពាលរមែងដល់នូវសេចក្តីអន្តរាយ វិនាស បាត់បង់យស កេរ្តិ៍ឈ្មោះ និងអ្នករាប់រកបន្តិចម្តងៗរហូតដល់ថ្ងៃមរណា ។
ចំណែកបុគ្គលដែលសេពគប់បណ្ឌិតរមែងកើតកេរ្តិ៍ បន្សល់ឈ្មោះពីរោះពិសា ល្បីល្បាញ កើនទ្រព្យភ្ជាប់ញាតិ មានចំណេះចេះពីសង្គម ថ្លៃថ្លាប្រពៃពិតទៅថ្ងៃអនាគត ។
ដូចនេះគប្បីពិចារណាឱ្យបានល្អិតល្អន់មុននឹងជឿរលើជនណាមួយ ដោយហេតុថាបណ្ឌិតនិងពាលគឺជាមនុស្សដូចគ្នា ហើយមើលដឹងល្គឹកណាឆ្លងកាត់ការត្រិះរិះ ពិចារណាឲ្យបានច្រើនម៉ត់ចត់ ៕ សាន សារិន
ចែករំលែកព័តមាននេះ