សារព័ត៌មានបរទេសផ្សាយថា វិទ្យាល័យមួយក្នុងប្រទេសចិន កាលពីពេល ថ្មីៗកន្លងមក បានចេញបញ្ជាដល់សិស្សស្រីគ្រប់រូបត្រូវចុះហត្ថលេខាលើកិច្ចសន្យាថា «នឹងមិនរួមរ័កមុនពេលរៀបការ» ។ រឿងនេះធ្វើឱ្យមានប្រតិកម្មពីមហាជន
សារព័ត៌មានបរទេសផ្សាយថា វិទ្យាល័យមួយក្នុងប្រទេសចិន កាលពីពេល ថ្មីៗកន្លងមក បានចេញបញ្ជាដល់សិស្សស្រីគ្រប់រូបត្រូវចុះហត្ថលេខាលើកិច្ចសន្យាថា «នឹងមិនរួមរ័កមុនពេលរៀបការ» ។ រឿងនេះធ្វើឱ្យមានប្រតិកម្មពីមហាជន តែសាលាបានសំណូមពរឱ្យយោគយល់ពីគោលបំណងដ៏ល្អរបស់សាលា ។
វិទ្យាល័យមួយនៅក្រុងស៊ីអាន ភាគខាងលិចឆៀងខាងជើងប្រទេសចិន បានចេញរបៀបវិន័យដ៏ចម្លែកនោះ ដោយឱ្យសិស្សស្រីគ្រប់រូប ចុះហត្ថលេខាលើកិច្ចសន្យារបស់ខ្លួនថា «មិនរួមរ័កមុនពេលរៀបការ» ។ ចាត់ទុកថាជាវិធីសាស្ត្រមួយរបស់សាលា ក្នុងការរួមចំណែកថែរក្សាប្រពៃណីទំនៀមទម្លាប់របស់នារី ដោយទទួលបានការគាំទ្រពីសិស្សជាច្រើន តែខ្លះទៀតសម្តែងការមិនពេញចិត្ត ព្រោះសាលាហាក់ដូចជារឹតបន្តឹងលើពួកនាងហួសហេតុ និងខ្លះទៀតគិតថាពួកនាងទទួលការ «ជាន់ឈ្លីលើសេរីភាព»។
«កិច្ចសន្យា» នោះ គឺជាផ្នែកមួយនៃការបំផុសចលនាដល់ «យុវជនសម័យថ្មី ត្រូវមានចិត្តអំណត់» ដែលភាសាចិនហៅថា «ហាមសិស្សស្រីរួមរ័កមុនពេលរៀបការ» ។ ស្របពេលជាមួយគ្នានេះ មានប្រតិកម្មពីបណ្តាអ្នកលេងអីុនធើរណេត ដោយលើកឡើងថា «ហេតុអ្វីទើបមិនឱ្យសិស្សប្រុសធ្វើកិច្ចសន្យាបែបនោះផង» ធ្វើឱ្យពួកគេយល់ថា វាគឺជាការរើសអើងភេទ ។
គ្រូបង្រៀនម្នាក់បញ្ជាក់ប្រាប់សារព័ត៌មានក្នុងស្រុកថា ហេតុផលដែលបង្កើតកិច្ចសន្យានោះ ព្រោះចង់ឱ្យសិស្សស្រីរក្សាតម្លៃជានារី ទើបប្រកាសឱ្យពួកគេចុះហត្ថលេខាលើកិច្ចសន្យាធ្វើជាភស្តុតាង ៕
ចែករំលែកព័តមាននេះ