ខេត្តបន្ទាយមានជ័យ ៖ នៅពេលឃើញលោកតាផ្ទាល់ភ្នែកពិតជាធ្វើឱ្យសង្វេគខ្លាំងណាស់ ព្រោះវាសនាមនុស្សខ្លះក្នុងព្រះជន្មប៉ុណ្ណេះ គឺបានរស់នៅជាមួយកូនចៅស្រួលនិងបានហូបគ្រប់គ្រាន់ហើយ ។ ប៉ុន្តែសម្រាប់បុរសវ័យចំណាស់ម្នាក់នេះ ប្រឹងរើសអេតចាយលក់ដើម្បីចិញ្ចឹមជីវិតចុងក្រោយគាត់ ដោយជើងម្ខាងប្រឹងទប់ ជើងម្ខាងប្រឹងដោលកង់…
ខេត្តបន្ទាយមានជ័យ ៖ នៅពេលឃើញលោកតាផ្ទាល់ភ្នែកពិតជាធ្វើឱ្យសង្វេគខ្លាំងណាស់ ព្រោះវាសនាមនុស្សខ្លះក្នុងព្រះជន្មប៉ុណ្ណេះ គឺបានរស់នៅជាមួយកូនចៅស្រួលនិងបានហូបគ្រប់គ្រាន់ហើយ ។ ប៉ុន្តែសម្រាប់បុរសវ័យចំណាស់ម្នាក់នេះ ប្រឹងរើសអេតចាយលក់ដើម្បីចិញ្ចឹមជីវិតចុងក្រោយគាត់ ដោយជើងម្ខាងប្រឹងទប់ ជើងម្ខាងប្រឹងដោលកង់ ទោះភ្នែកនិងត្រចៀកមើលនិងស្តាប់លែងចង់បានទៅហើយក្តី ។
កោះសន្តិភាពបានសុំការអនុញ្ញាត និងសាកសួរលោកតាសួរនាំទាំងលំបាក ព្រោះគាត់ហាក់ថ្លង់ទៅហើយ។ លោកតាប្រាប់ថា គាត់ឈ្មោះអ៊ូច សារ៉េត អាយុ៧៥ឆ្នាំ បច្ចុប្បន្ន រស់នៅម្នាក់ឯងក្នុងភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខណៈប្រពន្ធដើមបែកបាក់គ្នាជាច្រើន ឆ្នាំមកហើយ ឯប្រពន្ធក្រោយក៏បានស្លា.ប់ចោលទៀត ។
ដើម្បីជីវិតចុងក្រោយ ហើយហាក់ដូចរស់ទាំងត្រដាបត្រដួស គេគាត់តែងអង្គុយលើកង់ដោយជើងម្ខាងប្រឹងទប់ជ្រែង ខ្លាចដួលកង់ ។ ឯជើងម្ខាងទៀតប្រឹងដោលរករើសអេតចាយតាមដងផ្លូវតត្រុករាល់ថ្ងៃ ។ បុរសកំសត់រូបនេះបានប្រាប់ថា គាត់គ្មានសាច់ញ្ញាតិ និងមុខរបរទេ ក្រៅពីបង្ខំចិត្តរករើសអេតចាយ ដើម្បីលក់ដោះស្រាយក្រពះប៉ុន្មានឆ្នាំចុងក្រោយនេះ ។
កោះសន្តិភាពក៏សុំជួបជាមួយអ្នកស្រុកដែលរស់នៅជិតខាងប្រាប់ថា លោកតាកាលពីមុន រស់នៅឯភូមិទំនប់ក៥ សង្កាត់ប៉ោយប៉ែត ហើយក្រោយប្រពន្ធក្រោយគាត់បានស្លា.ប់ ក៏មករស់នៅទីតាំងបច្ចុប្បន្នដោយមិនដឹងថា ចាំដីឲ្យគេឬដីគាត់ផ្ទាល់នោះទេ។ អ្នកស្រុកលើកឡើងបន្តថារយៈពេលប្រហែល២ឆ្នាំចុងក្រោយនេះ ឃើញគាត់រស់អាស្រ័យរករើសអេតចាយបានតិចតួច ប៉ុន្តែគាត់តែងទទួលបានបាយម្ហូបនិងថវិកាពីអ្នកស្រុកគេឲ្យតាមដងផ្លូវ ព្រោះឃើញគាត់ចាស់ណាស់ទៅហើយៗពេលឈឺម្តងៗបានអ្នកជិតខាងហុចបាយទឹកផងដែរ ។
ដើម្បីរំលែកនូវទុក្ខលំបាកនេះ ភ្នាក់ងារកោះសន្តិភាពបាននាំយកអង្ក១៥គីឡូក្រាម, មី១០កញ្ចប់ ជូនដល់លោកតាខាងលើផងដែរ។ ផ្អែកលើទិដ្ឋភាពជាក់ស្តែងនេះ សង្ឃឹមថាសប្បុរសជនក្នុងនិងក្រៅប្រទេស ពិសេសអាជ្ញាធរនិងជួយដល់លោកតាកំសត់រូបនេះផង ដើម្បីឲ្យជីវិតចុងក្រោយរបស់គាត់ រួចផុតពីកាលំបាក៕
ចែករំលែកព័តមាននេះ