១-បុព្វបុរសមនុស្សសម័យបុរាណ
ទស្សនាវដ្តី «ណាស្យូណាល់ជីអូហ្គ្រាហ្វិក» បានបង្ហាញផ្ទៃមុខមនុស្សបុរាណ «ចូម៉ូណាឡេឌី» គូរដោយអ្នកបុរាណវិទ្យាលោកចន ហ្គើច នៅក្រុងទ្រូម៉ានស្ប៊ើក សហរដ្ឋអាមេរិក ដែលសន្និដ្ឋានថាជាបុព្វបុរសរបស់មនុស្សដែលជីកប្រទះឃើញនៅល្អាងមួយក្នុងអាហ្វ្រិកខាងត្បូង ។
២-«iphone Apple »ស៊េរីថ្មី ៖
ក្នុងពិធីតាំងពិព័រណ៍នាឡិកា Apple ស៊េរីថ្មីនៅសានហ្វ្រាន់ស៊ីស្កូ សហរដ្ឋអាមេរិកមានបង្ហាញ iphone 6s របស់ក្រុមហ៊ុន Apple ស៊េរីថ្មីផងដែរ ។
៣-ម៉ាស៊ីនកក់សក់
បុរសចិនក្នុងខេត្តស៊ីឈួន បានច្នៃប្រឌិតម៉ាស៊ីនកក់សក់ស្វ័យប្រវត្តិមួយដោយគ្រាន់តែអង្គុយលើកៅអី ពាក់ស្បោងប្លាស្ទិកការពារទឹកចូលភ្នែក និងប្លាស្ទិកត្រងទឹកចូលទុុយោ រួមទាំងមួក ហើយបើកទឹកមានដោយសាប៊ូដើម្បីកក់សក់ និងមានម៉ាស៊ីនផ្លុំសម្ងួតសក់តែ៥នាទីជាការស្រេច ។
៤-លែងអណ្តើក
កុមារនាំគ្នាមើលអណ្តើកសមុទ្រមួយក្បាលនៅលើដៃអ្នកជីវវិទ្យាជនជាតិអាមេរិក នៅឆ្នេរសមុទ្រក្រុងហ្គាល់វ៉េស្តុន រដ្ឋតិចសាស់ និងជាអណ្តើកមួយក្នុងចំណោម៦ក្បាលដែលបានលែង ។
៥-ពិព័រណ៍ឈុតអវកាស
ឈុតអវកាសយានិក រួមជាមួយឧបករណ៍ប្រើប្រាស់ក្នុងលំហអវកាសបានតាំងបង្ហាញនៅក្នុងពិព័រណ៍នៅឯសារមន្ទីរវិទ្យាសាស្ត្រក្រុងឡុងដ៍រហូតដល់ថ្ងៃទី១៣ មីនា ២០១៦។
៦-កាហ្វេមិនឱ្យងងុយគេង
បុគ្គលិកក្នុងហាងកាហ្វេ «ជួនវ៉ាលដេស អូរីហ្សុីន» ក្នុងក្រុងបូកូតា ប្រទេសកូឡុំប៊ី បានលើកកាហ្វេជូនអតិថិជន ខណៈពេលមុននេះ អ្នកស្រាវជ្រាវអាមេរិក បានរកឃើញថាពិសាកាហ្វេនឹងធ្វើឱ្យគេងមិនលក់ រួមទាំងភ្ញាក់ពីដំណេកយូរ ។
៧-ផ្ទុះភ្នំភ្លើង
សេះព្រៃរត់ប្រសាច ខណៈពេលនៅលើលំហអាកាសពោរពេញដោយផ្សែង និងផេះពីភ្នំភ្លើង «កូតូប៉ាកស៊ី» ប្រទេសអេក្វាទ័រ ។
៨-សំរាមប្លាស្ទិកនៅពាសពេញសមុទ្រ
ក្រុមនាវឹករបស់នាវាត្រួតពិនិត្យតំបន់អឺរ៉ុប បានរាយសំណាញ់ជាប់សំរាមប្លាស្ទិកយ៉ាងច្រើនក្នុងមហាសមុទ្រមេឌីទែរ៉ាណេ ។
៩-សារមន្ទីរថ្មី បង្ហាញតុដ៏ធំនៅលើលោក
តុដ៏ធំរបស់លោករ៉ូប៊ើត ធ័ររៀន វិចិត្រករជនជាតិអាមេរិកនៅសារមន្ទីរដឹប្រ៊ត ក្រុងឡូសអេនចឺឡេស បើកឱ្យចូលទស្សនាជាលើកដំបូង ក្រោយពីពន្យារពេលយ៉ាងយូរ ។ សារមន្ទីរនោះមានផ្ទៃ៤.៥០០ម៉ែត្រការ៉េ សាងសង់អស់ប្រាក់ជាង១៤០លានដុល្លារ កាលពីឆ្នាំ២០១៤ ៕
ចែករំលែកព័តមាននេះ