បន្ទាយមានជ័យ ៖ កម្លាំងចម្រុះដែលឈជើងតាមបន្ទាត់ព្រំដែនបានជួបពិភាក្សាជាមួយកម្លាំងយោធាភាគីថៃអោយបញ្ឈប់សកម្មភាពដោះមីន តាមបន្ទាត់ព្រំដែនមង្គោលសីមា លេខ២៧ ដែលជួបពិភាក្សានៅវេលាម៉ោង១១,៥០នាទី ថ្ងៃទី០១ ខែមិថុនា ឆ្នាំ២០២១ ភូមិសាស្គ្រស្រុកថ្មពួក…
បន្ទាយមានជ័យ ៖ កម្លាំងចម្រុះដែលឈជើងតាមបន្ទាត់ព្រំដែនបានជួបពិភាក្សាជាមួយកម្លាំងយោធាភាគីថៃអោយបញ្ឈប់សកម្មភាពដោះមីន តាមបន្ទាត់ព្រំដែនមង្គោលសីមា លេខ២៧ ដែលជួបពិភាក្សានៅវេលាម៉ោង១១,៥០នាទី ថ្ងៃទី០១ ខែមិថុនា ឆ្នាំ២០២១ ភូមិសាស្គ្រស្រុកថ្មពួក ។
កងកម្លាំងដែលឈជើងតាមបន្ទាត់ព្រំដែនបានប្រាប់ថា ៖ កម្លាំងអង្គភាពដោះមីនថៃបានធ្វើសកម្មភាពដោះមីន តាមបន្ទាត់ព្រំដែនមិនប្រក្រតី ឬព្រំដែនសត្រង់បង្គោលសីមាលេខ២៧ ត្រង់ចណុចTA.283993-1572298 ហើយកងកម្លាំងចម្រុះចេញល្បាតប្រទះឃើញអោយបញ្ឈប់សកម្មភាពដោះមីនលើតំបន់មិនប្រក្រតី ឬព្រំដែនស ។
កម្លាំងបានបញ្ជាក់ថា៖ក្រោយឃាត់កម្លាំងយោធាដោះមីនថៃអោយបញ្ឈប់សកម្មភាពដោះតាមបន្ទាត់ព្រំដែន ហើយកម្លាំងចម្រុះកម្ពុជាមានកម្លាំងវរៈសេនាតូចនគរបាលការពារព្រំដែនគោក៨០៧និងកម្លាំងយោធាប្រមាណជាង១០នាក់ បានជួបពិភាក្សាជាមួយកម្លាំងយោធាថៃ ដោយកម្លាំងចម្រុះកម្ពុជាសុំអោយកម្លាំងអង្គភាពដោះមីនថៃត្រូវបញ្ឈប់សកម្មភាពដោះមីនលើតំបន់មិនប្រក្រតី ឬជាតំបន់សទុកដោយរាជរដ្ឋាភិបាលទាំងពីរជាអ្នកដោះស្រាយ ។
តែកម្លាំងយោធាភាគីថៃបានឆ្លើយតបថា ៖ រឿងនេះនិងសុំយោបល់ទៅថ្នាក់លើសិនយ៉ាងណានោះនិងប្រាប់តាមក្រោយវិញ៕
ចែករំលែកព័តមាននេះ